KELUARAN 34:9 - Susula Malalaok Hehelu Palak Ma Hehelu Beuk

⁹ Nafa'da nae, “Manetualain, metema te'e-te'e au andaa o O dalem-ma soona, au dokodoe, ela leo been-na Manetualain tunga moo ami. Memak leoina ndia langa batuk, tehu fe do'o do ampon neu ami tatao-nono'i mangalaum-ma, ma ami sala-singom, ma sipok-ma ami, da'dileo O ana mesam.”

KELUARAN 34:9 ပူးပေါင်းရင်းမြစ်များ

MAZMUR 135:4

Ana hele Yakob ba'eneu Ndia, ma Ana tao hataholi Israel-la, da'di Ndia nuun.

MAZMUR 25:11

Manetualain, fe do'o do ampon neu au, nandaa no O hala hehelu-balatam-ma, nana au salang-nga ba'un-na seli.

MAZMUR 28:9

Soi-tefa-ma O anam-mala, ou Manetualain, ba'e-pala O hataholim-mala. Da'di sama leo manfoo esa ba'eneus, ma maneas losa dodoon-na.

MAZMUR 33:12

Maua-manalek ba'eneu leoina fo, ana manaku Manetualain da'di leo ndia Manetualain-na, maua-manalek ba'eneu hataholi fo Ana helen da'di Ndia nuun!

MAZMUR 78:62

Ana namanasa anan-nala, fo Ndia pusakan-na de Ana po'ilotak-kasa nanatao nisak nenik tafaina.

MAZMUR 94:14

Nana, neukose Manetualain ta la'oela anan-nala fa; ma Ana ta tapa heni pusakan-na fa.

KELUARAN 19:5

Besak ia, metema emi tunga Au, ma lilineka neu Au hehelu-balataang soona, neukose Au tao emi da'di Au anang mesang. Daebafak-ka lala'en-na nde been-na Au nuung, tehu neukose emi da'di Au ana susue-lalaing,

KELUARAN 32:9

Au bubuluk ae leoina ndia, nalanga batu nanseli

KELUARAN 33:12

Faik esa boema, Musa nafa'da Manetualain nae, “Manetualain, O paleta au hela-nole leoina ia leo nusak fo O heluk-ka. Tehu O ta mafa'da, neukose O madenu see kande mai fo ana tulu-fali au fa. Manetualain, O mafa'da mae O malelak au, ma au andaa o o dalem-ma.

KELUARAN 34:7

Au sue-lai lahele tititi-nonosi lifu-lifuk kala, ma manafe do'o do ampon neu salak ma sala-singok; tehu hataholi masalak-ka, Au ta soi-po'in makandondook neme huhukun-na mai fa, ma Au huku upu-anan losa bobongi ka telu ma ka haa boe, nanahu sila ina-aman, bei-ba'in sala-singon-nala.”

YESAYA 48:4

Au bubuluk, ae o dalem-ma natea, ta tunga paleta, ma langa batuk.

YEREMIA 10:16

Yakob etualain-na ta sama leo sosongo-tatangok ndia fa; Ndia manamakadada'dik basa hata lala'en-na. Na'den-na nde Manetualain Fo Manakoasa; Ndia nde hele Israel da'di Anan-nala.

MIKHA 7:18

Ta hapu Manetualain sama leo O fa, ou Manetualain, fo manafe do'o do ampon neu bei ela O hataholim nanahelek-kala, sala-singon. O ta mamanasas losa dodoon-na fa; nasafalin-na, O mamahoko matu'du O susue-lalaim fo too-lanen ta ndia.

ZAKHARIA 2:12

La'iesa seluk, neukose Yehuda da'di Manetualain nuu hehelin, nai daen fo malalao-malalafu ka, ma neukose Yerusalem da'di Ndia kotan, fo Ana sue-lai nan, ba'un-na seli.

BILANGAN 14:19

Manetualain, besak ia, hu kande O dale kasiam-ma ba'un-na seli, ma O lilineka neu O hehelum-ma, de au dokodoe, fe do'o do ampon neu hataholi ia-la, sala-singon-nala, sama leo O fe do'o do ampon neus, neme ala la'oela dae Masir-ra.”

MATEOS 28:20

Boema manolis, fo ala tao tunga basa hata fo Au paleta basan neu emi a. Ma mafandendelek te, neukose Au o ahele emi losa fai mate'e ka.”

ULANGAN 32:9

Tehu Yakob tititi-nonosin ia-la Manetualain heles da'di Ndia nuu Mesan.

ULANGAN 4:20

Tehu emi nde been-na, leoina fo nanasoi-tefak neme Masir mai, mamanak fo emi doi-doso manseli. Noo emi kalua meme nusak ndia mai, fo ela emi da'di Ndia leoinan, sama leo besak ia.

ULANGAN 9:18

Boema, au sene-do'ok la'iesa seluk, neu Manetualain neme letek-ka poin-na, nai lele'dok haahulu ma le'odaek haahulu dalen-na, ma au ta u'a-inu fa. Au tao leondiak, nanahu emi masala-masingo basa neu Manetualain, nenik emi tao hata fo mangalauk, nalosa Manetualain namanasa.

ULANGAN 9:26

de au hule-haladoi ae leo ia: Ou Manetualain, Fo Matua-madema, boso tao mamate-mamopo O anam fo, O soi-po'is ma O moos kalua leme Masir mai, nenik O be'i-balakaim, ma O koasa matuainam-ma.

ULANGAN 9:29

Tehu mafandendelek leona, Manetualain, te hataholi ia-la nde been-na, leoina fo O heles da'di O anam, de O moos leme Masir mai, nenik O be'i-balakaim, ma O koasa matuainam-ma.”