KELUARAN 4:22 - Susula Malalaok Hehelu Palak Ma Hehelu Beuk

²² Boema, mafa'da manek ndia mae Au, Manetualain, helu ae leo ia, ‘Israel nde been-na Au ana ulung-nga,

KELUARAN 4:22 ပူးပေါင်းရင်းမြစ်များ

MAZMUR 89:27

Neukose nafa'da Au nae, ‘Au Amang nde O, au Manetualaing-nga, au manamasulu-mahapang, ma au manasoi-manatefang.’

KELUARAN 6:11

Tehu, Musa nataa nae, “Hataholi Israel-la, ta nau lamanene au fa. Masa bole, manek Masir-ra namanene hataholi sama leo au ia, fo ta kokolak nalelak fa?”

KELUARAN 7:16

Mafa'da manek ndia mae, Manetualain, fo hataholi Ibrani-la Manetualain-na, nadenu au, fo afa'da au Ama Maneng, fo ela po'i Anan-nala, fo leu sene-do'ok neun nai moo solokaek-ka. Tehu losa besak ia, au Ama Maneng-nga, ta nau namanene fa.

YESAYA 63:16

Ade, O ta nde ami Amam fa do? Abraham ma Yakob, ta lalelak ami fa. Tehu O, ou Manetualain, O nde been-na, ami Amam, ami Manasoi-manatefam, neme makahulun eli mai.

YESAYA 64:8

Tehu O, ou Manetualain, O nde been-na, ami Amam, ami ka'da dae manuteik mesan, ma o nde fe lupak neu ami; ami basa-basam-mala nde been-na, O lima tataam.

YEREMIA 2:14

“Ade Israel ndia ata, do ata anan do. Tehu tao le'e de, ana da'di musu non-na paa nana'an?

YEREMIA 31:9

Ala la'ok no luu oen-nala titi beboto, Au tao amahokos ma Au le'a-noles. Au os tunga mamanak-mamanak fo oen-na ba'uk-ka, tunga mamanak fo enon-na matetuk fo neukose ala ta lakatunu fa. Ba'eneu Israel, Au soona nonokabai Amak-ka; Efraim nde been-na Au ana tou ulung-nga.”

HOSEA 11:1

Manetualain nafa'da nae, “Au sue-lai Israel neme lelek bei anan-na mai, Au aloo Au anang sila-la, kalua leme Masir mai.

MALEAKHI 1:6

Manetualain Fo Manakoasa, nafa'da basa imam-mala nae, “Ni'iana esa, ana fe ha'da-holomata neu aman, ma malalau-maoono esa, ana fe ha'da-holomata neu ndia tuan-na. Au ia, emi Amam; tao le'e de, emi ta fe ha'da-holomata neu Au fa? Au ia, emi malangam-ma; tao le'e de, emi ta bii-mamata'u neu Au fa? Emi makamumulu-makamamaek Au, tehu emi matane mae, ‘No enok leo bee ka, ami makamumulu-makamamaek O?’

MATEOS 2:15

Ala leo leme ndia losa Herodes maten. Dede'ak ndia ana da'di, fo daenga nandaa no hata fo Lamatua ka nafa'da basan tunga nabi nala nae, “Au alo falik Au Ana nga neme Masir mai.”

ROMA 9:4

Tolanook sila nde bee na Manetualain hataholi kamahehelen nanahele kala ma Manetualain taos da'di ana mesa nala boema natu'du koasa na neus. Ana tao hehelu-balataak nos, ma Ana fes agama hoholo-lalanen. Manetualain nafa'das tao leo beek fo ala maso kasasi, ma ala sipo hehelu-balataa nala boe.

2 KORINTUS 6:18

Neukose Au da'di emi Amam, ma neukose emi da'di Au anang. Leondiak Manetualain fo Mana Koasa nafa'da.”

ULANGAN 14:1

“Emi nde been-na, Manetualain anan. Da'di, nai lelek emi hataholim esa mate, fo emi falu soona, boso tao makahina emi aoinam-ma, do emi nggeuheni emi langadoom manai emi dedeim-ma nisi lain-na, sama leo leoina fe'ek-kala tataon-na.

ULANGAN 32:6

Emi balas Manetualain dale malolen-na leondiak hai hataholi nggoak ma dudu'a-aafi tak-kala lemin? Ade, Ndia ta nde emi Amam, fo Manamakadada'dik emi, fo manatao emi da'di leoina esa fa do?

IBRANI 12:23

Emi tunga natotongok esa, fo henuk no hika-setelee ka, fo nde natotongo Manetualain ana ulu nala, fo na'de nala nanasulak nai nusa so'da ka dalek. Emi mai masasale matak mo Manetualain, fo mana Maketu-Mala'di basa hataholi daebafa ka lala'ena. Emi masasale matak mo hataholi kamahehele kala dula dale nala, fo ala da'di matetu-mandaak so.

YAKOBIS 1:18

No dale hihii mesa na de, Ana tao ita da'di Ndia anan, tunga hala-kokola ndo na. Ana tao leondiak, fo ela ita hapu mamana matua-madema lena heni basa hata maso'dak fo nakadada'di kasa.