KELUARAN 34:1 - Susula Malalaok Hehelu Palak Ma Hehelu Beuk

¹ Basa boema, Manetualain nafa'da Musa nae, “Pa'a ma batu bebelak dua sama leo batu makahuluk-ka. Nai batu ka duak sila-la, neukose Au sulak dede'a-kokolak fo sama no manai batu fo o tao maba'ek sila-la.

KELUARAN 34:1 ပူးပေါင်းရင်းမြစ်များ

MAZMUR 119:89

Manetualain, O dede'a-kokolam, matea-mahelek losa dodoon-na, manaketu-basa tak, losa dodoon-na nai nusa so'dak-ka.

KELUARAN 24:12

Basa boema, Manetualain nafa'da Musa nae, “Mai leo Au mai, nai letek lain. Nai ndia, neukose Au fe o batu dua, Au sulak basa Au hoholo-lalaneng-ngala nai dalek. Basa hoholo-lalanek sila-la, da'di nanolik ba'eneu leoina ndia.”

KELUARAN 31:18

Manetualain kokolak basa no Musa nai Letek Sinai lain boema, Ana fen batu bebelak dua, fo Manetualain sulak paletan-nala nai dalek.

KELUARAN 32:16

Manetualain mesak-kana nde tao batu ndia, de Ana doki-dulak paletan-nala nai ndia.

KELUARAN 32:19

Lelek Musa deka no mamana ofu ndia boema, nita sapi lilopilas ndia, ma hataholi-la foti-longe, boema namanasa. Nai ndia boe, fo nai letek ndia huun-na, Musa pesi batu fo nenik ndia neu dae lain, nalosa lutu-lutu.

KELUARAN 34:28

Musa leo no Manetualain nai ndia, lele'dok 40, le'odaek 40, ma nai lelek ndia, ta na'a-ninu fa. Hehelu-balataak ndia isin-na nde, Manetualain Paletak-ka 10n-na, fo nanasulak nai batu bebelak ndia lain.

KELUARAN 34:4

Boema Musa pa'a-na batu bebelak dua seluk, de balahaa fafaianak nanseli boema, ana ho'i nenis de ana kae leo Letek Sinai lain neu, sama leo Manetualain paleta neun.

YEREMIA 36:32

Boema au ho'i-a susulak nanalunuk beuk-ka de au fen neu Barukh fo au manasulang-nga. Boema ana sulak basa hata fo au afa'dak neun nana, fo nde susulak nanalunuk makasososak-ka isin-na, ma tama seluk hehelu-hoholo fe'ek de'ubee saman-na lediak boe.

ULANGAN 4:13

Ana po'a-benga neu emi, neme naa mai, la'eneu hata fo emi muse tao-no'in, soaneu emi tao matetu hehelu-balatak fo Ana taon no emi-a. Ana sulak basa Paleta ka 10-kala, neu batu lei ka duak-kala lain ndia, emi muse tao tungan.