KELUARAN 36:1 - Susula Malalaok Hehelu Palak Ma Hehelu Beuk

¹ Bezaleel, Aholiab, ma basa tuka fo manahapu dudu'a-aafi maneu ma malelaina neme Manetualain mai, ala tao-no'i lalelak basa hatan-nanapaluuk soaneu tao Manetualain Lalaa Teman-na. Sila muse tao basa hata lala'en-na, sama leo hata fo Manetualain paleta basan so.”

KELUARAN 36:1 ပူးပေါင်းရင်းမြစ်များ

1 TAWARIKH 2:20

Hur anatoun-na na'de Uri ma upun-na na'de Bezaleel.

1 TAWARIKH 28:21

Baba'e bela-ba'u makaluku-makatele-a nai Manetualain Uman dale, nananaketu basak nai basa imam-mala ma hataholi Lewi-la dalek so. Manatao-no'i malelak nai esa-esak tatao-nono'in-na dalek, neukose no namahokok ala tulu-fali o, ma basa mauli-malangan sama-sama lo basa laun-nala lala'en-na, neukose ala tunga o paletam-ma.”

MAZMUR 119:6

Metema, au taoafik neu basa O paletam-mala, soona neukose, au ta hapu mamaek fa.

KELUARAN 12:28

Boema ala la'o, de ala tao tunga Manetualain, paletan neu Musa ma Harun.

KELUARAN 25:8

Madenu leoina ndia, fo ana tao fe Au Lalaa Temak esa, fo ela Au hapu leo nai sila tala'da.

KELUARAN 28:3

Maloo-ma basa hataholi fo Au fe basas malelak da'di manaseu-soo. Madenus fo ala seu Harun bua-papaken-na fo ela hele hehelin soaneu nalalau-naoono Au da'dileo imam.

KELUARAN 31:11

mina feta, ma boomenik kaboomenik soaneu Kama Malalao-malalafuk-ka. Sila muse tao basa sila-la nandaa no natutu'duk fo Au fen neu o.”

KELUARAN 36:2

Musa naloo Bezaleel, Aholiab ma basa hataholi fo manahapu malelaina neme Manetualain mai, ma hataholi fo no dale hihii mesan-na, ana fe tutulu-fafalik, boema nadenus mulai leona.

KELUARAN 38:23

Manatulu-falin nde Aholiab, fo Ahisamakh neme leo Dan-na, anan-na nde been-na tuka manadoki-dulak esa, manatutu'u dulak ma manatenu temak abalutu, boema temak kabelik balau, pilabalanggeok ma pilas.

KELUARAN 39:1

Bezaleel no Aholiab tao bua papake makaluku-makatele neme temak kabelik balau, pilabalanggeok ma pilas soaneu basa imam-mala nai lelek lalalau-laoono nai Kama Malalao-malalafuk dale. Papake imam soaneu Harun, nanataok sama leo hata fo Manetualain paletan neu Musa.

BILANGAN 7:9

Tehu, Musa ta fe hataholi Kehat-tala gelobak do sapi fa, nana ala muse lu'a bua-lo'as malalao-malalafuk, fo ala mete-lakanaes-sala.

MATEOS 28:20

Boema manolis, fo ala tao tunga basa hata fo Au paleta basan neu emi a. Ma mafandendelek te, neukose Au o ahele emi losa fai mate'e ka.”

LUKAS 1:6

Saotouk saoinak ia la so'da nala nandaa no Manetualain dale na. Duas tunga basa paleta ma Manetualain hoholo-lalanen no dale katematuak.

IBRANI 8:2

Ana tao-no'i bela-ba'un, da'dileo Imam Matua Ina nai Kama Malalaok nanseli a, fo nde nai Manetualain Uma Lopon isi-isi na dalek, fo Manetualain nde napadedei kana, te ta hataholi daebafa ka fa.