KELUARAN 7:3 - Susula Malalaok Hehelu Palak Ma Hehelu Beuk

³ Tehu neukose, Au tao-a manek-ka da'di nalanga batu. Neukose ana ta taoafik neu o fa, leomae Au fe soe makadotok, da'di nai Masir so.

KELUARAN 7:3 ပူးပေါင်းရင်းမြစ်များ

NEHEMIA 9:10

O tao dede'a matuaina-la soaneu mane Masir-ra, boeo soaneu hataholi mana'a ngga'di-la boema laun manai nusan-na, nana O bubuluk tao leo beek ala fepa-li'u O anam-mala. Boema O na'dem-ma nananita-nalelak losa faik ia.

MAZMUR 135:9

Nai naa, Ana tao manada'di beuk, ma ta'du-tana makadotok, fo huku manek-ka no basa hataholi mana'a ngga'din-nala.

MAZMUR 78:12

Nai sila bei-ba'i kain-nala matan, Manetualain tao manada'di beuk-kala, neme nusa Masir-ra, fo nai masadokek Zoan-na.

KELUARAN 11:10

Musa ma Harun tao basa manada'di beuk sila-la nai manek-ka matan, tehu Manetualain tao-nan nalanga batu, nalosa ana ta nau po'i hataholi Israel-la la'oela nusan-na fa.

KELUARAN 11:9

Manetualain, nafa'da Musa nae, “Neukose, manek-ka ta taoafik neu o hala-kokolam fa, fo ela Au hapu tao manada'di beuk bauk-ka seluk, nai basa Masir lala'en-na.”

KELUARAN 14:4

Neukose, Au tao-an da'di langa batuk, fo neu usi emi. Tehu neukose, Au atu'du Au koasang-nga neu manek Masir-ra, ma solda'dun-nala, fo neukose ala bubuluk, lae Au nde Manetualain.” Boema hataholi Israel-la taon, sama leo hata fo Manetualain paleta neus.

KELUARAN 3:20

Tehu, neukose Au pake Au koasang-nga, fo Au huku Masir nenik Au fe soe matuaina leo naa neu. Basa ndia soona, besak-ka ana po'i emi la'o.

KELUARAN 4:21

Manetualain, nafa'da Musa nae, “Au fe basa o koasa, soaneu tao manada'di beuk-kala so. Da'di, mahani te, metema o losa Masir soona, tao basa manada'di beuk sila-la nai manek Masir-ra matan. Tehu, neukose Au tao-an nalanga batu, nalosa ana ta po'i leoina ndia la'o fa.

KELUARAN 4:29

Basa boema, Musa ma Harun leu leo Masir leu, de laloo lakabubua basa mane leo Israel-la.

KELUARAN 4:7

Boema, Manetualain nafa'da nae, “Tao falik o limam-ma, leo o ba'dum dale neu.” Musa taon neu, de nai lelek ana hela falik-kana, te liman ndia lea-hai so.

KELUARAN 7:13

Leomae leondiak boe, manek-ka nalanga batu nahele, de ana ta taoafik neu Musa no Harun dede'a-kokolan, sama leo Manetualain nafa'da basak-ka so.

KELUARAN 9:16

Tehu, Au po'ilotak emi maso'da, fo ela Au hapu atu'du Au koasang-nga neu o, nalosa Au na'deng-nga da'di nanakoa-kiok nai basa daebafak-ka lala'en-na.

AMSAL 21:1

Sama leo Manetualain ito-ato lee oen-na, fo ela ana faa tunga dale hihiin-na, leondiak boe, Ana hela-nole manek-ka dudu'a-aafin

YESAYA 51:9

Fo'a leon, ou Manetualain, fo tulu-fali ami, soi-tefa-mala ami, nenik O koasam-ma. Fo'a leon, sama leo nai tepo lelek makahulun-na nai lelek O tao makalulutuk Rahab: ma pau misa buta tasi ndia, losa maten.

MIKHA 7:15

Tao manada'di beuk soaneu ami leon, ou Manetualain, sama leo makahulun-na O taon, nai lelek O moo falik ami neme Masir mai.

YOHANIS 4:48

Tehu Yesus nafa'da manapaleta, hataholi mana'a ngga'din ndia nae, “Leo uni ka o ta mita Au tao manda'di beuk fa soona, o ta mamahele fa.”

HATAHOLI 2:22

Tolano-tolanoo Israel ngala lemin! Mamanene hata fo au afa'dak ia la. Manetualain fe basa bela-ba'uk neu Yesus fo hataholi Nazaret ndia, soaneu tolanoo kala so. Ita titan no mangale'dok nai manda'di beu kala ma dede'a matua ina la dalek, fo Manetualain taon nai emi tala'da tunga Yesus ndia. Emi bubuluk basa dede'ak sila la so.

HATAHOLI 7:36

Musa ia nde hela-nole leoina Israe la kalua leme Masir mai, ninik ana tao manda'di beuk, ma dede'a matuaina la neme Masir, neme Tasi Pila sa, ma neme mo maloa teuk hahulu dale na.

ROMA 15:19

ma ninik manda'di beu kala ma dede'a matua ina la; basa sila la leme Manetualain Dula Dale na koasa na mai. Hala Malole la'eneu Kristu sa, au tui-benga basa-basan neu hataholi la, mulai neme Yerusalem losa Ilirikum.

ROMA 9:18

Da'di, Manetualain dale susue-lalain neu hataholi esa, metema nahiik Ana tao leondiak. Ma Manetualain tao na hataholi esa langa batu, metema Manetualain nahiik tao leondiak boe.

ULANGAN 4:34

Hapu hai lamatua daebafak, napalani ho'in-na leoina esa neme leoina-la tala'da mai, boema ana taos da'di ndia ana hehelin, sama leo emi Manetualaim-ma, Ana taon soaneu emi neme Masir so do beik? Emi mita matam, tao leo beek de, Manetualain no be'i-balakai matuainan-na, Ana fe soe-a, ma natee-natatik-ka mai, Ana tao manada'di beuk-kala, ma Ana tao dede'a matuaina-la.

ULANGAN 7:19

Mafandendelek, emi mita matam soe matuaina-la, manada'di beuk-kala, ma be'i-balakai matuaina fo emi Manetualaim-ma paken, soaneu Ana soi-po'i emi-a. Leondiak boe, neukose emi Manetualaim-ma, taon soaneu leoina fo, emi bii-mamata'uk-kala.