KELUARAN 5:6 - Susula Malalaok Hehelu Palak Ma Hehelu Beuk

⁶ Faik ndia boe, basa manamanea leoina Masir-ra, ma mandoo leoina Israel-la, ala hapu paleta neme manek-ka mai nae,

KELUARAN 5:6 ပူးပေါင်းရင်းမြစ်များ

2TAWARIKH 26:11

Uzia solda'dun makadotok nanseli fo laheheleaon tataasesa soaneu latee-latati. Solda'du sila-la bubua-bubuak-kala fo manek-ka hataholi manasulak kadua-nala fo nde Yeiel ma Maaseya ala sulak-kasa fo manek-ka lima-ein esa na'de Hananya nde nauli-nalanga hataholi manasulak susula kaduak sila-la.

KELUARAN 1:11

Boema hataholi Masir-rala so'u manamanea, fo lanea leoina Israel-la, fo tao susa so'dan-nala nenik bela-ba'u mabelaina-la. Lakasetis, fo lafofo'a fe manek Masir-ra kota Pitom ma Raamses, fo da'di mamana pepe'da bua-lo'as.

KELUARAN 3:7

Boema, Manetualain, nafa'da nae, “Au ita basa Au anang manai Masir-rala doi-doson, ma Au amanene basa, ala nggasi loke soi-po'is leme hataholi fo manatuni-ndenis-sala. Te'e-te'e, Au bubuluk sila doi-doson lala'en-na.

KELUARAN 5:10

Basa leoina Masir-ra manamanean-nala, ma leoina Israel-la mandoon-nala, ala kalua leo deak leu, boema lafa'da hataholi Israel-la lae, “Manek-ka fe paleta, fo ela boso boe fe emi ha'deaik bai.

KELUARAN 5:19

Mandol sila-la lame'da lae, sila nai toto'a-sosotak-ka dalek, nai lelek lafa'da sila lae hataholi Israel-la, muse tao batu bata, dede'un-na sama leo fai-fai maneuk-ka nahele.

KELUARAN 5:7

“Boso boe fe leoina ndia ha'deaik bai, soaneu ala tao batu bata. Nemen-na, fo leu sanga aon.

AMSAL 12:10

Hataholi malole-a, ana taoafik bana-manun; tehu hataholi mangalauk-ka, ana tao doi-doso bana-manun.

BILANGAN 11:16

Boema Manetualain nafa'da Musa nae, “Maloo makabubua leoina Israel-la hele lasi ka hituhuluk fo da'di leo mauli-malangan leoina. Moos leo Au matang mai, nai Au Lalaa Temang dale, boema madenus lapadeik leu ndia, nai o boboam-ma.

ULANGAN 1:15

Hu ndia de, nai mauli-malangan fo emi helek sila-la dalek, au hele hataholi de'ubee manatee-tenok, ma ha'da-paliin malole, fo au so'us da'di emi mauli-malangam. Sila de'ubee, da'di mauli-malangan neu hataholi lifun esa, ma nggelok lauli-lalanga hataholi natun esa, nggelok lauli-lalana hataholi 50, ma nggelok lauli-lalanga hataholi 10. Au so'u mauli-malangan fe'ek boe, fo ala ito-ato emi leom-ma.

ULANGAN 16:18

“Nai emi Manetualaim-ma fe emi kota-la esa-esak, emi muse so'u manakee-manafula, ma manapaleta, soaneu laketu-lala'di laun-na dede'an-na, no ndoos ma matetuk.

YOSUA 24:1

Yosua naloo nakabubua basa leoina Israel-la leon-nala neme Sikhem, de nadenu basa lasi nggolok-kala, mauli-malangan-nala, manakee-manafula, ma basa malanga solda'du matuaina-la, fo mai lataa. Boema, ala mai lataa Manetualain.

YOSUA 24:4

boema Au fe Isak anatouk 2, fo nde Yakob ma Esau. Au fe letelepak Edom-ma neu Esau, fo da'di ndia pusakan, tehu Yakob fo emi ama kaim ndia, no anan-nala sama-sama lali leo Masir neu.

YOSUA 8:33

Hataholi Israel-la, loo mauli-malangan-nala, malanga solda'du matuainan-nala, manakee-manafukla-la, ma hataholi nusa dea manaleo nai sila tala'da boeo, lapadeik lai Manetualain Peti Hehelu-balataan-na bekeselik, lasale leo basa imam Lewi fo manandolo Peti Hehelu-balataak ndia. Hataholi sila-la, nggelok lasale leo Lete Gerizim-ma, ma nggelok seluk, lasale leo Lete Ebal-la. Musa, fo Manetualain atan ndia, ana fe basa paleta, fo ela ala tao dede'ak ndia, metema losa fain-na, soaneu ala sipo baba'e-papalak, fo Manetualain heluk-ka.