KELUARAN 37:5 - Susula Malalaok Hehelu Palak Ma Hehelu Beuk

⁵ boema ana lo'do ai ndondolok sila-la leo suek manai peti ndia boboan-na dalek neu.

KELUARAN 37:5 ပူးပေါင်းရင်းမြစ်များ

1RAJA-RAJA 8:8

Ai ndondolok sila-la manaluina, nalosa memetek pe'da nala neme Kama Malalao-malalafu ka uluk mai. (Losa besak ia, ai sila-la bei lai ndia.)

KELUARAN 37:4

Boeo ana tao ai ndondolon-na neme ai akasia mai, de nakadiditak-kana nenik lilopilas,

KELUARAN 37:6

Basa boema, ana taon-na tatanak esa neme lilopilas isik-ka mai, nanalun-na senti 110, ma loloan-na senti 66.

BILANGAN 1:50

Madenus fo ala ito-ato Au Lalaa Temang-nga no oe-isin lala'en-na. Sila bela-ba'un nde, ndolo Au Lalaa Teman-nga no oe-isin lala'en-na, boema ala ito-aton. Sila muse ofu nai boboa-kaisun.

BILANGAN 4:15

Manetualain nafa'da Musa no Harun nae, “Nai lelek emi ofe heni mamana ofu-a soona, Harun no anan-nala muse leu leo Au Lalaa Temang dale leu, fo ala poti ketu basa bua-lo'as ma hata-heto manai sila-la. Basa ndia soona, besak-ka hataholi Kehat-tala bole mai fo ala ndolon leona. Tehu, ala ta bole mete do deka, do ko'i la'e hata-heto sila-la fa, nanahu nanafe hehelik basa neu Au so. Metema ala la'o lenan soona, neukose mates. Da'di, fo ela hataholi Kehat sila-la na'den-nala boso nanalose henik neme leo Lewi-a dalek mai, Harun no anan-nala muse fe sila esa-esak bela-ba'u beek fo muse lenin. Hataholi Kehat-tala bela-ba'un nde ndia, nai lelek lali heok Au Lalaa Temang-nga. Eleazar fo Harun anan-na, muse mete-nakanae Au Lalaa Temang-nga lala'en-na, banuk-kala minan-na, boomenik-ka, tutunu-hohotu gandum soaneu nana'ak fo nanasadia nahelek-ka, mina feta, ma basa hata manai Au Lalaa Temang ndia dalek.”