KELUARAN 38:17 - Susula Malalaok Hehelu Palak Ma Hehelu Beuk

¹⁷ Dii-la dii ein-nala ana taos neme liti mai, te soloka'do, tututin-na ma dii-la poin-na, ana taos neme lilofulak-ka mai. Basa dii manai uma so'dak ndia boboa-kaisun, latututiao no ndeli lilofulak-ka.

KELUARAN 38:17 ပူးပေါင်းရင်းမြစ်များ

1RAJA-RAJA 7:16

Ana tao na dii langak dua neme liti mai soaneu dii sila-la, fo esa soona, dedema na metel dua senti dua hulu.

KELUARAN 27:10

dii liti 20 lakatakan, fo esa soona tao dii eik liti esa neu, ma soloka'dok, boema ndelin-na neme lilofulak-ka mai.

KELUARAN 38:16

Basa temak manaokofefeon-na uma so'dak ndia, ana taon neme temak abalutu mai.

KELUARAN 38:18

Ana tao uma so'dak ndia lelesuinan-na tema lelesun-na neme temak abalutu, fo nanatenuk nenik temak kabelik balau, pilabalanggeok ma pilas, boema nanabalias nenik seseu-sosook mana'ahiik. Nanalun-na metel 9 ma loloan-na metel dua, sama no temak maneme uma so'dan-na mai.

BILANGAN 3:36

Ala mete lakanae Lalaa Temak ndia dii-ain, fo nde lolon-nala, diin-nala, laten-na, ma basa taka-besi, boema basa tatao-nono'ik fo bei natu'tik no bua-lo'as sila-la.

BILANGAN 4:32

Boeo dii manaokofefeon-na Lalaa Temak ndia so'dan-na, boema temak manai laten-na, ai papakun-nala, ma talin-nala no basa taka-besi fo paluun nai lelek lapadedek-kana. Hataholi-la esa soona muse fen lu'a buas esa.