KIDUNG AGUNG 1:8 - Susula Malalaok Hehelu Palak Ma Hehelu Beuk

⁸ Masa bole o ta bubuluk mamanan-na fa hai anafe'oanak manai inak-kala tala'da? Tunga ka'da bi'ilopo bubuak-kala ei mamanan-nala, ma foo o bi'ihiim-mala nai deka noo manafoo-la ofun-na.

KIDUNG AGUNG 1:8 ပူးပေါင်းရင်းမြစ်များ

MAZMUR 16:3

Au fe ha'da-holomata neu hataholi malalao-malalafuk fo, manai nusak ia-la; au dale namahokong-nga nde, au leo nakabubua nos.

MAZMUR 45:11

Hai ina maneana nei, mamanene au dede'a-kokolang, boso mafandele o leoinam-ma, ma o tia-laim-mala.

MAZMUR 45:13

Laun Tirus-sala leni tunu-hotuk ba'eneu o; hataholi kamasu'ik-kala sanga enok ho'i o dalem-ma.

AMSAL 8:34

Namahoko-seteleek ba'eneu hataholi fo namanene neu au, fo su'di faik nangatuk nahani nai au umang-nga lelesun-na, ma manamaneak nai au mamana leleong-nga lelesuinan-na.

KIDUNG AGUNG 1:15

O mana'ahiik manseli, ou au mata makeeng-ngonei, te'e-te'e o mata makeek! O matam-ma sama leo manupui kalua.

KIDUNG AGUNG 2:10

Mamanene te, au touana susueng-nga kokolak no au. Mai leon fa'ding-ngo, mai leon au mata makeeng-ngonei!

KIDUNG AGUNG 4:1

O mata makeek, au susueng-ngo teta'ek-ka, o mata makeek o matam-ma, nai o lalaa langam dale, sama leo manupui kalua; o langadoom-ma, sama leo bi'ihii bubuak manakona leme pupukuk Gilead-tala mai.

KIDUNG AGUNG 4:10

O susuem-ma la'dan-na seli, fa'ding-ngo, au saoinang-ngo, la'dan-na lena heni angol-la O minam-ma naboomeni, lena heni basa bumbu mata-matak lala'en-na.

KIDUNG AGUNG 4:7

O mana'ahiik manseli au susueng-ngo, ta hapu bu'u-ba'ek nai o fa.

KIDUNG AGUNG 5:9

Ade o touana susuem-ma lena heni touana susuek fe'ek-kala, hai anafe'oana mana'ahiik-kanei? Ade, o touana susuem-ma lena heni touana susuek fe'ek kala, nalosa o madenu ami maheluk?

KIDUNG AGUNG 6:1

O touana susuem-ma neu leo bee neu, hai anafe'oanak mana'ahiik-kala lemin? O touana susuem-ma neu leo bee neu, fo daenga ami boeo tunga meu sangan?

YEREMIA 6:16

Manetualain nafa'da anan-nala nae, “Mapadeik meu eno kaba'ek-kala, fo taoafik matalolole! Matane eno-enok makahulun eli-la, fo enok sila-la, beek-ka nde malole. Soona tunga enok ndia leona, fo ela emi maso'da no nee-nee lino-linok.” Tehu lafa'da lae, “Ta, ami ta nau tunga enok ndia fa!”

YOHANIS 21:15

La'a basa boema, Yesus nafa'da Simon Petrus nae, “Simon, fo Yona anan, ade o sue-lai Au, lenaheni basa ia la susue-lalain neu Au a do ta?” Boema Petrus nae, “Tete'e ka, Lamatuak. Lamatua ka bubuluk, au sue-lai Lamatua ka.” Yesus nafa'dan nae, “Makaboboi Au bi'ilopo ana ngala.”

1 KORINTUS 11:1

Na'da ma au nana'da nga leona, sama leo au boeo na'da Kristus nana'da na.

EFESUS 5:27

No enok ndia, Kristus tao na hataholi kamahehelek sila, lapadeik no matua-mademan ma matetu-mandaak nai mata na, fo ta hapu bu'u-ba'ek do bu'u-ba'e esa boen.

IBRANI 13:7

Boso mafandeleheni emi mauli-malangam fo mana manduku-malosak Manetualain hala hehelu na neu emi a. Taoafik neu, tao leo bee fo sila laso'da, ma tao leo beek fo sila mate, ma tunga sila namahehele nala.

IBRANI 6:12

Ami ta nau emi da'di manapela-balek fa. Tehu ami hii fo ela emi maso'da sama leo hataholi fo manasipo hata fo Manetualain helu ka, ma nanahu emi mamahele neun, ma emi mahani no ta haelai mamanasa fa.

YAKOBIS 2:21

Mete ka'da ita ba'ikain, “Abraham Manetualain sipo kana no malole, nana tatao-nono'in ndek: lelek fo, ana tunu-hotu anan Isak nai mei tutunu-hohotuk lain neu Manetualain.”

YAKOBIS 2:25

Boema mete mitak Rahab fo ina mana sosoa-piaok ndia. Manetualain sipo kana no malole, nana tatao-nono'in ndek lelek fo, nafuni hataholi Israe la mata-mata nala neme uman dale, boema ana tulu-falis, de ana fes lalai fali tunga eno fe'ek.

YAKOBIS 5:10

Tolano-tolanoo ngala lemin! Mafandendelek basa nabi fo mana kokolak pake Lamatua ka na'de na, hataholi sila ta haelai lamanasa fa ma lakatatakak nai doidoso ka dalek. Hu ndia de, ho'i natutu'duk neme hataholi sila so'da na mai.

1 PETRUS 3:6

Sara leondiak boe. Ana tunga Abraham paleta na, ma noken soona nae, ndia malanga na. Besak ia, tolanoo kala nde bee na Sara anan, metema emi tao-no'i dede'a malole, ma emi ta bii-mamata'u neu hata esa boen.