KELUARAN 7:22 - Susula Malalaok Hehelu Palak Ma Hehelu Beuk

²² Tehu, basa malela siula-tongonok Masir-ra, ala tao leondiak boe, nenik sila malela siula-tongonoon-na, nalosa manek-ka nalanga batu nahele. Sama leo hata fo Manetualain nafa'da basan so, nae manek-ka ta nau namanene Musa no Harun fa.

KELUARAN 7:22 ပူးပေါင်းရင်းမြစ်များ

KEJADIAN 41:8

Fafaik boema, manek-ka dalen-na ta tesa-tama fa, hu ndia de nadenu leu laloo basa manasiula-tongono kala ma hataholi malelaina manai Masir-ra. Boema ana tui mei na neus, tehu ta hapu hataholi esa boen hapu nafa'da mangalele'do sosoa-ndandaan fa.

KELUARAN 7:11

Hu ndia de, manek-ka boeo naloo ndia hataholi malelainan-nala, ma malela siula-tongonok-kala, de no sila malela siula-tongonoon-na, ala bisa tao leondiak boe.

KELUARAN 7:13

Leomae leondiak boe, manek-ka nalanga batu nahele, de ana ta taoafik neu Musa no Harun dede'a-kokolan, sama leo Manetualain nafa'da basak-ka so.

KELUARAN 7:21

Mate basa i'ak manai lee ndia dalek, de laboo pulu nanseli, nalosa hataholi Masir-ra ta bisa linu oe ndia fa. Hapu daak nai basa dae Masir-ra lala'en-na.

KELUARAN 7:23

Nakalenak, ana fali ne'un leo uma manek-ka neu, no ana ta taoafik neu manada'dik ndia faaanak boen.

YEREMIA 27:18

Metema memak tete'ek-ka sila nabi, de ala sipo hala-haituak neme Au mai soona, tao leo beo be ia ala loke neu Au, Manetualain Fo Manakoasa, fo ela hata-heto bei manai Au Uma manek-ka manai Yerusalem ta nanaso'u nenik lo Babel-la neu fa.

2 TIMOTIUS 3:8

Sama na leo Yanes no Yambres, fo makahulu na ala lena-la'ban Musa, leondiak boe, hataholi sila la ala lena-la'ban Manetualain nanoli nala. Dudu'a-aafi nala nalutus, ma namahehele nala boeo, kou mosa so.