KELUARAN 33:13 - Susula Malalaok Hehelu Palak Ma Hehelu Beuk

¹³ Metema leondiak soona, ela leo been-na mafa'da O dale tutu'um-ma beek, Manetualain, fo ela au hapu alalau-aoono O, ma au andaa o O dalem-ma tataasesa. Boeo mafandendelek mae O hele basa leoina ia da'di O nuum so.”

KELUARAN 33:13 ပူးပေါင်းရင်းမြစ်များ

2 SEMUEL 15:25

Boema, manek-ka nafa'da Zadok nae, “Meni falik Peti Hehelu-balataak ndia leo kota dale neu. Metema, Manetualain sue-lai au soona, tao leo bee-o, neukose Ana po'i au fali, fo au ita seluk Peti Hehelu-balataak ndia, sama-sama no mamanan leleon-na.

MAZMUR 103:7

Ana nafa'da dale tutu'un-na neu Musa, ma tatao-nono'in, neu leoina Israel-la.

MAZMUR 119:33

Ou Manetualain, manoli au, O nakeketum-mala, sosoa-ndandaan, fo ela au tungan losa mate'en-na.

MAZMUR 25:4

Matu'du O hihii-nanaum neu au, ou Manetualain, mafa'da hata fo au muse taon.

MAZMUR 27:11

Matu'du au, O hihii-nanaum, ou Manetualain, hela-nole au, leo eno ndoos-sa neu, nana au musung-ngala makadotok nanseli.

MAZMUR 51:13

Boso tu'u-tapa heni au neme O matam-ma mai, ma boso ho'i falik O dula dale malalao-malalafum-ma neme au mai.

MAZMUR 86:11

Ou Manetualain, manoli O hihii-nanaum neu au, fo ela au tungan no lilinekak; taom-ma au fe ha'da-holomata neu O, no dale katematuak.

KELUARAN 3:10

Besak ia Au adenu o, fo muu leo mane Masir-ra muu, fo ela o mauli-malanga Au leoinang-nga, kalua neme nusak ndia mai.”

KELUARAN 3:7

Boema, Manetualain, nafa'da nae, “Au ita basa Au anang manai Masir-rala doi-doson, ma Au amanene basa, ala nggasi loke soi-po'is leme hataholi fo manatuni-ndenis-sala. Te'e-te'e, Au bubuluk sila doi-doson lala'en-na.

KELUARAN 32:12

Metema O tao mamate-mamopos soona, neukose hataholi Masir-rala lafa'da lae O mauli-malanga leoina ndia kalua leme Masir mai, soaneu taomisas lai letelepak-kala ma tao mamate-mamopo makandondook-kasa. Boso tao leondiak, ou Manetualain, dodoo masafali o dalem-ma, fo boso tao soe leoina ndia.

KELUARAN 32:14

Boema Manetualain dodoo nasafali dalen-na, de Ana ta da'di huku leoina ndia nenik susa-soe fa.

KELUARAN 32:7

Boema Manetualain nafa'da Musa nae, “Kona lai-lai, nana o leoinam fo o hela-noles kalua leme Masir mai-a, ala tao tatao-nono'i mangalauk so.

KELUARAN 34:9

Nafa'da nae, “Manetualain, metema te'e-te'e au andaa o O dalem-ma soona, au dokodoe, ela leo been-na Manetualain tunga moo ami. Memak leoina ndia langa batuk, tehu fe do'o do ampon neu ami tatao-nono'i mangalaum-ma, ma ami sala-singom, ma sipok-ma ami, da'dileo O ana mesam.”

KELUARAN 5:1

Basa boema, Musa no Harun leu leo manek Masir-ra leu, de lafa'dan lae, “Manetualain, fo Israel Manetualain-na, Ana fe paleta nae leo ia, ‘Po'i Au leoinang-nga, fo ela leu sene-do'ok neu Au nai mook solokaek-ka.’ ”

YESAYA 30:21

Metema, emi singo heni enok-ka soona, neukose emi mamanene halan-na, neme emi deam-ma mai, nae, “Enok-ka nde ia; tunga enok ia leona.”

YESAYA 63:17

Ou Manetualain, tao le'e de, O po'ilotak ami, matofa-matalak? Tao le'e de, O tao matea ami dalem-ma, nalosa ami ta bii-mamata'u neu O fa? Hu kande, O atam-mala, ma hu kande O anam fo, O pusakam-ma, fali ma'im-ma leona.

YESAYA 63:19

O tao ami nono'kabai, O beita koasa hai ami fa; nono'kabai, ami beita da'di hai, O anam fa.

YOEL 2:17

Madenu basa imam fo lalalau-laoono Manetualain, fo ala kii nai mei tunu-hotuk ma uma so'dan manai muka, tala'da, boema lafa'da lae, “Sue-lai O anam-mala, ou Manetualain; boso po'ilotak, lakamuu-lakadau O hata-hetom.” Nalosa leoina fe'ek-kala kokolak holo ma lafa'da lae, “Sila Manetualain nai bee?”

YOHANIS 17:3

Ndia nde maso'da matetu ka ma manaketu basa ta ka, fo ela hataholi la lalelak Ama ka nde Manetualain, fo mesa-mesa kana nde ndo sa, ma lalelak Yesus Kristus nde bee na, Ama ka nde nadenu nana.

ROMA 11:28

Hu ka nde hataholi Yahudi a, ta nau sipok Manetualain Hala Malole na fa de, ala dadi Manetualain musu noo nala; fo dede'ak ndia nini nanalak esa fe emi hataholi ta Yahudi la. Te hu ka nde Manetualain nde hele a de, Ana sue-lai nahele hataholi Yahudi sila la, hu sila bei-ba'ikai nala.

EFESUS 1:17

Au dokodoe, fo ela Manetualain, Amak fo mandela-masa'ak, ma ita Lamatuan Manetualain, fo nde Yesus Kristus, Ana fe Dula dale na neu emi. Neukose Dula Dalek ndia, Ana tao na emi da'di hataholi manatee tenok ma neukose natu'du Manetualain neu emi, fo daenga emi malela kana.

ULANGAN 9:26

de au hule-haladoi ae leo ia: Ou Manetualain, Fo Matua-madema, boso tao mamate-mamopo O anam fo, O soi-po'is ma O moos kalua leme Masir mai, nenik O be'i-balakaim, ma O koasa matuainam-ma.

ULANGAN 9:29

Tehu mafandendelek leona, Manetualain, te hataholi ia-la nde been-na, leoina fo O heles da'di O anam, de O moos leme Masir mai, nenik O be'i-balakaim, ma O koasa matuainam-ma.”

KOLOSE 1:10

No enok leondia ka, de besa ka emi hapu maso'da tunga Manetualain hihii-nanaun, boema tao ma dale na namahoko tataas esa, nalosa nai basa dede'ak lala'e na dalek, emi hapu mabuna-maboa tatao-nono'i malole. Boema emi boe tai malelak Manetualain.

2 PETRUS 3:18

Ela leo bee na, Lamatuak Yesus Kristus, ma ita Mane Mana Soi-Tefa na, Ana fe baba'e-babatin neu emi, fo ela emi boetai malela kana. Koa-kion, neme besak ia, losa dodoo na! Amin. Ha'da-holomata neme ami, Petrus