KELUARAN 4:7 - Susula Malalaok Hehelu Palak Ma Hehelu Beuk
7 Boema, Manetualain nafa'da nae, “Tao falik o limam-ma, leo o ba'dum dale neu.” Musa taon neu, de nai lelek ana hela falik-kana, te liman ndia lea-hai so.
Hu ndia de, Naaman neu leo Lee Yarden-na neu, boema neu leo oe dale neu, de ana bolo aon-na, la'i hitu leo oe dale neu, sama leo Elisa nadenuk-ka. Boema, Naaman lea-hai. Aon-na malole falik, sama leo aon fo, bei muli solun-na.
Manetualain nae, “Metema, ala ta nau lamahele o fa, do nai lelek lita manada'di beuk makasososak-ka, te ta lamahele fa, soona neukose manada'di beuk ia, taon-nalas lamahele.
Mete leona, te Au Manetualain Fo Kisak esa mesak-kana, ta hapu lamatuak daebafak fe'ek fa, te ka'da Au mesang-nga. Au nde taoisa, ma Au nde tao aso'da falik-kana, Au nde tao ahinan, ma Au nde tao alea-ahain-na. Metema, Au tao-no'i hata esa, soona ta hapu manalena-la'ban fa