KELUARAN 5:2 - Susula Malalaok Hehelu Palak Ma Hehelu Beuk

² Manek-ka natane nae, “See Manetualain ndia? Tao le'e de, au muse taoafik neun, fo au po'i leoina Israel-la la'o? Au ta alelak Manetualain ndia fa, de au ta po'i leoina Israel-la la'o fa.”

KELUARAN 5:2 ပူးပေါင်းရင်းမြစ်များ

2RAJA-RAJA 18:35

Lamatua daebafak bee kande, soi-po'i nita nusan-na, neme au koasang-nga mai so. Hapu nai bee, Manetualain soi-tefa-na Yerusalem?’ ”

2TAWARIKH 32:14

Sila see-kande tao hai dede'ak ndia so? Hapu nai bee emi lamatua daebafa-ma hapu soi-po'i emi!

2TAWARIKH 32:15

Boso o'ilotak emi manem ndia ke'dindiu ma tao namanggonggoa emi! Boso mamahele neun! Nana beita la'iesa fo su'di lamatua daebafak bee boe, napalani soi-po'i leoinan neme manek Asyur-ra koasan-na mai fa. Tao leo bee o emi lamatua daebafam ndia boeo, neukose ana ta hapu soi-po'i emi fa!”

2TAWARIKH 32:19

Ala kokolak la'eneu Manetualain fo nanasene-do'ok nai Yerusalem sama-na leo la'eneu leoina fe'e-kala lamatua daebafa-nala, fo nde dodoki-dudulak fo hataholi daebafak-ka nde taon-nana.

NEHEMIA 9:10

O tao dede'a matuaina-la soaneu mane Masir-ra, boeo soaneu hataholi mana'a ngga'di-la boema laun manai nusan-na, nana O bubuluk tao leo beek ala fepa-li'u O anam-mala. Boema O na'dem-ma nananita-nalelak losa faik ia.

AYUB 15:25

Hataholi manala'ban Manetualain-na, ua-nalen leondiak, leondiak boe, hataholi fo napalani la'ban Manetualain Fo Manakoasa

AYUB 15:26

No koao-ndaeaok, ana sapu ma ana la'ban Manetualain; ana pake babaa fanan-na, de ana ta nau sengi fan.

AYUB 21:15

Ala dodoo lae, “Lalalau-laoono Manetualain soona, sosoa-ndandaan ta, ma hule-haladoi neun soona, ta hapu hata esa boen.

MAZMUR 10:4

Hataholi masala-masingok-ka, ta taoafik neu Manetualain fa, nanahu koao-ndaeaon, de ana dudu'a-dodoo nae, Manetualain ta.

MAZMUR 12:4

Tao mete'e hala-kokola manafufu'di-oo'dok sila, Manetualain, ko'oketu hataholi bafa maloa-la bafan-nala,

MAZMUR 12:5

fo lafa'da lae, “Ami koasa minik ami maam-ma! Ami hapu mafa'da su'di beek-ka, fo ta hapu hataholi, bisa napanggengge-nala fan!”

MAZMUR 14:1

Soaneu mauli-malanga nakameek-ka. Dauk kokoa-kikion-na. Hataholi nggoak-ka, kokolak nai dalen dale nae, “Manetualain ta.” Sila tatao-nono'in mangalauk, ma ta kandaak fa, ta hapu manatao malole fa.

KELUARAN 3:19

Basa boema, Manetualain nafa'da seluk nae, “Au bubuluk mane Masir-ra, neukose ta po'i emi meu fa, te ka'da metema nananakasetik.

KELUARAN 7:17

Hu ndia de, Manetualain, nafa'da nae leo ia, ‘Neme hata fo neukose, mahani te Au taon soona, neukose o bubuluk mae Au nde Manetualain. Neukose au fepa aitete'ek ia neu lee-a oen lain, fo oen-na nasafali da'di daak.

AMSAL 30:9

Nana, metema au amasu'i soona, fafa'kama au afa'da, ae au ta paluu O so'on. Ma metema, au nuu-taa hata-taak soona, fafa'kama au amanako, nalosa au tao anggenggeo O na'dem-ma.”

YEREMIA 42:13

Tehu emi fo be elak manai Yehuda soona, boso ko'bo-ketu emi bafam-ma neu emi Amam Manetualaim-ma boso mafa'da mae, “Ami ta nau leo nai nusak ia fa. Ami nau meu lo Masir fo ami leo nai nusak ndia. Nai na ami ta la'ola'di natee-natatik, ta mamanene pupuk-ka nalii soaneu naloo neu musu, ma ta hapu toto'a-tataak, la'a ndoes fa.” Metema emi dalem-ma natea soona meu lo Masir fo leo nai na soona, Manetualain Fo Manakoasa, fo Israel Manetualain-na hala-haituan-na nde ia ba'eneu emi:

YEREMIA 48:26

Manetualain nafa'da nae, “Tao-ma Moab da'di manamafuk, nanahu ana koao-ndaeao nai Au matang. Neukose ana lololi-oe nai mutan dale ma hataholi-la hika-humen.

DANIAL 3:15

Na, besak ia, metema musik-kala lalii soona, emi nau sene-do'ok neu dodoki-dudulak ndia do ta? Metema emi ta nau fa soona, neukose tapa emi leo ha'i manafolokakaak dale meu tu'tik. Fo lamatua daebafak bee kande, neukose napalani soi-tefa-nala emi neme au koasang-nga mai?”

YOHANIS 16:3

Ala tao emi leondiak nanahu beita lalelak Ama ka ma Au boe,

ROMA 1:28

Tunga hataholi daebafa ka dale nameme'da na soona, ana ta paluu nalelak Manetualain fa. Hu ndia de, Manetualain po'ilotak dudu'a-aafi nala nalutus, fo ela ala tao-no'i tatao-nono'ik fo tunga ndo na, ala ta bole tao-no'i fan.

2 TESALONIKA 1:8

nai ha'i mana pila lo'a-lo'a ka dalek. Ana mai soaneu Ana huku hataholi fo ala ta taoafik neu Manetualain nanoli-nafa'dan, boema hataholi fo so'da nala ta nandaa no ita Lamatuan Yesus nanoli na fa.

HAKIM-HAKIM 2:10

Basa boema, mate bobongik ndia lala'en-na boe. De bobongik manatungak-ka, ta lalelak Manetualain fa, nanahu ala ta la'ola'di hata fo Manetualain, tao basan soaneu leoina Israel-la fa.

SEMUEL SUSULAK-KA ESAN-NA 2:12

Eli anan-nala tatao-nono'in mangalaun nanseli. Ala ta lamanene Manetualain fa,

SEMUEL SUSULAK-KA ESAN-NA 25:10

Tehu Nabal nataa nae, “Dauk? See ndia? See, Isai ana ndia, see ndia? Au beita amanene ita, la'eneu hataholi ndia fa. Nai fai besak ia, ata ba'uk-ka nai nusak ia, lalai leme tuan-nala mai!