KELUARAN 6:1 - Susula Malalaok Hehelu Palak Ma Hehelu Beuk

¹ Manetualain kokolak no Musa nae, “Au nde Manetualain.

KELUARAN 6:1 ပူးပေါင်းရင်းမြစ်များ

2RAJA-RAJA 7:19

Ma nai lelek ndia, manek ndia manamanean-na nafa'da basa nae, “Masa bole! Ndia ta da'di fa, leomae nai hatematak ia boe, Manetualain fe u'daina neme lalai mai!” Boema Elisa nataa nae, “Mahani te, neukose o mita dede'ak ndia ana da'di, tehu neukose, o ta mu'a mita nana'ak ndia faaanak boen.”

2RAJA-RAJA 7:2

Boema, manek-ka manamanean-na, ana balas nae, “Masa bole! Dede'ak ndia, ta da'di fa, leomae nai hatematak ia boe, Manetualain fe u'da ina neme lalai mai!” “Mahani te neukose o mita dede'ak ndia ana da'di, tehu neukose, o ta mu'a mita, nana'ak ndia faaanak boen.”

2TAWARIKH 20:17

Emi ta paluu matee-matati nai natee-natatik ia dalek fa. Meu leo mamanak fo nananafa'da basak neu emi so, fo mahani ka'da ndia. Neukose emi mita Manetualain fe emi sengi. Hai laun Yehuda ma Yerusalem-mala lemin, dalem-mala boso ba'ihana do bii-mamata'u. Ka'da masok leo natee-natatik ndia dalek meu, te neukose Manetualain tulu-fali emi!”

MAZMUR 12:5

fo lafa'da lae, “Ami koasa minik ami maam-ma! Ami hapu mafa'da su'di beek-ka, fo ta hapu hataholi, bisa napanggengge-nala fan!”

MAZMUR 12:6

Manetualain nae, “Hataholi nuu ta-hata tak-ka, nanatuni-ndenik, ma hataholi manadoi-dosok-ka, hoo-nggu'u. Hu ndia de, besak ia boe, Au mai uni fes mole-dame fo ala lahiik-kana.”

MAZMUR 136:12

no lima mabe'i-balakain ma makadelen-na; susue-lalain manaketu-basa tak, losa dodoon-na.

MAZMUR 89:13

O nde makadada'dik kii ma kona, Letek Tabor ma Hermon-na, eeki-latadale ba'eneu O.

KELUARAN 11:1

Manetualain, nafa'da Musa nae, “Neukose, Au fe soe esa seluk, tuni la'e manek Masir-ra no laun-nala. Basa ndia soona, neukose ana po'i emi la'o. Nakalenak, emi basa-basam-mala, neukose nanausi henik neme ia mai.

KELUARAN 12:31

Le'odaek ndia boe, manek-ka naloo Musa ma Harun, de nafa'das nae, “Emi basa-basam-mala, la'o meme ia mai! La'oela au nusang-nga! Meu leona, fo sene-do'ok neu emi Manetualaim-ma, sama leo emi nonokem-ma.

KELUARAN 12:33

Hataholi Masir-ra lakaseti hataholi Israel-la, fo no lai-laik ala la'oela nusak ndia. Lafa'da lae, “Metema emi ta la'o fa soona, neukose mate la'iesak ami!”

KELUARAN 12:39

Ala tunu loti fo kamen ta pake laluteik fa, fo leni ha'desopu nanakamek ndia neme Masir mai. Nana ala usi henis no kaiboik leme nusak ndia mai, nalosa ala ta hapu loak tao tua-lepa fa.

KELUARAN 13:14

Metema nai fai makabuin, emi anam-mala latane basa sila-la sosoa-ndandaan hata soona, emi muse mataa mae leo ia, ‘No koasa matuaina, Manetualain noo ita kalua teme nusa Masir-ra mai, mamanak fo ita da'di ata.

KELUARAN 13:16

Ha'da-tataok ndia, ana da'di nasanene'dak esa ba'eneu ita, sama leo ta'du esa nanapa'ak nai ita liman-na, do nai ita dedein-na. No enok ndia, neukose ana fe ita nasanene'dak tataas esa, nae Manetualain kalua heni ita teme Masir mai, nenik koasa matuainan-na so.”

KELUARAN 13:3

Musa nafa'da leoina Israel-la nae, “Nai faik ia, Manetualain, Ana soi-po'i emi nenik koasa matuainan-na, nalosa emi hapu kalua meme Masir, mamanak fo emi da'di ata. Hu ndia de, tao faik ia da'di faik nasanene'dak. Boso mi'a loti fo kamen pake laluteik.

KELUARAN 13:9

Feta ia, ana da'di nasanene'dak soaneu emi, sama leo ta'du esa, nanapa'ak nai emi limam-ma, do emi dedeim-ma. Feta ia fe emi nasanene'dak, fo moke makasi nakandoo, ma manoli Manetualain hoholo-lalanen, nana Manetualain kalua heni emi meme Masir mai, nenik koasa matuainan-na.

KELUARAN 14:13

Musa nataa nae, “Boso bii-mamata'u! Makatatakak mahele! Neukose emi mita hata fo Manetualain taon soaneu soi-tefa-nala emi. Hataholi Masir fo besak ia emi mitak sila-la, neukose emi ta mita seluk-kasa so'on.

KELUARAN 15:6

O be'i-balakaim dodoo doak-kana nanseli, ou Manetualain, O taom-ma musu-a tonggela.

KELUARAN 7:4

Hu ndia de, neukose Au huku Masir, nenik huhuku-dodokik mabelaina, basa soona Au o leoina Israel, fo Au anang-ngala lala'en-na, kalua leme nusak ndia mai.

KELUARAN 7:5

Boema, hataholi Masir-ra neukose bubuluk, lae Au ia Manetualain, nai lelek Au hukus-sala, ma nai lelek Au o Israel kalua neme sila nusan-na mai.”

YESAYA 63:12

Manetualain fo, manasama-sama no Musa, fo no lima mabe'i-balakain-na, de Ana fa'a ba'e oe-a nai sila matan, fo ela na'den-na nanakoa-nanakiok losa dodoon-na, nai bee?

BILANGAN 11:23

Boema Manetualain nataa nae, “Ade Au koasang-nga matoo-lanek do? Neukose no lai-laik o mita, ade Au afa'dak ndia, tete'ek-ka ana da'di do ta!”

BILANGAN 23:23

Ta hapu mo'do-akidook tola Yakob fa ta hapu manasiula-tongonok fo, napalani nasasalematak no Israel fa. Neukose hataholi nafa'da la'eneu leoina ndia nae, ‘Mitak, manada'di beuk fo Manetualain taon!’

HATAHOLI 13:17

Leoina Israe la Manetualai na hele basa ita bei ba'ikai nala, fo Ana tao leoina ia da'dineu leoina matuaina nai lelek ala bei leo leme Masir, da'dileo hataholi manamai. Basa boema, no Manetualain koasa matuaina na de Ana kaluahenis leme Masir mai.

ULANGAN 32:39

Mete leona, te Au Manetualain Fo Kisak esa mesak-kana, ta hapu lamatuak daebafak fe'ek fa, te ka'da Au mesang-nga. Au nde taoisa, ma Au nde tao aso'da falik-kana, Au nde tao ahinan, ma Au nde tao alea-ahain-na. Metema, Au tao-no'i hata esa, soona ta hapu manalena-la'ban fa

ULANGAN 4:34

Hapu hai lamatua daebafak, napalani ho'in-na leoina esa neme leoina-la tala'da mai, boema ana taos da'di ndia ana hehelin, sama leo emi Manetualaim-ma, Ana taon soaneu emi neme Masir so do beik? Emi mita matam, tao leo beek de, Manetualain no be'i-balakai matuainan-na, Ana fe soe-a, ma natee-natatik-ka mai, Ana tao manada'di beuk-kala, ma Ana tao dede'a matuaina-la.