KELUARAN 40:17 - Susula Malalaok Hehelu Palak Ma Hehelu Beuk

¹⁷ Boema nai bula ka esa fain esa nai teu ka dua dalek, fo lelek leoina Israel-la la'oela Masir boema, lapadedeik Manetualain Lalaa Temak ndia.

KELUARAN 40:17 ပူးပေါင်းရင်းမြစ်များ

KELUARAN 12:2

“Tunga teuk soona, bulak ia da'di bula makasososak ba'eneu emi kalua meme Masir mai.

KELUARAN 40:16

Musa tao basa-basan lala'en-na, sama leo Manetualain paletan-na.

KELUARAN 40:18

Musa pe'da buin-nala, dii-nala, tao ai betubalan-nala leu, ma napadedeik natetetu diin-nala.

BILANGAN 1:1

Nai hataholi Yahudi-la bula ka dua-na fain esa, fo nai lelek hataholi Israel-la la'oela Masir boema, Manetualain kokolak no Musa neme Manetualain Lalaa Teman dale, nai Letek Sinai-a. Nae,

BILANGAN 10:11

Leoina Israel-la la'oela Masir neu teu ka dua-na, fo nai hataholi Yahudi-la bula ka dua-na, fain duahulu, ko'as-sa kae neme Manetualain Lalaa Teman lain mai.

BILANGAN 7:1

Nai lelek Musa napadedeik basa Manetualain Lalaa Teman-na boema, nakatema Lalaa Temak ndia no basa hata-heton lala'en-na, nenik ana lose mina feta neu basa-basan. Ana tao leondiak boe, neu mei tunu-hotuk-ka, no basa hata-heton lala'en-na.

BILANGAN 9:1

Nai hataholi Yahudi-la bula ka esan-na, nai teu ka dua-na dalek, fo ndia te leoina Israel-la la'oela Masir so, Manetualain kokolak no Musa neme moo solokaek Sinai-a. Manetualain nafa'da nae,

BILANGAN 9:15

Nai faik fo Manetualain Lalaa Teman-na nananapadedeik-ka, ko'as-sa mai, de ana poti-na Lalaa Temak ndia. Ko'as ndia nai Lalaa Temak lain, nai fai le'odaen-na losa fafaik, fo meten soona, sama leo ha'i-a.