KELUARAN 7:21 - Susula Malalaok Hehelu Palak Ma Hehelu Beuk

²¹ Mate basa i'ak manai lee ndia dalek, de laboo pulu nanseli, nalosa hataholi Masir-ra ta bisa linu oe ndia fa. Hapu daak nai basa dae Masir-ra lala'en-na.

KELUARAN 7:21 ပူးပေါင်းရင်းမြစ်များ

MAZMUR 105:29

Ana tao nasafali sila leen-nala oen-na da'di daak, nalosa mate la'iesak i'ak-kala.

KELUARAN 7:18

Neukose mate i'ak-kala, fo lee ia neukose naboo pulu, nalosa leoina Masir-ra, ta hapu linu oen-na fa.’ ”

KELUARAN 7:20

Musa no Harun tao hata fo Manetualain paletan. Nai manek-ka, ma hataholi mana'a ngga'din-nala matan, Harun so'u laik aitete'en-na, de ana fepa Lee Nil-la oen-na, boema oen-na nasafali da'di daak.

KELUARAN 7:22

Tehu, basa malela siula-tongonok Masir-ra, ala tao leondiak boe, nenik sila malela siula-tongonoon-na, nalosa manek-ka nalanga batu nahele. Sama leo hata fo Manetualain nafa'da basan so, nae manek-ka ta nau namanene Musa no Harun fa.

KELUARAN 8:14

Hataholi Masir-rala, hehele lakabubua lo'donggelek mates sila-la, de ladodou, nalosa basa nusak-ka lala'en-na naboo pulu.

YESAYA 19:8

Basa hataholi manadolu-dala, fo biasa ala ho'u i'ak nai lee ndia, neukose lahoo ma ala kii-makaleleu, nanahu sila dolu-dalan sosoa-ndandaan ta so. Basa manatenuk-kala, neukose ketu namahehenan-nala;

NINITAK 8:9

ma basa mahahaek manai tasi dale la baba'ek esa neme baba'ek telu mate la'iesa kasa. Leondiak boe ofak manai tasi lai la hea nakalulutuk basa baba'ek esa neme baba'ek telu.