KELUARAN 8:10 - Susula Malalaok Hehelu Palak Ma Hehelu Beuk

¹⁰ Manek ndia nataa nae, “Balahaa soona, hule-haladoi fe au.” Musa nae, “Neukose au tao atetu au Ama Maneng-nga nonoken-na. Soona neukose, au Ama Maneng-nga bubuluk, nae ta hapu Manetualain fe'ek, sama leo Manetualain, fo ami Manetualaim-ma.

KELUARAN 8:10 ပူးပေါင်းရင်းမြစ်များ

2 SEMUEL 7:22

Tete'ek-ka, O matua-madema, ou Manetualain! Ka'da O mesam-ma nde Manetualain, de ta hapu hata esa boen, sama leo O fa. Ami bubuluk dede'ak ndia nana, nananafa'da basak neme makahulun eli mai so.

1 TAWARIKH 17:20

Ka'da O nde Manetualain, ta hapu hata esa boen fo sama no O fa. Ami bubuluk dede'ak ndia, nana nananafa'da basak neme makahulun eli mai so.

MAZMUR 83:18

Nemen-na fo ala hapu mamaek, ma ala bii-lamata'u losa dodoon-na, nemen-na fo mates lai nakamumulu-nakamamaek-ka dalek.

MAZMUR 86:8

Ou Manetualain, ta hapu lamatua daebafak sama leo O fa, ta hapu hataholi bisa tao hata fo, O taon fa.

MAZMUR 9:16

Nggileo-bobongik fo, ta lalelak O-a fa, ala tu'da leo bolok fo sila kaliaon-na dalek leu; sila hihi'in-nala, nala seluk-kasa.

KELUARAN 15:11

Lamatua daebafak beek-ka nde hapu nakasusu'dik no O, ou Manetualain Fo Mandela-masa'ak ma malalao-malalafuk? See kande hapu tao manada'dibeuk-kala ma tatao-nono'i matuaina sama leo Manetualain?

KELUARAN 8:9

Musa nataa nae, “No namahokok, neukose au hule-haladoi soaneu au Ama Maneng. Maketu fain-na, soona neukose au hule-haladoi fe au Ama Maneng-nga, basa manapaleta-la, ma laun-nala. Soona, neukose au Ama Maneng-nga, natapo'i neme lo'donggelek ia-la mai, fo ta ela esa boen, ela ka'da manai Lee Nil-la.”

KELUARAN 9:14

Oek ia soona, neukose Au fe soe-a ta la'e ka'da manapaleta-la, ma laun-nala mesak-kana fa, tehu neu o boe, fo ela o bubuluk, mae ta hapu hataholi nakasusu'dik no Au, nai daebafak-ka lala'en-na fa.

KELUARAN 9:29

Musa nafa'da manek-ka nae, “Au losa kota deak tutik-ka, neukose au so'uk au limang-nga, fo au hule-haladoi neu Manetualain. Neukose mangguluk-ka hahae, ma u'da eis-sa neukose nakamate, fo ela au Ama Maneng bubuluk, nae daebafak ia, Manetualain nuun.

AMSAL 27:1

Boso kokolak bafa maloa, la'eneu fai balahaan-na, nanahu, neukose o ta bubuluk hata da'di fa.

YESAYA 40:18

Da'di, o sanga makasasamak Manetualain no see? See kande, o mafa'da mae, mata-aon sama no Manetualain?

YESAYA 40:25

See kande, o mafa'da mae, mata-aon sama no Manetualain Fo Malalao-malalafuk-ka? O sanga makasasamak-kana no see ka?

YESAYA 46:9

Mafandendelek, manada'dik manai tepo lelek makahulun eli; manaku leon, mae Au Manetualain, de ta hapu fe'ek fa, Au Manetualain, de ta hapu hata esa boen, sama leo Au fa.

ULANGAN 3:24

Ou Manetualain Fo Matua Madema, au bubuluk hata fo O matu'dun neu au ia, besak-ka nalupa makasososak neme O tatao-nono'im matuainam ma nanadodoo doak. Ta hapu lamatua daebafak nau nai lalai do nai daebafak-ka boe, fo sama leo O taom-malak hata-hata fo ta uku-dou nala fan.

ULANGAN 32:31

Israel musun-na, ana bubuluk, nae sila manamasulu-mahapan-na, ta sama leo Manetualain, fo Israel manamasulu-mahapan-na fa.

ULANGAN 33:26

“Hai Israel! Ta hapu lamatua daebafak fo, sama leo emi Manetualaim-ma fa; Ana la'ok seli lalai-a no ta hapu manamapanggenggek fa, ma Ana tola seli ko'as-sa, fo Ana tulu-fali emi.

ULANGAN 4:35

Manetualain natu'du basa sila-la neu emi, fo ana da'di ta'du esa, nae ka'da Manetualain ndia mesak-kana, nde Manetualain-na, de ta hapu lamatua daebafa fe'ek fa.

ULANGAN 4:39

Hu ndia de faik ia, mame'dak leona, fo boso mafandele henin: te ka'da Manetualain mesak-kana nde Manetualain fo nai lalai ma daebafak-ka; ta hapu lamatua daebafa fe'ek fa.

YAKOBIS 4:14

Emi ta bubuluk hata fo neukose ana da'di neu emi so'da ma, nai fai balahaa na fa! Emi sama na leo ka'da ko'de ndenu ka fo titan ka'da hatematak esa mesan, tehu basa soona, ana sapu-lalo.