KIDUNG AGUNG 1:4 - Susula Malalaok Hehelu Palak Ma Hehelu Beuk

⁴ Ata la'o lai-lai, ou au maneng-ngonei, moo au leo o kamam dale neu. Hu ka nde o de ami basa-basam-mala mamahoko, ma koa-kio o susue tou-ta'em lena heni angol-la; hu ndia de anafe'oanak-kala susue tou-ta'en soaneu o!

KIDUNG AGUNG 1:4 ပူးပေါင်းရင်းမြစ်များ

MAZMUR 111:4

Manetualain ndia, manasue ma manalai, Ana tao tatao-nono'ik fo, dodoo doak-kana, fo ela ita tafandendelek tahelen.

MAZMUR 119:32

No namahokok, neukose au tunga O paletam-ma, nana O tao-ma au, boetai alelak.

MAZMUR 119:60

Au ta ahani fa, te no lai-laik, au akalala'ok O paletam-ma.

MAZMUR 149:2

Mamahoko leon, hai Israel, nanahu o Manamakadada'dim-ma; mamahoko-setelee leon, hai laun Sion-nala lemin, nanahu emi Manem-ma!

MAZMUR 42:4

Lele'do-le'odaen au kii, luu oe-a da'di au nana'a-nininung. Fai katemak esa dalen-na, au musung-nga natane, “O Manetualaim-ma nai bee?”

MAZMUR 48:9

Sama leo hata fo ita tamanenen, de besak ia ita titan nai Manetualain Fo Manakoasa kotan-na. Kota ndia nde been-na, ita Manetualain Kotan-na, Nasala'en losa dodoon-na.

MAZMUR 63:5

Au oke makasi neu O, nai au fai maso'dang-nga dalek; au so'uk au limang-nga neu O, boema au hule-haladoi,

KIDUNG AGUNG 3:4

Besak-ka au la'o elas tutik-ka au atongo o au touana susueng-nga. Au ho'u-an, de au ta po'i fan losa au on leo au inang uman neu, au on leo hataholi manabongi au-a, kaman dale neu.

KIDUNG AGUNG 4:10

O susuem-ma la'dan-na seli, fa'ding-ngo, au saoinang-ngo, la'dan-na lena heni angol-la O minam-ma naboomeni, lena heni basa bumbu mata-matak lala'en-na.

YESAYA 25:8

Manetualain Fo Manakoasa, neukose tao namate-namopo mamates-sa, losa dodoon-na! Neukose Ana loseheni luuoe-a neme basa mata-panak lala'en-na mai, ma nadook nakamumulu-nakamamaek fo, anan manai daebafak-ka lala'en-na, lu'a-lepak-ka. Manetualain kokolak basa so, de tao leo bee-o, dede'ak ndia ana da'di.

YESAYA 45:25

Tehu, Yakob tititi-nonosin, neukose nanasoi-tefak, ma neukose ala koa-kio Au, fo Manetualain.

YESAYA 61:3

soaneu fe hika-natadalek ma namahokok neu hataholi manadale he'dik, ma manasusak-ka; soaneu tao asafali sila dale he'din-na, da'di nakamee kokoa-kikiok. Neukose sila sama leo ai fo Manetualain sele matan. Neukose ala tao hata fo malole ma ndoos, nalosa Manetualain nananamatutua-namadedemak.

YESAYA 63:7

Au sanga tui-benga, Manetualain susue-lalain ma koa-kion, nanahu basa tatao-nono'in lala'en-na. Ana fe anan-nala, baba'e-papala manasasi kao-kaok-ka, nanahu nanuu dale susue-lalaik, ma dalek-kasian-na ta basa fan.

YEREMIA 31:3

Au atu'du Au aoinang-nga neus neme dook-ka mai. Hai hataholi Israel-la lemin, lelek makahulun-na Au sue-lai emi tatas esa, ma soaneu losa makandondoo henin Au atu'du ae, Au sue-lai emi tatas esa.

HOSEA 11:4

No basa Au suse-lalaing lala'en-na, Au fen deka no Au. Au lui amada'u basa doi-doson lala'en-na, ma no Au dale maloleng-nga, Au fen na'a.

ZEFANYA 3:14

Hai Israel, eeki-matadale, ma makamee leona! Hai Yerusalem, mamahoko no dalek-katematuak leona!

ZAKHARIA 9:9

Hai laun Sion-nala lemin, mamahoko-setelee leon! Hai laun Yerusalem-mala lemin, eeki-matadale leon! Mete leon! Emi Manem-ma, ana mai no matua-mademan! Ndia manek fo manatao tunga ndoo-matetun-na, fo maneni so'da-molek-ka. Tehu henuk no dale taidaek, ana losa ana sa'e keledei, keledei ana esa.

MATEOS 25:10

Boema ana fe'oana nggoa kalima nggoa kala leu asa mina. Ala la'o tutika mana ka'bing tou ka losa. Boema ana fe'oana malela kalimak fo mana mahehele ao basak sila la, ala masok sama-sama lo mana ka'bing tou ka leo mamana feta leu de ala kena lelesu a!

LUKAS 2:10

Tehu ata nusa so'dak ndia nafa'da nae, “Boso bii! nana au mai uni hala malole soaneu emi. Halak fo tao namahoko basa hataholi lala'ena.

LUKAS 22:19

Basa ndia boema Yesus ho'i na loti a. Ma Ana hule-haladoi noke makasi basa neu Manetualain, Ana tete'i loti ndia ninik lima na, boema Ana fen neu ana manatunga nala ma nae, “Ia nde Au ao paa nga fo nanafe henik soaneu emi. Tao-no'i ia leona, soaneu mafandendelek Au.”

YOHANIS 12:32

Tehu Au ia, metema Au nananamatutua-namadedema basak nai daebafa ka soona, neukose Au hela uni basa hataholi la leo Au mai.”

YOHANIS 6:44

Te hataholi a, ana ta hapu mai leo Au mai fa, metema Amak fo manamadenu Au a, ta nde no hataholi ndia leo Au a mai, boema see mai soona, neukose Au tao aso'da fali kana nai Fai Mate'e ka.

EFESUS 2:6

Hu ka nde ita da'di esa to Kristus Yesus, de Manetualain tao naso'da falik ita sama-sama to Kristus, fo daenga ita paleta sama-sama ton nai nusa so'da ka dalek boe.

EFESUS 6:24

Ela leo bee na Manetualain fe baba'e-papalak neu emi basa-basa mala fo mana sue-lai neu ita Lamatuan Yesus Kristus ninik susue-lalaik fo ta hapu mate fan. Ha'da-holomata neme ami, Paulus

FILIPI 3:3

Te see ko na, ita nde sipo sunat matetu ka, te sila soona, ta. Ita sene-do'ok neu Manetualain, hu ka nde Dula Dale na hehela-nonolen, ma ita toke makasi nanahu ita taso'da da'di esa to Kristus Yesus. Ita ta tamahena neu ito-atok tunga ha'da-tatao ao paa ka fa.

FILIPI 4:4

Ela leo bee na, emi mamahoko tataas esa, nana hu emi maso'da da'di esa mo Lamatua ka so. La'i esa seluk au afa'da: mamahoko leona!

IBRANI 12:1

Naa, la'eneu ita mesa tala soona, nai ita boboa-kaisun hapu sakasii makadotok nanseli! Hu ndia de, mai fo ata tu'u-tapaheni basa hata fo ana tao nambela ita, ma basa sala-singok fo lakadita lahele ita. Ma mai fo no te'e-te'ek teu tunga nakasusu'di ka nde ita mata na.

1 PETRUS 1:8

Leomae makahulu na emi ta mita fan, tehu emi sue-lain. Besak ia boeo, emi ta mita fan, tehu emi mamahelen boe. Hu ndia de emi mamahoko matua ina manseli, de nalosa ta tafa'da talelak emi namahokom ndia fa.