KELUARAN 40:34 - Susula Malalaok Hehelu Palak Ma Hehelu Beuk

³⁴ Basa boema, ko'as-sa kona mai, de ana potiketu Manetualain Lalaa Teman-na, de Lalaa Temak ndia henuk no Manetualain ndela-sa'an.

KELUARAN 40:34 ပူးပေါင်းရင်းမြစ်များ

2 SEMUEL 7:6

Mulai neme, Au soi-po'i leoina Israel-la neme Masir mai, losa besak ia, Au beita leo ita nai uma esa dalek boen, ka'da au aleu-alak ma leonai lalaa temak esa dalek.

2TAWARIKH 7:2

nalosa basa imam-mala ta hapu leo dalek leu fa.

MAZMUR 26:8

Au sue-lai O Umam-ma, ou Manetualain, mamanak fo O leok-ka, henuk no matua-madema.

KELUARAN 14:24

Sanga deka lolebalahaak boema, Manetualain mete solda'du Masir-ra neme dii ha'ik ma dii ko'as dale mai, de Ana taon-nalas lapokak.

KELUARAN 16:10

Lelek Harun bei kola-kola no basa-basas te, ala mete leo moo solokaek-ka neu, de no kaiboik, lita Manetualain ndela-sa'an nai ko'as dale.

KELUARAN 25:8

Madenu leoina ndia, fo ana tao fe Au Lalaa Temak esa, fo ela Au hapu leo nai sila tala'da.

KELUARAN 29:43

Nai ndia nde, neukose Au atongo o leoina Israel-la, ma Au ndela-sa'ang neukose taon-na mamanak ndia da'di malalao-malalafuk.

KELUARAN 33:9

Metema Musa nala dalek soona, dii ko'as-sa kona mai, fo nate'e nai Lalaa Temak lelesun-na. Manetualain kokolak no Musa neme ko'as ndia dalek mai.

YESAYA 57:15

Nana Manetualain Fo Mademaina, ma malalao-malalafuk, fo manakoasa losa dodoon-na, nafa'da nae leoia, “Au leo nai mamana mademaina, ma malalao-malalafuk, tehu, nai hataholi dale taidaek-kala, tala'da, ma nai hataholi manatukatei-saledale leme sala-singon-nala mai, fo daenga tao labebeu sila manggaten, ma namahehenan-na, tala'da boe.

YESAYA 6:4

Halan-nala taon-na Manetualain Uman-na laten-na dele, ma Manetualain Uman ndia mesak-kana, henuk no ha'imasuk-ka.

YESKIAL 10:4

Manetualain mandela-masa'san, nandela neme mahahaek sila-la mai, fo ana da'di ta'du-tana la'eneu Manetualain mamain-na, ana lali leo lelesu masok leo Manetualain Uman-na neu, nalosa uma so'dan-na mangale'dok.

IMAMAT 16:2

nae, “Manduku-malosak neu o tolanoom Harun, mae ka'da neu faik fo nananaketuk-ka, besak-ka ana bole masok leo Kama Malalao-malalafuk nanseli-a dalek neu, kama ndia, nanata'da fe'ek nenik tema lelesu, nanahu, nai mamanak ndia nde Au atu'du Au aoinang-nga nai ko'as manai Peti Hehelu-balataak-ka lain. Metema Harun la'olena paleta ndia soona, neukose maten.

HAGAI 2:7

Neukose Au tao anggengek basa leoina-la, fo neukose leni hata-heton-nala leo ia mai, nalosa Au Umang-nga, neukose henuk no sila su'i-beten-nala.

HAGAI 2:9

Neukose Au Uma beung-nga lole-napun, lena heni makahulun-na, fo nai mamanak ia nde, neukose Au fe mole-dame ma su'i-betes neu Au leoina nga.” Manetualain Fo Manakoasa nde manakokolak-ka.

BILANGAN 7:89

Metema Musa neu leo Manetualain Lalaa Teman dale neu, fo ana kokolak no Manetualain soona, namanene Manetualain kokolak non neme Peti Hehelu-balataak-ka tatanan lain mai, fo Peti Hehelu-balataak ndia, nai mahahae nusa so'da ka duak-kala dodoki-dudulan tala'da.

ROMA 9:4

Tolanook sila nde bee na Manetualain hataholi kamahehelen nanahele kala ma Manetualain taos da'di ana mesa nala boema natu'du koasa na neus. Ana tao hehelu-balataak nos, ma Ana fes agama hoholo-lalanen. Manetualain nafa'das tao leo beek fo ala maso kasasi, ma ala sipo hehelu-balataa nala boe.

NINITAK 15:8

Boema Manetualain Uman ndia henuk no ha'imasuk maneme Manetualain matua-mademan ma koasa na mai. Ata nusa so'da kahituk fo manini susa-soe kahituk sila la beita nate'e fa soona, ta hapu hataholi esa boen hapu masok leo Manetualain Uman dale neu.

NINITAK 21:3

Boema au amanene hala ka neme kandela manek ndia nalo bou-bou napane'e nae, “Besak ia Manetualain mamana leleo na nde bee na nakabubua no hataholi daebafa ka! Neukose naso'da nos, ma neukose ala da'di Manetualain hataholi kamahehelen. Neukose Manetualain nde leo nos, ma Ana da'di sila Manetualai na.