KELUARAN 7:19 - Susula Malalaok Hehelu Palak Ma Hehelu Beuk

¹⁹ Manetualain, nafa'da Musa nae, “Madenu Harun, fo ana ho'i-na aitete'e-na, fo leleuk-kana leo basa lee-la, oelolok-kala ma lifu-lifu manai Masir-ra. Neukose oen-nala da'di daak, ma neukose hapu daak nai nusak-ka lala'en-na, nakalenak nai tong ai-la dalek, ma nggusi batu-la dalek.”

KELUARAN 7:19 ပူးပေါင်းရင်းမြစ်များ

KEJADIAN 1:10

Manetualain foi dae manama'dak ndia, na'de “Dae ma'dak”, ma Ana foi oe makabubuak ndia, na'de “Tasi”. De Manetualain nita manada'dik ndia, boema namahoko.

2RAJA-RAJA 4:29

Elisa lipa leo Gehazi neu, boema nae, “Lai-lai! Ho'i-ma, au aitete'eng-nga, fo la'o tutik leo Inak ia uman muu. Boso mate'e, fo matea su'di see, fo o matongo moon nai enok. Metema, hataholi nate'a o soona, boso tu'u-tapa heni le'do-fai, soaneu balas nate'an-na. O losa tutika, tao au aitete'eng-nga neu ni'iana ndia aon lain.”

KELUARAN 10:12

Boema Manetualain nafa'da Musa nae, “Leleuk o limam-ma leo dae Masir-ra lain neu. Neukose, lamak-kala mai, fo la'a heni basa bubu'u-palusa fo u'da eis-sa ta taonisa fas-sala.”

KELUARAN 10:21

Manetualain nafa'da Musa nae: “So'uk o limam-ma leo lain neu leona, soona neukose makiu makahatuk-ka potin-na dae Masir-ra.”

KELUARAN 14:16

So'uk o aitete'em-ma, fo leleuk-kana leo tasi lai neu. Soona neukose, oe-a ta'tiba'en neu dua, fo hataholi Israel-la hapu lena tasi-a, no ala la'ok nai dae ma'dak lain, nai tasi buin-na.

KELUARAN 14:21

Boema Musa leleuk liman-na leo tasi lai neu, de Manetualain fe ani timu matuaina mai, nalosa tasi oen-na le'a. Le'odaek ndia, ani timu nahele, de ana tao nasafali tasi-a da'di dae ma'dak.

KELUARAN 14:26

Manetualain nafa'da Musa nae, “Leleuk o limam-ma leo tasi lai neu, soona neukose oe fali, fo hataholi Masir-ra, kaleta-la ma hataholi manasa'ek-kala bolo.”

KELUARAN 4:9

Metema, ala beita nau lamahele neu o boen, leomae lita manada'di beuk ka duak ia-la so, boema ala ta nau taoafik neu o hala-kokolam fa soona, ho'i-ma Lee Nil-la oen faaanaks, fo po'an neu dae lain. Neukose oe ndia, nasafali da'di daak.”

KELUARAN 8:16

Manetualain nafa'da Musa nae, “Madenu Harun, fo ana fepa aitete'en-na neu dae lain, soona daesopuk manai nusa Masir-ra lala'en-na, neukose nasafali da'di nenik.”

KELUARAN 9:33

Boema, Musa la'o leona, de neu leo kota deak neu; nai ndia, ana so'uk liman-na, fo ana hule-haladoi neu Manetualain. Hatematak ndia boe, mangguluk-ka, u'da eis-sa ma u'dan-na hahae.

YESAYA 5:25

Manetualain namanasa leoinan-na. Naheheleaon basa, soaneu Ana hukus so. Neukose letek-kala langgengo; hataholi manamatek-kala popolan-nala besenggela-besenggali sama leo kadafuk-ka nai enok-kala lain. Tehu Manetualain bei namanasa, de neukose ka'da Ana huku.

HABAKUK 3:8

Ou Manetualain, ade, hu ka nde tasi-a de, O nasam-ma fo'a do? Ade, lee-la nde tao-la O mamanasa do? O sa'e ko'as-sa da'dileo ndala ma kaleta musu, nai lelek O fe O anam-mala sesengik.