KELUARAN 9:29 - Susula Malalaok Hehelu Palak Ma Hehelu Beuk

²⁹ Musa nafa'da manek-ka nae, “Au losa kota deak tutik-ka, neukose au so'uk au limang-nga, fo au hule-haladoi neu Manetualain. Neukose mangguluk-ka hahae, ma u'da eis-sa neukose nakamate, fo ela au Ama Maneng bubuluk, nae daebafak ia, Manetualain nuun.

KELUARAN 9:29 ပူးပေါင်းရင်းမြစ်များ

1RAJA-RAJA 8:22

Basa ndia boema, nai laun manai sila-la matan, Salomo napadeik nasale leo mei tunu-hotuk-ka neu boema ana so'uk liman duas

1RAJA-RAJA 8:38

ela leo been-na, O mamanene hule-haladoin-nala. Metema neme O anam Israel hapu nggelok no dale he'dik ana hule-haladoi neu O no ana so'uk liman-na nasale leo uma hule-haladoik ia mai soona,

EZRA 9:5

Lelek, mulai tunu-hotu tutunu-hohotu le'donosok-ka boema, au fo'a eme mamanak fo, au angatuuk no dale nakalulutuk ndia mai, no bua papake si'da-saek, de au akaluku-akatele, ma au look au lima nga, leo au Manetualain neu.

AYUB 11:13

Ayub, tao balisi o dalem-ma, fo sale dale neme o sala-ma leona! Hule-haladoi neu Manetualain leona!

MAZMUR 135:6

Ana tao hata fo, nahiik-kana, nai lalai ma daebafak-ka, nai tasi ma nai tasi maloaina madema.

MAZMUR 143:6

Au so'uk au limang-nga, fo au hule-haladoi neu O; au samaneng-nga, nahiik nanseli, natongo no O, sama leo dae tuuk-ka.

MAZMUR 50:12

Metema Au amala'a soona, ta paluu Au afa'dan neu emi fa, nana daebafak-ka no oe-isin lala'ena, Au nuung.

KELUARAN 19:5

Besak ia, metema emi tunga Au, ma lilineka neu Au hehelu-balataang soona, neukose Au tao emi da'di Au anang mesang. Daebafak-ka lala'en-na nde been-na Au nuung, tehu neukose emi da'di Au ana susue-lalaing,

KELUARAN 20:11

Nai faik nee dalen-na, Au, fo Manetualain, akadada'dik daebafak-ka, lalai-a, tasi-a no basa oe-isin lala'en-na, tehu neu fai ka hitun-na, Au hahaeaong. Hu ndia de, Au, fo Manetualain ba'e-pala fai Sabat-ta ma Au tao alalao-alalafun.

KELUARAN 8:22

Tehu neukose Au ta'da fe'e nusa Gosyen-na, fo Au anang-ngala mamana leleon-na. Neukose ta hapu pena nai naa fa, fo ela emi bubuluk, mae Au, fo Manetualain nde manatao manada'dik ndia.

KELUARAN 8:6

Boema, Harun leleuk aitete'en-na leo basa oe-la lain neu, boema lo'donggelek-kala poka mai, de henu nusak ndia.

KELUARAN 9:33

Boema, Musa la'o leona, de neu leo kota deak neu; nai ndia, ana so'uk liman-na, fo ana hule-haladoi neu Manetualain. Hatematak ndia boe, mangguluk-ka, u'da eis-sa ma u'dan-na hahae.

YESAYA 1:15

Metema, emi so'uk emi limam-ma, fo emi hule-haladoi soona, Au ta nau taoafik neu fan. Au ta paluu emi huhule-haladoim dede'un-na de'ubee fa, ma Au ta nau amanene fan, nana emi manisa la'i ba'uk-ka nenik emi limam ndia so.

1 KORINTUS 10:26

Nana nai Susula Malalaok dale nanasulak nae, “Daebafak ia no oe isin lala'ena nde bee na, Lamatua ka nuun.”

1 KORINTUS 10:28

Tehu metema hapu hataholi nafa'da emi nae, “Nana'a-nininuk ia la ala fe basan neu sosongo-tatango ka so,” soona boso mi'a nana'ak ndia, nana emi manea hataholi ndia paluu na, ma hu ka nde dale bobongo ana ka nakababale na.

ULANGAN 10:14

Lalai mademaina nde been-na, emi Manetualaim-ma, nuun ndia; daebafak-ka no basa hata lala'en fo, manai daebafak-ka lain boeo, Ndia nuun sila.