KELUARAN 4:21 - Susula Malalaok Hehelu Palak Ma Hehelu Beuk

²¹ Manetualain, nafa'da Musa nae, “Au fe basa o koasa, soaneu tao manada'di beuk-kala so. Da'di, mahani te, metema o losa Masir soona, tao basa manada'di beuk sila-la nai manek Masir-ra matan. Tehu, neukose Au tao-an nalanga batu, nalosa ana ta po'i leoina ndia la'o fa.

KELUARAN 4:21 ပူးပေါင်းရင်းမြစ်များ

KEJADIAN 6:3

Boema Manetualain nafa'da nae, “Au ta nau hataholi daebafak-ka naso'da losa dodoon-na fa; sila mahahaek manasapu-manalalok, de muse mate. Mulai besak ia, teun-nala, neukose ta lena neme teuk 120 mai fa.”

1RAJA-RAJA 22:22

Manetualain natane nae, ‘Eno na tao leo beek?’ Dula dalek ndia nataa nae, ‘Neukose au u fo au tao a basa Ahab nabi nala lasapepeko-lasandandali.’ Manetualain nae, ‘Hei, taon leona, neukose o hapu fufu'di man.’ ”

MAZMUR 105:25

Ana tao nasafali, hataholi Masir-rala dalen-nala, nalosa ala ta hii anan-nala fa, de ala tao anan-nala, no ke'di-ndiuk.

MAZMUR 78:43

lelek Ana tao manada'di beuk-kala neme Masir, ma manada'di beuk-kala neme mook Zoan-na.

KELUARAN 10:1

Manetualain nafa'da Musa nae, “Muu leo manek-ka muu. Au tao-an no manapaletan-nala lalanga batu so, fo ela Au hapu tao manada'di beuk-kala, nai sila tala'da heon,

KELUARAN 10:20

Tehu Manetualain taon-na manek-ka da'di nalanga batu, de ana ta nau po'i hataholi Israel-la la'o fa.

KELUARAN 10:27

Manetualain taon-na manek-ka nalanga batu, nalosa ana ta po'i hataholi Israel-la la'o fa.

KELUARAN 11:10

Musa ma Harun tao basa manada'di beuk sila-la nai manek-ka matan, tehu Manetualain tao-nan nalanga batu, nalosa ana ta nau po'i hataholi Israel-la la'oela nusan-na fa.

KELUARAN 11:9

Manetualain, nafa'da Musa nae, “Neukose, manek-ka ta taoafik neu o hala-kokolam fa, fo ela Au hapu tao manada'di beuk bauk-ka seluk, nai basa Masir lala'en-na.”

KELUARAN 14:17

Neukose Au tao-a hataholi Masir-ra lalanga batu, nalosa ala usi lahele hataholi Israel-la, fo neukose, Au atu'du Au koasang-nga neu manek Masir-ra, solda'dun-nala, kaleta musun-nala, boema basa hataholi manasa'e ndalan-nala.

KELUARAN 14:4

Neukose, Au tao-an da'di langa batuk, fo neu usi emi. Tehu neukose, Au atu'du Au koasang-nga neu manek Masir-ra, ma solda'dun-nala, fo neukose ala bubuluk, lae Au nde Manetualain.” Boema hataholi Israel-la taon, sama leo hata fo Manetualain paleta neus.

KELUARAN 14:8

Memak, Manetualain tao-na manek Masir-ra da'di langa batuk, nalosa ana usi hataholi Israel-la bei lai leleo-lala'on-nala dalek, nai lelek ala la'oela nusak ndia no Manetualain nasulu-nahapan.

KELUARAN 3:19

Basa boema, Manetualain nafa'da seluk nae, “Au bubuluk mane Masir-ra, neukose ta po'i emi meu fa, te ka'da metema nananakasetik.

KELUARAN 3:20

Tehu, neukose Au pake Au koasang-nga, fo Au huku Masir nenik Au fe soe matuaina leo naa neu. Basa ndia soona, besak-ka ana po'i emi la'o.

KELUARAN 7:13

Leomae leondiak boe, manek-ka nalanga batu nahele, de ana ta taoafik neu Musa no Harun dede'a-kokolan, sama leo Manetualain nafa'da basak-ka so.

KELUARAN 7:3

Tehu neukose, Au tao-a manek-ka da'di nalanga batu. Neukose ana ta taoafik neu o fa, leomae Au fe soe makadotok, da'di nai Masir so.

KELUARAN 8:11

Neukose, Ana soi-po'i au Ama Maneng-nga, basa manapaleta-la ma laun-nala, leme lo'donggelek sila-la mai. Ta hapu lo'donggelek nai uma-la so'on, ela ka'da manai Lee Nil-la.”

KELUARAN 8:15

Lelek manek-ka nita, nae lo'donggelek sila-la mates so, boema nalanga batu. De sama leo hata fo Manetualain nafa'da basan nae, manek-ka ta nau taoafik neu Musa no Harun hala-kokolan fa.

KELUARAN 8:32

Tehu oek ia boe, manek-ka nalanga batu, de ana ta po'i leoina ndia, la'o fa.

KELUARAN 9:12

Tehu Manetualain tao-na manek-ka da'di nalanga batu, de sama leo hata fo Manetualain nafa'da basan nae, manek-ka ta nau taoafik neu Musa no Harun hala-kokolan fa.

KELUARAN 9:35

Sama leo hata fo Manetualain nafa'dan tunga Musa nae, manek-ka ta nau fe hataholi Israel-la loak, fo ala la'o fa.

YESAYA 6:10

Boema, nafa'da au nae, “Tao mapa'a hataholi sila-la dudu'a-aafin-nala, tao mapake di'idoon-nala, ma tao mapoke matan-nala, fo ela ala boso lita, lamanene do lalelak, soona ala fali ma'is leo Au mai, fo ala lea-hai.”

YESAYA 63:17

Ou Manetualain, tao le'e de, O po'ilotak ami, matofa-matalak? Tao le'e de, O tao matea ami dalem-ma, nalosa ami ta bii-mamata'u neu O fa? Hu kande, O atam-mala, ma hu kande O anam fo, O pusakam-ma, fali ma'im-ma leona.

YOHANIS 12:40

‘Ao tao apoke mata nala, Au tao atea dale nala, fo ela mata nala boso lita, dudu'a aafi nala boso lalelak, fo ela ala boso fali leo Au mai fo Au tao alea-ahais.’ ”

ROMA 1:28

Tunga hataholi daebafa ka dale nameme'da na soona, ana ta paluu nalelak Manetualain fa. Hu ndia de, Manetualain po'ilotak dudu'a-aafi nala nalutus, fo ela ala tao-no'i tatao-nono'ik fo tunga ndo na, ala ta bole tao-no'i fan.

ROMA 9:18

Da'di, Manetualain dale susue-lalain neu hataholi esa, metema nahiik Ana tao leondiak. Ma Manetualain tao na hataholi esa langa batu, metema Manetualain nahiik tao leondiak boe.

ULANGAN 2:36

No ita Manetualain-na tutulu-fafalin, de ita hapu loso-ta, basa kota sila-la, mulai neme Aroer mai, fo nai Bafak Arnon-na, ma kota manai bafak ndia tala'da, losa dae Gilead-ta. Ita tao takalulutuk basa papala nanadaman-nala.

YOSUA 11:20

Manetualain tao-na dalen-nala latea soaneu latee-lata'ti loo hataholi Israel-la, fo ela tao lamopo-lamates, ma taolisa la'iesak-kasa, ta no do'o do ampon fa, fo nandaa no Manetualain paletan neu Musa.

1 PETRUS 2:8

ma “Batu ndia, nde tao na hataholi a nakatunu, boema ala tu'u leu.” Hataholi sila lakatunu nana, ta lamahele Manetualain dede'a-kokolan fa. Manetualain naketu basa hataholi sila la, leondiak so.