KELUARAN 4:12 - Susula Malalaok Hehelu Palak Ma Hehelu Beuk

¹² Besak ia, muu leona, te neukose Au tulu-fali o, fo o kokolak, ma Au anoli o, hata fo o muse mafa'dan.”

KELUARAN 4:12 ပူးပေါင်းရင်းမြစ်များ

MAZMUR 105:26

Boema nadenu atan Musa ma Harun fo hataholi hehelen-na.

MAZMUR 143:10

Manoli au, fo au akalala'ok O hihii-nanaum, nana au Manetualaing-nga nde O. O dale malole, de neukose, O hela-nole au, leo eno matetuk-ka neu.

MAZMUR 32:9

Boso sama leo ndala kanenis-sa, fo muse helan nenik lapa ma tali, soona besak-ka ana tunga.”

KELUARAN 3:12

Manetualain nataa nae, “Neukose, Au tulu-fali o. Ma metema o moo leoina ndia kalua neme Masir mai soona, neukose emi sene-do'ok neu Au nai letek ia. Ndia da'di buti, nae Au adenu o.”

KELUARAN 4:13

Tehu Musa nataa nae, “Au dokodoe, fo boso madenu au, ou Manetualain, te madenu hataholi fe'ek.”

KELUARAN 4:15

Kokolak moon, fo mafa'dan hata fo muse ana kokolak-kana. Neukose Au tulu-fali ma Au anoli emi dua, hata fo emi muse kokolak ma tao-no'in.

KELUARAN 4:16

Ana muse kokolak pake o na'dem-ma, nai laun-na matan. Neukose, ana da'di o hataholi manakokolam, de ana tao o da'di sama leo Manetualain, fo nafa'da hata fo ana muse kokolak-kana.

YESAYA 49:2

Ana taon-na, au dede'a-kokolang tanen-na, sama leo tafaina tanen-na nenik liman-na mesak-kana Ana nasulu-nahapa au. Ana taon-na au da'di, sama leo kokouisi matane, de Ana pe'dan nai mamana pepe'da kokouisik dale.

YESAYA 50:4

Manetualain Fo Mademaina, nanoli au kokolak, fo ela au hala-kokolang natetea-nahehele hataholi manasota-manguk-ka. Tunga-tunga fafain-na, Ana fafae nafo'a au dale hihiing-nga soaneu au amanene, nanolin ba'eneu au-a.

YEREMIA 1:9

Basa ndia boema Manetualain look liman-na mai, de nafaloe au bafang-nga, boema nafa'da nae, “Mamanene leona, fo po'a-benga dede'a-kokolak fo, Au afa'dak ia-la.

BILANGAN 16:28

Boema Musa nae, “No enok ia, de neukose emi bubuluk mae Manetualain nadenu basa au, fo tao basa ia-la, ma emi bubuluk mae au hihii-nanau mesang ta ndia fa.

MARKUS 13:11

Ma metema ala ho'u la emi fo lo emi leo manamaketu-mala'di kala meu soona, boso bii la'eneu hata fo emi kokola kana. Metema fai na losa soaneu emi kokolak soona, kokolak ka'da hata fo nananafa'dak neu emi a. Nana dede'a-kokolak fo emi kokolak sila la, emi dede'a-kokolam ta sila fa. Dede'a-kokolak sila la leme Manetualain Dula Dale na mai.

LUKAS 11:1

Nai faik esa boema Yesus hule-haladoi nai mamanak esa. Ana hule-haladoi basa boema, ana manatungan esa nae, “So'ba Lamatua ka manoli su'dik ami huhule-haladoik sama na leo Yohanis nanoli ana manatunga nala hule-haladoi ka.”

YOHANIS 14:26

Tehu Manetualain Dula Dalen Fo Mana Tulu-Fali ndia, neukose Ama ka nadenun ana mai no Au na'de nga, fo Ndia nde, neukose nanoli emi basa hata lala'ena, boema Ana fe emi nafandendelek soaneu basa hata fo Au afa'dan neu emi so.

EFESUS 6:19

Ma hule-haladoi soaneu au boe, fo ela nai lelek fo au kokolak soona, Manetualain fe au dede'a-kokola ka, nandaa. Fo ela au apalani afa'da Hala Malole ndia, dede'a nafufuni nala.

ULANGAN 18:18

Neukose, Au fes nabi esa sama leo o, neme sila leoinan mai. Neukose, Au afa'dan hata fo, muse ana nafa'dan, boema neukose, ana nanduku-nalosak-kana neu leoina ndia, basa hata lala'en fo, Au paleta neun-na.