KELUARAN 5:21 - Susula Malalaok Hehelu Palak Ma Hehelu Beuk

²¹ Mandol sila-la lafa'da lae, “Manetualain, bubuluk emi tatao-nono'im! Neukose Ana huku emi! Emi nde taom-ma manek-ka no hataholi mana'a ngga'din-nala, ta lahiik ami fa, nalosa ala nau taolisa ami.”

KELUARAN 5:21 ပူးပေါင်းရင်းမြစ်များ

KEJADIAN 16:5

Boema, Sarai nafa'da Abram nae, “Au fe basa, au atang Hagar neu o so, de mulai ana bubuluk, nae ndia nailu so boema, ana nakadadaek au. O salam ndia. Sa'di leo been-na, Manetualain naketu ita dua dede'an ia.”

KEJADIAN 31:53

Manetualain fo Abraham sene-do'ok-ka, ma au amang Nahor sene-do'ok-ka, neukose ana da'di manamaketu-mala'dik neu ita.” Boema Yakob soo nenik Manetualain, fo aman Isak sene-do'ok-ka na'den-na, fo ana tao natetu hehelu-balataan.

KEJADIAN 34:30

Yakob nafa'da Simeon ma Lewi nae, “Emi tao susa au. Besak ia, hataholi Kanaan-nala ma hataholi Feris-sala, ma basa nusak ia laun-nala, neukose lakamuu-lakadau au. Ita hataholin-nala ta ba'uk-ka fa; de metema basa laun-na teik esa-dalek esa, fo ala la'ban ma sapu-la au soona, basa ita teidalen-nala lala'en-na, neukose nanatao namate-namopok.”

2 SEMUEL 10:6

Basa boema, hataholi Amon-nala, lame'da lae sila tatao-nono'in ndia, tao-na Dauk musu no sila. Hu ndia de, ala se'ba solda'du Siria fo manaleo nai Bet-Rehob ma Zoba, lifun duahulu, ma solda'du Tob lifun sanahulu dua boe, boema nusa Maakha manen-na, no solda'dun lifun esa.

1 TAWARIKH 19:6

Boema Manek Hanun na ma hataholi Amon nala lame'da lae sila tatao-nono'in tao na Dauk musu no sila. Hu ndia de, ala haitua lilofulak kilo lifun teluhulu haa leo nusak Mesopotamia Lain neu, boema leo Maakha ma Zoba nai Siria soaneu ala se'ba kaleta musu lifun teluhulu dua ma solda'du manasa'e ndala la. Boema manek Maakha solda'du nala mai loo basa kaleta musu nanase'bak sila-la, de ala ofu deka loo Medeba. Hataholi Amon nala boeo ala mai leme basa sila kotan nala mai fo latee-latati.

KELUARAN 14:11

Lafa'da Musa lae, “Ade nai Masir ta hapu lates fa, nalosa o moo ami, fo ela ami mate nai mamanak ia do? Mitak o tatao-nono'im ndia nininin-na dei!

KELUARAN 15:24

Boema hataholi sila-la beemumu loo Musa ma latane lae, “Neukose ita tinu beek?”

KELUARAN 16:2

Nai moo solokaek ndia, basa-basas lakamuu-muu Musa ma Harun.

KELUARAN 4:31

Boema lamahele, ma nai lelek lamanene lae Manetualain, taoafik neu leoina Israel-la, ma nita sila doi-doson lala'en-na boema, lakaluku-lakatele.

KELUARAN 5:20

Lelek ala kalua leme uma manek dale mai boema, latongo loo Musa no Harun bei lahanis.

KELUARAN 6:9

Basa boema, Manetualain nafa'da Musa nae,

PENGKHOTBAH 10:1

Pena popon-na tao-na mina kaboomenik boto esa naboo, nggoak faa anak, tao namopo manatee-tenok madema.

YESAYA 30:6

Manetualain hala hehelun-na leo iak, la'eneu basa bana fo manaleo dae kona, “Basa hataholi nadedenuk-kala fua sila keledein ma ontan-nala nenik bua palsen, boema ala la'ok tunga mamanak fo henuk no soe, ma singa, menge malasok, ma buta mali'dak-ka mamana leleon-na. Ala tunu-hotu bua palsen sila-la, neu leoina esa, fo ana ta hapu tulu-fali sila fa.

YOEL 2:20

Neukose Au usi heni, lamak bubua matuaina, manamaik leme kii mai-a, Au usi heni seli leo moo solokaek-ka leu. Au akaseti dalak manai uluk-ka, leo Tasi Pilas-sa neu. Au tipa dalak manai dea, leo Tasi Tala'dak-ka leu. Mates de neukose laboo. Neukose Au tao amopo-amates, nana ala tao doi-doso emi so.

BILANGAN 14:22

ae neme hataholi ia-la mai, ta hapu maso'dak esa boen, soaneu ana masok leo nusak fo, Au helu basan neu sila bei-ba'i kain-nala so. Nana ala ta nau tunga Au, ma ala so'ba Au do'e-do'e. Te se'kona, lita basa Au mandela-masa'ang, ma Au tao manada'di beuk-kala leme Masir ma neme moo solokaek-ka so.

BILANGAN 14:3

Sosoak hata, Manetualain no ita leo nusak ndia neu? Neukose, ita mate nai natee-natatik dale, fo ala foo leni ita sao-anan-nala. Ade ta malole lenak, ata fali te'ut-tala leo Masir teu fa do!”

SEMUEL SUSULAK-KA ESAN-NA 13:4

Basa leoina Israel-la lala'en-na hapu halak, lae Saul taonisa Filistin malanga solda'du matuainan ndia, ma lae hataholi Filistin-nala ta hii hataholi Israel-la lanseli fa. Hu ndia de, laun-na tunga hala nalolook-ka, de lakabubua loo Saul nai Gilgal.

SEMUEL SUSULAK-KA ESAN-NA 27:12

Tehu Akhis namahele Dauk, de ana dudu'a-dodoo nai dalen dale nae, “Leoinan, ta lahiik loon makadondook fa, nalosa no nakasetik, ana da'di au atang, nai fai maso'dan-na dalek.”