KELUARAN 33:12 - Susula Malalaok Hehelu Palak Ma Hehelu Beuk

¹² Faik esa boema, Musa nafa'da Manetualain nae, “Manetualain, O paleta au hela-nole leoina ia leo nusak fo O heluk-ka. Tehu O ta mafa'da, neukose O madenu see kande mai fo ana tulu-fali au fa. Manetualain, O mafa'da mae O malelak au, ma au andaa o o dalem-ma.

KELUARAN 33:12 ပူးပေါင်းရင်းမြစ်များ

KEJADIAN 18:19

Au hele basa ndia so, fo ela ana paleta anan-nala, fo ala tunga Au, ma ala tao hata fo malole, ma tunga ndoos ma matetuk-ka. Metema ala tao tunga ndia soona, neukose Au tao atetu Au hehelu-balataang neu Abraham-ma.”

2 SEMUEL 15:25

Boema, manek-ka nafa'da Zadok nae, “Meni falik Peti Hehelu-balataak ndia leo kota dale neu. Metema, Manetualain sue-lai au soona, tao leo bee-o, neukose Ana po'i au fali, fo au ita seluk Peti Hehelu-balataak ndia, sama-sama no mamanan leleon-na.

MAZMUR 1:6

Nana Manetualain hela-nole, ma nasulu-nahapa hataholi manatungak-ka, tehu hataholi mangalauk-ka, neu leo mamate-momopok-ka neu.

KELUARAN 3:10

Besak ia Au adenu o, fo muu leo mane Masir-ra muu, fo ela o mauli-malanga Au leoinang-nga, kalua neme nusak ndia mai.”

KELUARAN 3:4

Manetualain, nita Musa neu deka no mamanak ndia, boema naloo bou-bou neme makatemak ndia tala'da mai, ma nae, “Musa! Musa!” Boema, Musa nataa nae, “Au nde ia.”

KELUARAN 32:34

Besak ia, muu leona, fo moo hataholi sila-la leo mamanak fo Au afa'da basan neu o so. Neukose Au ata nusa so'dang-nga hela nole o, tehu neukose fain-na losa soaneu Au huku hataholi sila nanahu sala-singon-nala.”

KELUARAN 33:1

Boema Manetualain nafa'da Musa nae, “La'oela mamanak ia fo la'o sama-sama moo leoina fo o moos leme Masir leo nusak fo Au helu basan neu Abraham, Isak ma Yakob boema tititi-nonosin-nala.

KELUARAN 33:17

Manetualain nafa'da Musa nae, “Neukose Au tao atetu o nonokem-ma, nana Au alelak o, ma Au daleng-nga nandaa no o.”

KELUARAN 33:2

Neukose Au adenu ata nusa so'dak esa hela-nole emi. Neukose Au usiheni leoina Kanaan, Amori, Het, Feris, Hewi ma Yebus.

KELUARAN 34:9

Nafa'da nae, “Manetualain, metema te'e-te'e au andaa o O dalem-ma soona, au dokodoe, ela leo been-na Manetualain tunga moo ami. Memak leoina ndia langa batuk, tehu fe do'o do ampon neu ami tatao-nono'i mangalaum-ma, ma ami sala-singom, ma sipok-ma ami, da'dileo O ana mesam.”

YESAYA 43:1

Israel, Manetualain nafa'da nae leo ia, “Au nde akadada'dik, ma Au tao-ala o manuu lupak, boso bii, te tao leo bee-o, Au soi-tefa ala o! Au aloo basa o, nenik o na'dem-ma so, o nde been-na, Au nuung.

YESAYA 45:3

Boema neukose Au fe o su'i-betes fo, nananafunik-ka, fo ela o bubuluk, Au nde Amak, fo Israel Manetualain, fo naloo basa o, nenik o na'dem-ma,

YEREMIA 1:5

“Au beita fe o lupa-aok nai o inam tein dale fa, ma beita bongi o fa te, Au hele ma Au so'u basa o, soaneu da'di nabi ba'eneu leoina-kala.”

HAGAI 2:5

Lelek emi kalua meme Masir mai-a, Au aheluk basa ae neukose, Au asulu-ahapa ahele emi. Ma besak ia boeo, Au bei asulu-ahapa emi. Da'di ta palu emi bii-mamata'u fa.

2 TIMOTIUS 2:19

Tehu batu netes fo Manetualain nafofo'a ka, matea-mahelek, ta hapu hataholi nanggenggengok nala fan. Nanasulak nai batu netes ndia lain nae, “Lamatua ka nalelak Ndia hataholi nala,” boema “Hataholi fo nafa'da nae, Lamatua ka hataholin ndia, soona hataholi ndia, muse ana hahae tao-no'i tatao-nono'i masalak.”