KELUARAN 8:28 - Susula Malalaok Hehelu Palak Ma Hehelu Beuk

²⁸ Boema manek-ka nafa'da nae, “Hei, au po'i emi meu leo mook solokaek-ka meu, fo tunu-hotu tutunu-hohotuk soaneu Manetualain, fo emi Manetualaim-ma, sa'di boso meu leo dook-ka meu. Mafandendelek, fo hule-haladoi fe au!”

KELUARAN 8:28 ပူးပေါင်းရင်းမြစ်များ

1RAJA-RAJA 13:6

Boema Yerobeam nafa'da nabi ndia nae, “Suen-na hule-haladoi neu o Manetualain soaneu au. Moke susue-lalain leona, fo nakahahaik au limang-nga!” Nabi ndia hule-haladoi neu Manetualain, boema manek-ka liman-na hai.

EZRA 6:10

Tao basa sila-la, fo ela ala hapu fe tutunu-hohotuk nandaa no Manetualain, fo manakoasa nai nusa so'dak-ka dalen-na, ma fo ela ala loke baba'e-papalak ba'eneu au, ma ba'eneu basa au ana toung-ngala.

KELUARAN 10:17

Soaneu oek ia soona, fe do'o do ampon neu au sala-singong, ma hule-haladoi neu Manetualain, fo emi Manetualaim-ma, fo ela Ana ho'in-na huhuku-dodokik maneni mamates ia, neme au mai.”

KELUARAN 3:19

Basa boema, Manetualain nafa'da seluk nae, “Au bubuluk mane Masir-ra, neukose ta po'i emi meu fa, te ka'da metema nananakasetik.

KELUARAN 7:13

Leomae leondiak boe, manek-ka nalanga batu nahele, de ana ta taoafik neu Musa no Harun dede'a-kokolan, sama leo Manetualain nafa'da basak-ka so.

KELUARAN 8:15

Lelek manek-ka nita, nae lo'donggelek sila-la mates so, boema nalanga batu. De sama leo hata fo Manetualain nafa'da basan nae, manek-ka ta nau taoafik neu Musa no Harun hala-kokolan fa.

KELUARAN 8:29

Musa nataa nae, “Au la'o, fo no lai-laik au hule-haladoi neu Manetualain, fo ela balahaa soona, pena sila-la la'oela au Ama Maneng-nga, basa manapaleta-la, ma laun-nala. Tehu, boso ke'di-ndiu seluk ami bai, ma boso mapanggengge leoina Israel-la, fo leu tunu-hotu tutunu-hohotuk soaneu Manetualain.”

KELUARAN 8:8

Boema, manek-ka naloo Musa no Harun, de nafa'das nae, “Hule-haladoi neu Manetualain, fo ela Ana tao namopo lo'donggelek ia-la soona, neukose au po'i o leoinam-ma la'o, fo leu tunu-hotu tutunu-hohotuk soaneu Manetualain.”

KELUARAN 9:28

Hule-haladoi neu Manetualain leona; ami doi-dosom-ma dai so, nanahu mangguluk ma u'da eis ia. Neukose, au po'i emi la'o. Emi boso boe leo meme ia bai.”

PENGKHOTBAH 6:10

Basa hata lala'en manai ia, nai ia neme dook eli mai so. Ita bubuluk tae, hataholi daebafak-ka ta hapu nase'i no hataholi fo balakain-na lena neme ndia mai fa.

YEREMIA 42:2

lo au-a mai de lafa'da lae, “Ama, samaleo Ama mita matan, ami ia makahulun-na ba'uk-ka te besak ia ela ka'da lumuanak so. Ami dokodoe Ama hule-haladoi soaneu ami, neu Amak Manetualain fo sene-do'ok-ka. Hule-haladoi fe ami fo be elak iala,

HOSEA 10:2

Hataholi fo dalen-nala ta ndoos sila-la, besak ia ala muse lu'a-lepa sala-singon-nala buna-boan. Neukose Manetualain tao nakalulutuk sila mei tunu-hotun-nala, ma Ana ofe heni sila lutu batu sosongon-nala.

HATAHOLI 8:24

Boema Simon nafa'da Petrus no Yohanis nae, “Sue na moke Lamatua ka, fo emi mafa'da basa dede'ak sila la, esa boeo ana boso da'di neu au.”