KELUARAN 36:2 - Susula Malalaok Hehelu Palak Ma Hehelu Beuk

² Musa naloo Bezaleel, Aholiab ma basa hataholi fo manahapu malelaina neme Manetualain mai, ma hataholi fo no dale hihii mesan-na, ana fe tutulu-fafalik, boema nadenus mulai leona.

KELUARAN 36:2 ပူးပေါင်းရင်းမြစ်များ

1 TAWARIKH 28:21

Baba'e bela-ba'u makaluku-makatele-a nai Manetualain Uman dale, nananaketu basak nai basa imam-mala ma hataholi Lewi-la dalek so. Manatao-no'i malelak nai esa-esak tatao-nono'in-na dalek, neukose no namahokok ala tulu-fali o, ma basa mauli-malangan sama-sama lo basa laun-nala lala'en-na, neukose ala tunga o paletam-ma.”

KELUARAN 25:2

“Madenu hataholi Israel-la leni fe Au tunu-hotuk. See dalen-na nakababale soona, muse neni tunu-hotuk

KELUARAN 25:40

Mafandendelek, fo tao banu eik ndia tunga natutu'duk fo Au atu'dun neu o neme letek ia lain.

KELUARAN 28:3

Maloo-ma basa hataholi fo Au fe basas malelak da'di manaseu-soo. Madenus fo ala seu Harun bua-papaken-na fo ela hele hehelin soaneu nalalau-naoono Au da'dileo imam.

KELUARAN 31:6

Boeo Au hele basa Oholiab, fo Ahisamakh neme leo Dan, anan-na fo ana tulu-falin. Au fe tuka malelak-kala malelak matuaina boe, fo ela ala hapu tao su'di beek fo Au paleta neus:

KELUARAN 35:10

“Basa tuka malelak manai emi dalek-kala, muse mai fo tao basa hata lala'en fo Manetualain paletan, fo nde:

KELUARAN 35:2

Hapu faik nee soaneu naue-nale'di, tehu nai faik-kahitun-na nde been-na, faik soaneu hahaeaok, fai malole fo nanahele hehelik ba'eneu Manetualain. See naue-nale'di lae fai Sabat-ta soona, muse nanahukunisak.

KELUARAN 36:1

Bezaleel, Aholiab, ma basa tuka fo manahapu dudu'a-aafi maneu ma malelaina neme Manetualain mai, ala tao-no'i lalelak basa hatan-nanapaluuk soaneu tao Manetualain Lalaa Teman-na. Sila muse tao basa hata lala'en-na, sama leo hata fo Manetualain paleta basan so.”

KELUARAN 36:3

Musa fes basa hata lala'en fo hataholi Israel-la tulu-falin soaneu Manetualain Lalaa Teman-na nafofo'an-na. Tehu leoina Israel-la tunga-tunga fafain-na, ka'da bei leni lahele tunu-hotuk sila leo Musa neu.

HATAHOLI 14:23

Ma nai mamaso kala esa-esak, Paulus no Barnabas so'u fes Penatua-penatua. Ala hule-haladoi ma ala puasa basa boema, ala fe Penatua-penatua sila la leo Lamatuak fo sila dua lamahele ka.

KOLOSE 4:17

Ma mafa'da Arkhipus fo, “Ana tao nakababasak ndia bela-ba'un, soaneu nalalau-naoono Lamatua ka.”

IBRANI 5:4

Ta hapu hataholi esa boen, fo ana so'u aon ao ina na da'di imam matua ina fa. Hataholi da'di Imam matua ina, metema Manetualain nalon, soaneu bela-ba'uk ndia, sama na leo Harun.