KELUARAN 33:14 - Susula Malalaok Hehelu Palak Ma Hehelu Beuk

¹⁴ Manetualain nae, “Neukose Au asulu-ahapa o, ma Au fe o tetu-temak.”

KELUARAN 33:14 ပူးပေါင်းရင်းမြစ်များ

AYUB 34:29

Metema Manetualain ho'i nakeketuk fo denge-denge soona, ta hapu esa boen napalani nakamulu-nakadaun. Metema Ana nafuni mata panan soona, ta esa nitan boen.

MAZMUR 95:11

Boema Au soo-supa nai Au nasa-melung dale ae, neukose ala ta masok leo, nusak ndia dalek leu fa, fo ala hahaeaon-nala, sama-sama loo Au.”

KELUARAN 13:21

Nai fai lele'don-na, Manetualain la'ok nai uluk, fo nai dii ko'as dale, ma nai fai le'odaen-na, Ana la'ok nakahuluk-kasa nai dii ha'ik dale, fo natu'du enok-ka. No enok ndia, ala hapu la'ok lele'do le'odaen.

KELUARAN 3:12

Manetualain nataa nae, “Neukose, Au tulu-fali o. Ma metema o moo leoina ndia kalua neme Masir mai soona, neukose emi sene-do'ok neu Au nai letek ia. Ndia da'di buti, nae Au adenu o.”

YESAYA 63:9

Ndia mesak-kana, nde lu'a-lepa sila toto'a-tataan-na. Manetualain ta haitua hataholi nadedenuk, do lima boboa konan-na fa; Ndia mesak-kana, nde soi-po'is-sala, nanahu susue-lalain, ma dalek-kasian-na. Ana nakabobois tataas esa, neme makahulun eli mai.

YEREMIA 31:2

Au atu'du Au susue-lalaing neu sila fo mananala deak neme mamates-sa mai nai mook-solokaek-ka. Lelek fo Israel sanga dale manatesa-tamak-ka.

YEREMIA 6:16

Manetualain nafa'da anan-nala nae, “Mapadeik meu eno kaba'ek-kala, fo taoafik matalolole! Matane eno-enok makahulun eli-la, fo enok sila-la, beek-ka nde malole. Soona tunga enok ndia leona, fo ela emi maso'da no nee-nee lino-linok.” Tehu lafa'da lae, “Ta, ami ta nau tunga enok ndia fa!”

DANIAL 12:13

O Danial, lilineka mahele losa mate'en-na. Neukose mate o, tehu neukose o maso'da falik soaneu sipo o ngga'dim-ma nai tepo-lelek mate'ek-ka.”

MATEOS 11:28

Mai leo Au mai leona, emi fo mana sota-mangu kala, ma mana lu'a-lepa mabela la lemin; neukose Au fe emi namahoko-sete leek.

MATEOS 28:20

Boema manolis, fo ala tao tunga basa hata fo Au paleta basan neu emi a. Ma mafandendelek te, neukose Au o ahele emi losa fai mate'e ka.”

ULANGAN 12:10

Emi lena basa Lee Yarden-na soona, neukose emi Manetualaim-ma tulu-fali emi, fo emi mangatuu ma emi leo dae manai lee ndia selik. Neukose, nasulu-nahapa emi nemi, neme musu lala'en-na mai, fo neukose emi maso'da no nee-nee lino-linok ma tetu-temak.

ULANGAN 25:19

Hu ndia de, metema emi Manetualaim-ma fe nusak ndia neu emi, fo emi leo no nee-nee-lino-linok, nanahu emi musum manai emi titia-tataim-mala, ala ta latee-latati loo emi so'on soona, emi muse taomisa la'iesak hataholi Amalek sila-la, boso ela esa boen, fo ela mopo na'den-nala, nai daebafak-ka ia poin-na. Boso mafandele henin!”

ULANGAN 3:20

Tulu-fali hataholi fo emi leoina esa, losa langatuu-la dae fo emi Manetualaim-ma fen leo sila neu, fo nde dae manai Lee Yarden-na boboan muli, ma losa Manetualain fes laso'da no mole-dame nai naa, sama leo Ana fe emi maso'da no mole-dame nai ia boe. Basa ndia soona, besak-ka emi bole fali me'um-ma leo emi dae pusakam fo au fe emi-ka.

ULANGAN 31:8

O manahela-nolem ma manatulu-falim nde Manetualain. Neukose, Ana ta tao ba'ihana o dalem-ma, ma Ana ta la'oela o fa. Hu ndia de, boso bii-mamata'u, ma dalem-ma boso ba'ihana.”

ULANGAN 4:37

Nanahu, Ana sue-lai emi bei-ba'i kaim-mala, de Ana hele basa emi, nenik koasa matuainan-na, ma noo emi kalua meme Masir mai so.

YOSUA 1:5

Ta hapu hataholi esa boen, neukose bisa sengi o fa Yosua, nai o fai maso'dam-ma dalek. Nana neukose Au nai o boboam-ma tataas esa, sama leo makahulun-na, Au nai Musa boboan-na. Neukose, Au ta la'oela o fa.

YOSUA 21:44

Boema nandaa no Manetualain helun neu sila bei-ba'i kain-nala, de nusak ndia nee-nee lino-linok, nanahu Manetualain nasulu-nahapan. Musu-musun-nala, ta hapu esa boen hapu la'ban-nana fa, nana Manetualain fe hataholi Israel-la sengi basa musun-nala.

YOSUA 22:4

Hu ndia de, nandaa no hehelu-balataan, de Manetualain fo emi Manetualaim-ma, fe basa nee-nee lino-linok-ka neu emi tolanoom-mala, ma hataholi Israel fe'ek-kala so. Da'di, besak ia, fali me'um-ma leo makahulun-na Musa fe emi nusak manai Lee Yarden-na boboan dulu ndia meu.

YOSUA 23:1

Doon-na seli, nai lelek Manetualain fe hataholi Israel-la nee-nee lino linok; boema musu-a ta fes nasanene'dak mahelek so'on. Nai lelek ndia Yosua namalasi nanseli so.