KELUARAN 40:9 - Susula Malalaok Hehelu Palak Ma Hehelu Beuk

⁹ Basa soona, o muse tunu-hotu Lalaa Temak no hata-heton lalaena leo Au, no enon-na leoiak: lose mina neu basa hata lala'en-na nenik mina feta, soona basa sila-la nanafe hehelik soaneu Au.

KELUARAN 40:9 ပူးပေါင်းရင်းမြစ်များ

MAZMUR 45:7

Manetualain fe o koasa soaneu paleta, o koasam-ma nakatatakak losa dodoon-na; no ndoos ma matetuk, o paleta o laum-ma.

KELUARAN 37:29

Bezaleel boeo tao mina feta ma boomenik kaboomeni isik, de ana sese'dok-kana sama leo minak kaboomenik-ka.

KELUARAN 39:39

mei tunu-hotu liti no kafa nananala'ek neme liti mai, ai ndondolok, ma basa hata-heton lala'en-na; baak oe fo mamana sasafek-ka no buin-na,

KELUARAN 40:8

Basa soona, lofa temak neu fo ana okofeo-na Lalaa Temak so'dan-na, ma lolo'e tema lelesu neu lelesuina manai uma so'dan-na.

YESAYA 11:2

Neukose Manetualain koasan-na hela-nolen, fo Ana taon da'di hataholi dale malole, ma manatee-tenok, malelaina nai ho'i nakeketuk-ka dalek, fo nakalala'ok-kana; nalelak Manetualain hihii-nanaun, ma namahele neun.

YESAYA 61:1

Manetualain Fo Mademaina, koasan-na nai au dalek; Ana hele au, de nadenu au soaneu au uni hala malole-a, neu hataholi nuu taa-hata taak-ka, ma tao alea-ahai hataholi fo, dalen-na nakalulutuk; soaneu po'a-benga neu hataholi nanahukuk-kala ae sila nanasoi-po'ik no lai-laik, ma neu hataholi manai bui dale-la ae neukose sila nanasoi-po'ik.

YESKIAL 28:14

Au fe ata nusa so'dak fo, mata-panan nakatata'u, nanea o nai ndia. O leo nai Au lete malalao-malalafung lain, ma o la'ok nai batu poemata mangadilak-kala tala'da.

IMAMAT 8:10

Boema Musa ho'i-na mina feta, de ana losen neu Manetualain Lalaa Teman-na no basa oe-isin lala'en-na. No enok ndia, basa-basan lala'en-na nanafe hehelik ba'eneu Manetualain so.

BILANGAN 7:1

Nai lelek Musa napadedeik basa Manetualain Lalaa Teman-na boema, nakatema Lalaa Temak ndia no basa hata-heton lala'en-na, nenik ana lose mina feta neu basa-basan. Ana tao leondiak boe, neu mei tunu-hotuk-ka, no basa hata-heton lala'en-na.

MATEOS 3:16

Yohanis salani basa Yesus tutika ana kalua neme oe dale mai. No kaiboik, lalai a natahuka de Yesus nita Manetualain Dula Dale na ana kona neme nusa so'da ka mai sama leo kalua sina de ana kona neu lain.

YOHANIS 3:34

Hu ka nde hataholi fo Manetualain nadenun fo ana tui-benga Manetualain dede'a-kokola na, Manetualain fe la'iesak Dula Dale na neu hataholi ndia so.

2 KORINTUS 1:22

Soaneu ndia de, Manetualain paku basa ita da'di Ndia nuun, ma Ana fe Dula Dale na leo nai ita dalen dale, da'dileo bua pepe'dak esa nae, neukose Ana fe ita basa hata fo Ana helu ka.

2 KORINTUS 1:4

Ana tao natea-nahele ami dale ma, nai lelek fo ami la'ola'di toto'a-tataa ka, fo ela no be'i-balakaik fo ami sipon neme Manetualain mai ndia, ami boeo hapu tao matea-mahele basa hataholi manai toto'a-tataa ka dalek.

IBRANI 9:21

Basa boema, Musa pisi bana daa ndia, neu Lamatua ka Uma Lopo na, ma basa bua lo'as fo ala paken soaneu ala hule-haladoi ka boe.

1 YOHANIS 2:20

Tehu Yesus Kristus fe Manetualain Dula Dale na neu emi so. Hu ndia de emi malelak nanoli ndo sa.