KELUARAN 6:6 - Susula Malalaok Hehelu Palak Ma Hehelu Beuk

⁶ Neukose Au tao emi da'di Au anang, ma Au da'di emi Manetualaim-ma. Soona neukose emi bubuluk, mae Au ia Manetualain, fo emi Manetualaim manasoi-po'i emi neme ata nai Masir.

KELUARAN 6:6 ပူးပေါင်းရင်းမြစ်များ

2RAJA-RAJA 17:36

Fe ha'da-holomata neu Au, Manetualain fo no basa emi, kalua neme Masir mai, nenik koasa matuaina; sene-do'ok neu Au, ma tunu-hotu tutunu-hohotuk fe Au.

1 TAWARIKH 17:21

Nai basa daebafak ka lala'ena, ta hapu nggileo-bobongik sama leo Israel fa. Israel nde bee na nggileo-bobongik esa mesa-mesa kana fo O soi-po'in neme da'di ata mai, soaneu da'di O ana mesa ma. Basa tatao-nono'i matuaina ma manada'di beuk fo O taon ba'eneus, ana tao na O na'de ma nananita-nalelak nai basa daebafak ka lala'ena. O soi-po'i O anam mala leme Masir mai, ma O si'uheni nggileo-bobongik fe'ek kala nai lelek O anam mala tutulumatak fo latee-latati.

NEHEMIA 1:10

Manetualain, ami ia O atam-mala, O ana mesam, fo O soi-tefa basan nenik O koasam-ma, ma O bei-bakai matuainam-ma.

MAZMUR 77:16

No O be'i-balakaim, de O soi-po'i O anam-mala fo, Yakob ma Yusuf tititi-nonosin-nala.

MAZMUR 81:11

Au nde, emi Amam Manetualain fo manahela-nole emi kalua meme Masir mai. Lelek emi mamala'a, Au fe emi nana'ak.

MAZMUR 81:6

Ana taon da'di nakeketuk esa, ba'eneu leoina Israel-la, nai lelek Ana tutulumatak, fo la'ban Masir. Au amanene dede'ak esa, tehu au ta alelak-kana fa nae,

MAZMUR 81:7

“Au so'uheni lelepa mabela neme emi alum lain mai so, ma se'iheni olik-ka neme emi limam-ma mai.

KELUARAN 1:11

Boema hataholi Masir-rala so'u manamanea, fo lanea leoina Israel-la, fo tao susa so'dan-nala nenik bela-ba'u mabelaina-la. Lakasetis, fo lafofo'a fe manek Masir-ra kota Pitom ma Raamses, fo da'di mamana pepe'da bua-lo'as.

KELUARAN 12:41

Nai teuk ka 430-a, fai mate'en ndia, nde basa Manetualain anan-nala lala'en-na, la'oela dae Masir-ra.

KELUARAN 12:51

Nai faik ndia, Manetualain no basa hataholi Israel-la lala'en-na, kalua leme Masir mai.

KELUARAN 13:14

Metema nai fai makabuin, emi anam-mala latane basa sila-la sosoa-ndandaan hata soona, emi muse mataa mae leo ia, ‘No koasa matuaina, Manetualain noo ita kalua teme nusa Masir-ra mai, mamanak fo ita da'di ata.

KELUARAN 13:16

Ha'da-tataok ndia, ana da'di nasanene'dak esa ba'eneu ita, sama leo ta'du esa nanapa'ak nai ita liman-na, do nai ita dedein-na. No enok ndia, neukose ana fe ita nasanene'dak tataas esa, nae Manetualain kalua heni ita teme Masir mai, nenik koasa matuainan-na so.”

KELUARAN 13:3

Musa nafa'da leoina Israel-la nae, “Nai faik ia, Manetualain, Ana soi-po'i emi nenik koasa matuainan-na, nalosa emi hapu kalua meme Masir, mamanak fo emi da'di ata. Hu ndia de, tao faik ia da'di faik nasanene'dak. Boso mi'a loti fo kamen pake laluteik.

KELUARAN 15:13

O hela-nole leoina fo O soi-tefa-malak ia-la, nanahu O liineka neu O hala hehelum-ma. O masulu-mahapas, no be'i-balakai manituk, ma O hela-noles leo O dae-oem fo malalao-malalafuk-ka.

KELUARAN 16:6

Boema, Musa ma Harun lafa'da basa hataholi Israel-la lae, “Le'donosok ia, neukose emi bubuluk, mae Manetualain nde no emi kalua meme Masir mai.

KELUARAN 18:1

Musa aliaman-na na'de Yitro, fo imam nai Midian, namanene basa hata lala'en fo Manetualain tao-no'in soaneu Musa ma leoina Israel-la, nai lelek nauli-nalangas kalua leme Masir mai.

KELUARAN 2:11

Lelek Musa da'di touinak so boema, neu leo hataholi fo ndia leoinan-na. Ana mete nita, lakasetis tao leo beek, fo ala tao bela-ba'uk mabelaina-la. Boeo nita hataholi Masir esa, taonisa hataholi Israel esa.

KELUARAN 3:17

Ma Au aketu basa, soaneu Au os kalua leme Masir, fo mamanak sila nanatuni-ndenik, boema Au os leo nusak esa kamasu'ik ma nalole, fo nde leoina Kanaan, leoina Het, Amori, Feris, Hewi ma Yebus nusan-na.

KELUARAN 3:8

Hu ndia de, Au kona u, fo soi-po'is leme hataholi Masir-ra liman mai, fo Au os kalua leme nusak ndia mai, leo nusa maloaina esa neu. Daen-na kamasu'ik ma nalole, de besak ia, leoina Kanaan, leoina Het, Amori, Feris, Hewi ma Yebus ala leo lai nusak ndia.

KELUARAN 32:11

Musa dokodoe neu Manetualain fo ndia Manetualain-na nae, “Manetualain tao le'e de O muse tao leondiak neu hataholi sila? Ade O ta soi-tefa-malas leme Masir mai, fo nenik koasa ma be'i-balakaik matuaina fa do?

KELUARAN 6:2

Au atu'du Au aoinang-nga neu Abraham, Isak ma Yakob da'di leo Manetualain Fo Manakoasa, tehu Au ta fes lalelak Au nenik na'dek ‘Manetualain fa’.

KELUARAN 6:29

Tehu, Musa nataa nae, “Manetualain, O bubuluk, mae au ta kokolak alelak fa. Masa bole, manek-ka nau namanene au?”

KELUARAN 6:8

Musa nanduku-nalosak basa Manetualain hala hehelun ndia neu leoina Israel-la, tehu ala ta taoafik neu Musa fa, nanahu tuni-ndenik fo ta nanuu susue-lalaik ndia, taon-nalas ketu namahehenan-nala so.

KELUARAN 7:4

Hu ndia de, neukose Au huku Masir, nenik huhuku-dodokik mabelaina, basa soona Au o leoina Israel, fo Au anang-ngala lala'en-na, kalua leme nusak ndia mai.

KELUARAN 7:5

Boema, hataholi Masir-ra neukose bubuluk, lae Au ia Manetualain, nai lelek Au hukus-sala, ma nai lelek Au o Israel kalua neme sila nusan-na mai.”

YESAYA 9:12

Leoina Israel-la beita sale-dale boen, leomae Manetualain Fo Manakoasa, Ana hukus so; ala beita tukatei-saledale neun boen.

YESAYA 9:17

Leoina ndia, tatao-nono'i mangalaun-na nana'a, sama leo ha'i na'a nisa makatema dila-nggauk-ka. Ana pila sama leo ha'i na'a nula, fo ha'i masuk-ka masu-masu.

YEREMIA 21:5

Neukose Au de tee-tati emi-a nenik basa au be'i balakai, ma nenik nasa-meluk fo manalu'a pon-ponung-nga.

YEREMIA 27:5

“Au akadada'dik daebafak-ka, ma hataholi daebafak-ka no basa bana-manu lala'en-na nenik Au koasang-nga fo matuaina, ma nenik Au be'i balakaing, fo Au apu fen neu see ndia boe fo Au ahiik-kana.

YEREMIA 32:21

Nenik O koasam-ma ma O be'i-balakaim fo matuaina, de O meni falik hataholi Israel-la kalua leme Masir mai. O tao manada'dik aok-kala, ma manada'dik beuk-kala, ma manada'dik fo manatao manggenge musu-a.

YESKIAL 20:33

“No Au, Manetualain fo maso'dak-ka na'den-na, Au fe emi nasanene'dak, ae hu kande Au nasa-melung, de neukose Au paleta emi no balakaik, nalosa emi hapu mame'da mita Au koasang-nga. Neukose, Au tao akabubua emi, fo Au o falik emi neme nusa-nusak fo nai bee, emi nanatao tapasasalak-ka.

HATAHOLI 13:17

Leoina Israe la Manetualai na hele basa ita bei ba'ikai nala, fo Ana tao leoina ia da'dineu leoina matuaina nai lelek ala bei leo leme Masir, da'dileo hataholi manamai. Basa boema, no Manetualain koasa matuaina na de Ana kaluahenis leme Masir mai.

ULANGAN 11:2

Besak ia, mafandendelek hata fo, emi bubuluk-kana la'eneu Manetualain neme emi maso'dam-ma mai. Emi anam-mala, ala ta bubuluk hata esa boen. Te emi nde mita matam, emi Manetualaim-ma matua-mademan, be'i-balakain ma koasan-na,

ULANGAN 15:15

Mafandendelek te, makahulun-na emi da'di ata neme Masir boe, boema emi Manetualaim-ma, Ana soi-po'i emi; hu ndia de, au fe emi paleta ndia.

ULANGAN 26:8

Boema, no O koasam-ma, ma O be'i-balakai matuainam-ma, de O soi-po'i ami neme Masir mai. O tao manada'di beuk-kala, ma ta'du-tana matabeuk-kala, ma manada'dik fo neni bibii-namata'uk fe musu-a.

ULANGAN 4:23

Mafandendelek matalolole! Fo boso mafandele heni emi Manetualaim-ma tao hehelu-balataak no emi-a. Tunga paletan-na; fo boso doki-dulak dodoki-dudulak nai lupak matak leo beek ndia boe, fo sene-do'ok neun,

ULANGAN 4:34

Hapu hai lamatua daebafak, napalani ho'in-na leoina esa neme leoina-la tala'da mai, boema ana taos da'di ndia ana hehelin, sama leo emi Manetualaim-ma, Ana taon soaneu emi neme Masir so do beik? Emi mita matam, tao leo beek de, Manetualain no be'i-balakai matuainan-na, Ana fe soe-a, ma natee-natatik-ka mai, Ana tao manada'di beuk-kala, ma Ana tao dede'a matuaina-la.

ULANGAN 5:15

Mafandendelek te, makahulun-na emi da'di ata neme Masir, boema emi Manetualaim-ma soi-po'i emi, nenik be'i-balakai matuainan-na. Hu ndia de, au paleta emi fo tao malalao-malalafu fai Sabat-ta.

ULANGAN 6:12

manea matalolole, fo daenga emi boso mafandele heni Manetualain fo, manasoi-po'i basa emi neme Masir mai, fo mamanak manatao emi da'di ata.

ULANGAN 7:19

Mafandendelek, emi mita matam soe matuaina-la, manada'di beuk-kala, ma be'i-balakai matuaina fo emi Manetualaim-ma paken, soaneu Ana soi-po'i emi-a. Leondiak boe, neukose emi Manetualaim-ma, taon soaneu leoina fo, emi bii-mamata'uk-kala.

ULANGAN 7:8

Tehu, Manetualain hele emi, nanahu Ana sue-lai emi, ma nahiik tao natetu, Ana tao hehelu-balataak no emi bei-ba'i kaim-mala. Hu no ndia de, Ana soi-tefa-nala emi, nenik koasa matuainan-na, ma Ana soi-po'i emi neme emi da'di ata neu mane Masir-ra.

ULANGAN 9:29

Tehu mafandendelek leona, Manetualain, te hataholi ia-la nde been-na, leoina fo O heles da'di O anam, de O moos leme Masir mai, nenik O be'i-balakaim, ma O koasa matuainam-ma.”