KELUARAN 4:1 - Susula Malalaok Hehelu Palak Ma Hehelu Beuk

¹ Boema, Musa nataa Manetualain nae, “Tehu tao leo beek, fo leounik-ka hataholi Israel-la ta nau lamahele ma ta nau taoafik neu au hala-kokolang fa? Metema, leounik-ka lafa'da lae Manetualain ta natu'du aoinan-na neu au fa soona, au muse tao beek?”

KELUARAN 4:1 ပူးပေါင်းရင်းမြစ်များ

1RAJA-RAJA 13:3

Nabi ndia kokolak nakandoo nae, “Mei tutunu-hohotuk ia, neukose ana hea neu, ma afu manai lai na, neukose po'ahenin. Ndia da'di buti nae, Manetualain nde nadenu au a.”

KELUARAN 2:14

Hataholi ndia nataa nae, “See kande ndo ei o da'di ami mauli-malangam, ma ami manakee-manafulam? Ade o sanga taomisa au boe, sama leo huas-sa, o taomisa hataholi Masir ndia do?” Boema Musa bii, de ana dodoo nae, “Soe! Au tatao-nono'ing ndia nanabubuluk so.”

KELUARAN 3:15

Boeo tui-benga fes, mae Au, Manetualain, fo sila bei-ba'i kain Abraham, Isak ma Yakob Manetualain-na, nadenu au mai leo emi mai. Au nde Manetualain, fo Au na'deng-nga nde ndia, losa dodoon-na. Au na'de nonokeng-nga nde ndia, soaneu basa leoina lala'en-na, neme tititi-nonosik leo tititi-nonosik neu.

KELUARAN 3:16

Muu leona, fo maloo makabubua basa mane leo Israel-la. Fo po'a-benga neus, mae Au, Manetualain, fo sila bei-ba'i kain Abraham, Isak ma Yakob Manetualain-na, natu'du basa aoinan-na neu o so. Mafa'das mae Au mete basa sila so, de Au ita basa, leoina Masir-ra tao sila leo beek so.

KELUARAN 3:18

Neukose Au anang-ngala, lamanene o hala-kokolam. Basa soona, o sama-sama moo basa mane leo Israel-la, muse meu leo manek Masir-ra meu, fo mafa'dan mae, ‘Manetualain, fo hataholi Ibrani-la Manetualain-na, Ana mai, de natu'du basa aoinan-na neu ami so. Besak ia po'i ami, fo ami la'ok faik telu dalen-na leo moo solokaek-ka meu, fo ami tunu-hotu tutunu-hohotuk fe Manetualain, fo ami Manetualaim-ma.’ ”

KELUARAN 4:10

Tehu Musa nae, “Ou, Manetualain, au hataholi esa, ta kokolak alelak fa, nau neme makahulun-na mai, do losa besak ia boe, lelek Manetualain kokolak basa no au. Au maang-nga balakaik-ka, de au kokolak ma'a-ma'a, te ta lai-lai fa.”

KELUARAN 4:30

Harun nanduku-nalosak neus, basa hata lala'en fo Manetualain nafa'dan neu Musa, de Musa tao basa manada'di beuk-kala, nai hataholi sila-la matan.

KELUARAN 4:31

Boema lamahele, ma nai lelek lamanene lae Manetualain, taoafik neu leoina Israel-la, ma nita sila doi-doson lala'en-na boema, lakaluku-lakatele.

KELUARAN 6:12

Leondiak, Manetualain, nadenu Musa no Harun, fo landuku-lalosak halak neu leoina Israel-la, ma neu manek Masir-ra, lae Manetualain nadenu sila, fo lauli-lalanga leoina Israel-la, kalua leme Masir mai.

YEREMIA 1:6

Boema au ataa ae, “Ou Manetualain au ta kokolak alelak fa, nanahu au bei muli-soluk nanseli.”

YESKIAL 3:14

Manetualain koasa matuainan-na, ana mai leo au mai, de lelek Manetualain Duladalen-na so'u-na au de noo au, boema au ame'da daleng-nga makahe'duk, ma namahana.

HATAHOLI 7:25

Musa nae uni ka ndia hataholi nala neukose ala bubuluk, Manetualain pake ndia fo neu soi po'is. Te see ko na ala ta bubuluk fa.

HAKIM-HAKIM 6:17

Boema, Gideon nataa nae, “Metema tete'ek-ka Manetualain nahiik au soona, so'ba fe ta'du-tana esa, mae memak Manetualain nde fe au paleta ia.