Lelek Au se'i-po'i nggileo-bobongik Israel la neme Masir mai, losa besak ia, Au beita leo ita nai uma esa dalek boen. Au aleu-alaak tataasesa ma Au leo nai pandopo esa dalek.
Nai mamanak ndia nde neukose Au atongo o o, ma neme tatanan lain mai fo nai kerub ka duak sila-la tala'da, neukose Au fe Au hoholo-lalaneng neu leoina Israel-la tunga o.”
Mate'en-na, Manetualain Lalaa Teman-na tatao-nono'in, basa la'iesak-kana. Hataholi Israel-la tao basa hata lala'en-na, sama leo hata fo Manetualain paletan neu Musa.
Manetualain fe Musa, paleta nde ia nae, Metema fain-na losa, fo ofe heni mamana ofu-la soona. Harun no anan-nala muse leu leo Manetualain Lalaa Teman dale leu, fo lakona heni tema lelesu manai Peti Hehelu-balataak-ka uluk, fo poti ketu Peti ndia nenik tema lelesu ndia.
Boema Manetualain Uman manai nusa so'da ka natahuka, de Peti Hehelu Balataa ka nananitak nai dalek. Boema ndela sa tuti-nato, ma ta'ta sa nata'ta nakadedelek, boema dae manggengo ka ma u'da eis matuaina.