KELUARAN 34:24 - Susula Malalaok Hehelu Palak Ma Hehelu Beuk

²⁴ Metema Au usiheni leoinak-kala leme emi matam, ma Au tao amaloa emi nusam-ma soona, ta hapu hataholi esa boen napalani natona na emi nusam-ma, nai lelek emi meu tao Feta Loti Fo Ta Pake Laluteik, Feta Keketu-kokoluk ma Feta Lalaa Akidook-ka.

KELUARAN 34:24 ပူးပေါင်းရင်းမြစ်များ

KEJADIAN 15:18

Nai lelek ndia boe, Manetualain tao hehelu-balataak no Abram. Manetualain nae, “Au helu ae neukose, Au fe dae ia lala'en-na neu o tititi-nonosim, mulai neme too no nusa Masir-ra, losa Lee Efrat-ta,

KEJADIAN 35:5

Nai lelek Yakob no teidale-bobongin-nala la'o boema, Manetualain fe bibii-namata'uk-ka poti na laun manai kota-kota boboa-kaisun-nala, nalosa ala ta usi tunga Yakob no hataholin-nala fa.

1RAJA-RAJA 5:1

Hiram, fo mane Tirus sa tao tia-laik no Mane Dauk ka tataas esa. Lelek Hiram nama nene nae Salomo da'di manek nggati aman Dauk boema, anan-nadenu hataholi neu leo Salomo neu.

1 TAWARIKH 4:10

Tehu Yabes hule-haladoi neu Manetualain fo hataholi Israel-la sene-do'ok-ka nae, “Ou Manetualain, ba'e-pala au leona, ma sa'di leo been-na tao mamaloa au nusang-nga. Masulu-mahapa au, ma madook susa-soe neme au mai, fo ela au boso doi-doso.” Boema Manetualain sipok nonoken-na.

2TAWARIKH 17:10

Manetualain taon-na basa nusak manai Yehuda titia-tatain-nala bii latee-latati la'ban Manek Yosafat-ta.

AYUB 1:10

O masulu-mahapa uma isin-nala, ma su'i-beten lala'en-na tataas esa. O ba'e-pala ue-le'din, ma O fen bana-manu makadotok, dai soaneu ala tao lahenu nusak-ka lala'en-na.

MAZMUR 120:1

Nakamee dodonge-dadamak. Nai au susang-nga dalek, au aloo bou-bou neu Manetualain, de nataa au.

MAZMUR 78:55

Ana usi heni laun manai sila-la, nai anan-nala matan, boema Ana baba'e dae ndia, neu basa anan-nala, fo leo Israel-la, nalosa ala leo musu-a lalaa teman-nala.

MAZMUR 80:8

Ou Manetualain, Fo Manakoasa, tao mabebeu ami; mete ami no dale malole fo ela ami maso'da.

KELUARAN 33:2

Neukose Au adenu ata nusa so'dak esa hela-nole emi. Neukose Au usiheni leoina Kanaan, Amori, Het, Feris, Hewi ma Yebus.

KELUARAN 34:11

Emi muse tunga hoholo-lalanek fo faik ia Au fen neu emi. Neukose Au usiheni leoina Amori, Kanaan, Het, Feris, Hewi ma Yebus nai lelek emi tutulumatak.

AMSAL 16:7

Metema o mandaa moo Manetualain dalen-na soona, Ana tao o musum-mala da'di tia-laik.

IMAMAT 18:24

Boso tao manggenggeo o aoinam-ma nenik tatao-nono'ik sila-la, nana no enok ndia, leoina manaleo makahuluk neme emi nai Kanaan-na, ala tao langgenggeo aoinan-nala so. Hu ndia de, Manetualain usi henis, fo ela emi hapu leo nusak ndia.

HATAHOLI 18:10

Nana Au ok o. Ta hapu hataholi esa boen tao mangalauk neu o fa, nana Au hataholing makadotok nai kota ia dalek.”

ULANGAN 12:20

Metema, Manetualain tao namaloa basa emi nusam-ma, dae toon-nala, sama leo Ana helu basak-ka soona, emi bole mi'a paa, su'di bebe'ik-ka leona.

ULANGAN 16:16

Basa touk Israel-la, muse mai sene-do'ok neu emi Manetualaim-ma, nai Ana hele mamanak-ka, teuk esa soona, la'i telu, fo nde nai Feta Paskah, nai Feta Keketu-kokoluk, ma Feta Lalaa Akidook-ka. Basa hataholi-la, muse leni tunu-hotuk,

ULANGAN 19:8

Metema emi Manetualaim-ma, tao namaloa emi daem-ma, sama leo Ana helu basan neu emi bei-ba'i kaim-mala, boema Ana fe la'iesak nusak ndia, leo emi neu soona,

ULANGAN 7:1

“Neukose emi Manetualaim-ma no emi leo nusak fo, neukose emi leon-nana, ma neukose, Ana usi heni leoina makadotok-kala, leme nusak ndia dalek mai. Neukose, Ana usi heni leoina hitu, leme emi matam-ma mai, fo leoina sila-la, aon-nala ba'u lena emi, ma balakain-nala, lena heni emi boe, fo hataholi sila-la nde hataholi Het, Girgasi, Amori, Kanaan, Feris, Hewi ma Yebus.