KELUARAN 8:22 - Susula Malalaok Hehelu Palak Ma Hehelu Beuk

²² Tehu neukose Au ta'da fe'e nusa Gosyen-na, fo Au anang-ngala mamana leleon-na. Neukose ta hapu pena nai naa fa, fo ela emi bubuluk, mae Au, fo Manetualain nde manatao manada'dik ndia.

KELUARAN 8:22 ပူးပေါင်းရင်းမြစ်များ

KEJADIAN 46:34

mafa'dan mae emi ia manamakaboboi bana-manu neme emi bei anam-ma mai, sama-na leo emi bei-ba'i kaim-mala. No enok ndia, neukose nadenu emi leo nai nusa Gosyen-na.” Yusuf nafa'da dede'ak ndia, nanahu hataholi Masir-ra name'da nananakadadaek, metema ana leo-napalasa no manafoo bana-manu.

MAZMUR 110:2

Neme Sion mai, neukose Manetualain tao namaloa o nusam-ma; koasa o musum-mala leona!

MAZMUR 74:12

Ou Manetualain, neme makasososan mai-a, au maneng-nga nde O, O nde soi-tefa-mala ami-a.

KELUARAN 10:23

Hataholi Masir-ra, ta hapu lita hata-hata fa, de nai fai ka teluk sila-la dalek, ta hapu hataholi esa boen, neu leo su'di bee neu fa. Tehu, nai hataholi Israel-la uman-nala soona, mangale'dok nahele.

KELUARAN 12:13

Daak manai emi umam-ma lelesu-na, neukose ana da'di ta'du-tana neme uma fo emi mamana leleom-ma. Metema Au ita daak ndia soona, Au la'o seli emi, ma nai lelek Au huku Masir-ra, Au ta tao amopo-amate emi fa.

KELUARAN 19:5

Besak ia, metema emi tunga Au, ma lilineka neu Au hehelu-balataang soona, neukose Au tao emi da'di Au anang mesang. Daebafak-ka lala'en-na nde been-na Au nuung, tehu neukose emi da'di Au ana susue-lalaing,

KELUARAN 20:11

Nai faik nee dalen-na, Au, fo Manetualain, akadada'dik daebafak-ka, lalai-a, tasi-a no basa oe-isin lala'en-na, tehu neu fai ka hitun-na, Au hahaeaong. Hu ndia de, Au, fo Manetualain ba'e-pala fai Sabat-ta ma Au tao alalao-alalafun.

KELUARAN 7:17

Hu ndia de, Manetualain, nafa'da nae leo ia, ‘Neme hata fo neukose, mahani te Au taon soona, neukose o bubuluk mae Au nde Manetualain. Neukose au fepa aitete'ek ia neu lee-a oen lain, fo oen-na nasafali da'di daak.

KELUARAN 7:5

Boema, hataholi Masir-ra neukose bubuluk, lae Au ia Manetualain, nai lelek Au hukus-sala, ma nai lelek Au o Israel kalua neme sila nusan-na mai.”

KELUARAN 8:10

Manek ndia nataa nae, “Balahaa soona, hule-haladoi fe au.” Musa nae, “Neukose au tao atetu au Ama Maneng-nga nonoken-na. Soona neukose, au Ama Maneng-nga bubuluk, nae ta hapu Manetualain fe'ek, sama leo Manetualain, fo ami Manetualaim-ma.

KELUARAN 8:21

Metema o ta nau fa soona, neukose Au fe pena-la mai leo o mai, leo manapaleta-la ma laun-nala. Hataholi Masir-ra uman-nala, nakalenak basa nusak-ka lala'en-na, henuk no pena.

KELUARAN 8:23

Neukose Au ta'da fe'e Au anang-ngala loo o laum-mala. Balahaa soona, neukose manada'di beuk ndia ana da'di.’ ”

KELUARAN 9:26

U'da eis-sa, ta tuni la'e ka'da nusa Gosyen-na, fo hataholi Israel-la mamana leleon-na fa.

KELUARAN 9:29

Musa nafa'da manek-ka nae, “Au losa kota deak tutik-ka, neukose au so'uk au limang-nga, fo au hule-haladoi neu Manetualain. Neukose mangguluk-ka hahae, ma u'da eis-sa neukose nakamate, fo ela au Ama Maneng bubuluk, nae daebafak ia, Manetualain nuun.

KELUARAN 9:4

Neukose, Au ta'da fe'e hataholi Israel-la bana-manun, neme hataholi Masir-ra bana-manun mai. Neukose, hataholi Israel-la bana-manun, ta mate esa boen.

KELUARAN 9:6

Balahaa boema, Manetualain taon sama leo hata fo nafa'da basan so. Mate basa hataholi Masir-ra bana-manun, tehu hataholi Israel-la bana-manun soona, ta mate esa boen.

YESKIAL 30:19

Neukose Au huku Masir leondiak, soona besak-ka ala bubuluk, lae Au nde Manetualain-na.”

MALEAKHI 3:18

Neukose Au anang-ngala, lita seluk hataholi malole, ma hataholi mangalauk, hataholi manasene-do'ok, ma manasene-do'ok tak-ka, so'dan-nala ta sama fa.”