KELUARAN 34:16 - Susula Malalaok Hehelu Palak Ma Hehelu Beuk

¹⁶ Metema emi anam-mala sao ina nusa dea soona, neukose inak sila-la fufu'di-oo'dok-kasa soaneu ala la'oela Au fo ala sene-do'ok neu sila lamatuan-nala.

KELUARAN 34:16 ပူးပေါင်းရင်းမြစ်များ

KEJADIAN 24:3

Fo soo-supa menik Amak, Manetualain, fo manakoasa lalai ma daebafak-ka, mae neukose o ta sanga fe au anang Isak, saoinak nai basa hataholi manai dae Kanaan ia-la fa.

1RAJA-RAJA 11:1

Mane Salomo-a nahiik no anafe'ok anak nusa dea makadotok. Fe'ek neme mane Masir-ra anafe'on-na, Salomo kabing no ina Het, Moab, Amon, Edom-ma Sidon nala boe.

1RAJA-RAJA 21:25

Beita hapu hataholi fo nakikisak dalen-na ana tao nita tatao-nono'i mangalauk nai Manetualain mata memeten-na, sama leo hata fo Ahab tao-no'i nana fa. Ana tao basa tatao-nono'i mangalauk sila-la no saoinan Izebel fufu'di-oo'don-na.

2TAWARIKH 21:11

Lena-lenak, ana napadedeik mamana sosongo-tatangok nai Yehuda nggolo letelepa-na, de ana taon-na Yehuda ma Yerusalem laun-nala lasala-lasingo neu Manetualain.

EZRA 9:12

Nabi sila-la kena-ka'i ami, fo boso sao sese'do-babalik moo hataholi sila-la, do tulu-falis, fo lamasu'i-lakabete, ma so'da-molek. Metema, ami tunga soona, neukose ami da'di balakaik, ma ami mi'a mita dae ndia buna-boan, boema ami ba'e-bati elan, neu ami tititi-nonosim, losa dodoon-na.

EZRA 9:2

Hataholi Yahudi-la, ana toun-nala sao ina leoina fe'ek anafe'on-nala, nalosa Manetualain ana hehelin-nala, ta neuisik so'on. Lena-lenak manatao nakahuluk tataos ndia, nde basa lasi ha'dak-kala, ma manapaleta Israel-lala.

NEHEMIA 10:30

Ami soo-supa soaneu ta saoana sese'do-babalik moo leoina nusa dea fo manaleo nai ami nusam-ma.

NEHEMIA 10:31

Metema hapu leoina nusa dea fo nase'o gandum do su'di bua-lo'a beek ndia neu ami nai fai Sabat-ta, do fai malalao-malalafu fe'ek soona, neukose ami ta asa fa. Neu tunga-tunga teu ka hitun-na, neukose ami ta tao tina do neukose ami ta la'ok hutak fa.

NEHEMIA 13:23

Nai tepo-lelek ndia, au ita hataholi Yahudi ba'uk-ka, ala sao inak-kala leme leoina Asdod, Amon ma Moab mai boe.

NEHEMIA 13:25

Au fes nasanene'dak ma au soo-supas. Au fepa-li'u nggelok ma au sisii-lulu'i langadoon-nala. Basa boema, au adenus ala soo lenik Manetualain na'den-na lae sila ma sila anan-nala, neukose ta saoana sese'do-babalik so'on.

MAZMUR 106:39

Hu kande tatao-nono'ik ndia, de ala da'di langgenggeo, ma ala ta lilineka neu Manetualain fa.

HOSEA 1:2

Lelek Manetualain, Ana kokolak makasososan-na no leoina Israel-la tunga au, Manetualain nafa'da nae, “Hosea, sao-ma ina manasosoa-piaok esa, fo neukose o anam-mala, ala da'di sama leo ndia boe. Au anang-ngala sama leo o saoinam ndia, nanahu ala ta lilineka neu Au fa, ma ala la'oela Au so.”

IMAMAT 21:15

Metema, ana la'olena nakanenetek sila-la, soona anan fo tunga ndoon-na malalao-malalafuk-ka, neukose langgenggeo. Au nde Manetualain, de Au hele hehelik basa ndia da'di leo imam matuaina so.”

YOSUA 23:12

Metema, emi ta lilineka, ma emi sese'do-babalik moo leoina fo ala bei leo lai emi tala'da, boema emi taos da'di emi saom soona,

YOSUA 23:13

mafandendelek te, tao leo bee-o, emi Manetualaim-ma, neukose ta usi heni leoina sila soaneu emi so'on. Nasafalin-na, neukose leni bibii-namata'uk nanseli soaneu emi, nana neukose sila da'di sama leo hihi'ik, do sama leo meo o, soaneu emi. Sila boeo, neukose tao-la emi doi-doso manseli; nana neukose ala da'di sama leo ue-a nai emi muliha'im-ma, do sama leo nggauk-ka nai emi matam dale. Neukose, emi doi-doso makandoo, losa ta ela emi hataholim esa boen, nai emi Manetualaim-ma, fe emi nusak malole ia dalek fa.

HAKIM-HAKIM 14:3

Tehu ina-aman lae, “Tao le'e de, muse teu leo hataholi Filistin-na teu, ka'da soaneu hapu saoinak, te se'kona, Manetualain anan ta sila fa? Ade, ta hapu anafe'oanak fo nandaa, nai ita leo-ingu, do nai basa ita leoinan-na lala'en-na dalek fa do?” Boema Simson nataa aman nae, “Tehu, au hiik-kande, anafe'oana Filistin ndia dei. De au amahena, ama nau neu a'du fen leo au mai.”

HAKIM-HAKIM 3:5

Hu ndia de, hataholi Kanaan, Het, Amori, Feris, Hewi ma Yebus-sala, ala leo lahele, sama-sama loo hataholi Israel-la, nai nusak ndia.

HAKIM-HAKIM 3:6

Hataholi Israel-la, saoana sese'do-babalik loo leoina sila-la, ma ala tunga sene-do'ok hataholi sila lamatua daebafan-nala.

HAKIM-HAKIM 8:27

Neme lilopilas sila-la mai, de Gideon tao-na dodoki-dudula sosongok esa, de napadedeik-kana nai nggolon-na, fo nai Ofra. Basa hataholi Israel-la leu leo naa leu, fo ala sene-do'ok neu dodoki-dudulak sosongok ndia, nalosa ala ta taoafik neu Manetualain so'on. De dede'ak ndia, ana da'di, sama leo hihi'ik esa, ba'eneu Gideon ma teidalen-nala.