KELUARAN 6:4 - Susula Malalaok Hehelu Palak Ma Hehelu Beuk

⁴ Au amanene basa hataholi Israel-la hoo-ngu'un, fo leoina Masir-ra taos da'di ata, boema Au afandele neu Au hehelu-balataang ndia.

KELUARAN 6:4 ပူးပေါင်းရင်းမြစ်များ

KEJADIAN 12:7

Boema, Manetualain natu'du aoinan-na neu Abram, de nafa'dan nae, “Nusak ia, nde neukose Au fen neu o tititi-nonosim-mala.” Boema, Abram taon-na mei tunu-hotuk esa, neu mamanak ndia, soaneu Manetualain, fo natu'du aoinan-na neun-na.

KEJADIAN 15:13

Manetualain nafa'dan nae, “Mafandendelek, te neukose o tititi-nonosim da'di hataholi manamai, nai nusa fe'ek; neukose ala da'di ata nai ndia, ma neukose nanatuni-ndenik teuk natun haa dalen-na.

KEJADIAN 15:18

Nai lelek ndia boe, Manetualain tao hehelu-balataak no Abram. Manetualain nae, “Au helu ae neukose, Au fe dae ia lala'en-na neu o tititi-nonosim, mulai neme too no nusa Masir-ra, losa Lee Efrat-ta,

KEJADIAN 17:13

Hataholi lala'en-na, muse nanasunat, fo neukose, ndia da'di ta'du-tana aopak, fo natu'du nae, Au hehelu-balataang no o ndia, manaketu-basa taak.

KEJADIAN 17:4

“Au hehelu-balataang, fo Au taon no o-a, nde ia: Au helu ae neukose, o da'di ama kai neu leoina makadotok. Hu ndia de, o na'dem-ma, ta na'de Abram so'on, te na'de Abraham.

KEJADIAN 23:4

“Au ia, hataholi manamai, de au leo nai tolanook-kala tala'daheon; emi nau soona, au asa-a, dae duduik esa, fo au atoi au saong-nga.”

KEJADIAN 26:3

Neukose Au asulu-ahapa ma ba'e-pala o. Neukose Au fe basa nusak ia lala'en-na neu o, ma neu o tititi-nonosim. Neukose Au tao atetu hehelu-balataak fo Au fe basan neu o amam Abraham so.

KEJADIAN 26:4

Neukose Au fe upu anak dede'un-na leo nduuk manai lalai-a, ma neukose Au fes nusak ia lala'en-na. Basa leoina manai daebafak-ka, ala dokodoe neu Au fo ela Au fes baba'e-papalak sama leo Au ba'e-pala basa o tititi-nonosim so.

KEJADIAN 28:13

Ma Amak-ka napadeik nai boboan-na de nafa'da nae, “Au nde Manetualain, fo Abraham ma Isak sene-do'ok-ka. Neukose, Au fe o ma o tititi-nonosim, dae fo o mangape'uk nai lain ia.

KEJADIAN 28:4

Sa'di leo been-na, Manetualain ba'e-pala o, ma o tititi-nonosim, sama leo Ana ba'e-pala basa Abraham so, ma sa'di leo been-na, o manuu dae fo o leon ia, fo Ana fe basan neu Abraham so!”

KEJADIAN 6:18

tehu Au sanga tao hehelu-balataak no o. Masok leo ofak ndia dalek, sama-sama moo o saoinam-ma, ma o anam-mala loo saoinan-nala.

2 SEMUEL 23:5

Leondiak boe, Manetualain ba'e-pala au tititi-nonosing, hehelu-balataan neu au-a ta nasafali fa, hehelu-balataan ndia, manaketu basa tak ma matetu-mandaak, nanaito-atok no matetun-na nai basa-basan lala'en-na dalek. Manetualain fe sesengik neu au ma Ana sipok basa au dale tutu'ung lala'en-na.

MAZMUR 105:11

Ana nafa'da nae, “Neukose Au fe emi, dae Kanaan-na, fo da'di emi pusakam.”

MAZMUR 105:12

Makahulun-na, Manetualain anan-nala laso'da da'di leo hataholi manamai leme naa, dede'un-nala lumanak mesan.

KELUARAN 13:4

Nai faik ia, hataholi Yahudi-la bula Abib-pa, do bula ka esa fain esa, emi la'oela nusa Masir-ra.

KELUARAN 13:5

No soo-supak, Manetualain helu emi bei-ba'i kaim-mala, fo Ana fe emi leoina Kanaan, Het, Amori, Hewi ma Yebus nusan-na. Manetualain no basa emi leo nusak fo kamasu'i-makabetek, ma maoe-maisik ndia neu so, de tunga teuk, nai hataholi Yahudi-la bula Abib-pa dalek, emi muse tao feta ia.

KELUARAN 6:8

Musa nanduku-nalosak basa Manetualain hala hehelun ndia neu leoina Israel-la, tehu ala ta taoafik neu Musa fa, nanahu tuni-ndenik fo ta nanuu susue-lalaik ndia, taon-nalas ketu namahehenan-nala so.

YESAYA 55:3

Mamanene leon, hai leoinak-kala lemin, mai leo Au mai, te neukose Au fe emi so'da matetuk-ka. No susue-lalaik ma lilinekak, fo Au helun neu Dauk-ka, Au pa'a hehelu-balataak, fo manaketu basa taak-ka no emi.

BILANGAN 10:29

Musa nafa'da palan Hobab, fo Rehuel hataholi Midian ndia anan-na nae, “Neukose ami la'o leo mamanak fo tunga Manetualain nafa'dan-na nae, neukose Ana fen neu ami. Manetualain helu basa hata fo malole, soaneu hataholi Israel-la. Da'di, tunga ami leona, te neukose ami tao malole soaneu o.”

HATAHOLI 7:5

Nai lelek ndia, Manetualain ta fe Abraham dae ia bibianak faa anak boen, fo ana taon da'di ndia dae pusakan boen; tenga esa boeo, Ana ta fe fan. Tehu Manetualain helu nae, neukose Ana fe dae ndia neu Abraham, fo ana da'di Abraham no tititi-nonosi nala pusakan. Ndia te Abraham anan beita.