KELUARAN 32:9 - Susula Malalaok Hehelu Palak Ma Hehelu Beuk

⁹ Au bubuluk ae leoina ndia, nalanga batu nanseli

KELUARAN 32:9 ပူးပေါင်းရင်းမြစ်များ

2RAJA-RAJA 17:14

Tehu, Israel ma Yehuda, ta nau lamanene fa. Lalanga batu, sama leo sila bei-ba'ikain-nala, fo ta lemahele neu sila Manetualain fa.

2TAWARIKH 30:8

Boso malanga batu sama leo sila, tehu tunga neu Manetualain. Mai leo Yerusalem mai, leo Manetualain Uman fo emi Manetualain hele heheli basan ba'eneu Ndia mesak-kana losa dodoon-na. Mai fo sene-do'ok neun fo ela nasan-na tenak soaneu emi.

NEHEMIA 9:16

Tehu ami bei-ba'i kaim koao-ndaeao ma latea dalen-nala; ala ta tao tunga O paletam-mala fa.

NEHEMIA 9:17

Ala ta tunga fa, lafandele heni O dale malolem lala'en-na, ma lafandele heni basa O tatao-nono'i manada'di beum-mala. No koao-ndaeaok, ala hele mauli-malangan esa, fo nos leo Masir leu fo da'di ata seluk. Tehu O Manetualain fo nau fe do'o do ampon, hahae naluk, dale malole ma manasue laik. O susue-lalaim, tete'ek-ka ba'un-na seli; O ta la'o ela fas.

MAZMUR 78:8

fo ela sila boso sama leo sila bei-ba'i kain-nala fo ala hii lalena langa-lasa'ba soo, ma manamalelesik; bobongik fo namahehelen-na, ta matea-mahelek, ma ta lilineka leu Manetualain fa.

KELUARAN 33:3

Emi la'ok masale leo dae kamasu'i-makabetek ma maisi-mamina meu. Tehu Au ta tunga emi fa, fo ela Au boso tao amopo-amate emi nai eno tala'dak, nana emi nde been-na leoina langa batuk.”

KELUARAN 34:9

Nafa'da nae, “Manetualain, metema te'e-te'e au andaa o O dalem-ma soona, au dokodoe, ela leo been-na Manetualain tunga moo ami. Memak leoina ndia langa batuk, tehu fe do'o do ampon neu ami tatao-nono'i mangalaum-ma, ma ami sala-singom, ma sipok-ma ami, da'dileo O ana mesam.”

AMSAL 29:1

Metema nanoli-nafa'da see, fo ana la'ban nakandoo soona, neu faik esa te, neukose nakalulutuk, fo ta bisa tao matalololen fa.

YESAYA 48:4

Au bubuluk, ae o dalem-ma natea, ta tunga paleta, ma langa batuk.

YEREMIA 13:27

Au ita basa emi tao-no'i dede'ak-dede'ak fo Au ta hii fan. Au ita basa emi tunga lamaua daebafak fe'ek-kala nai pupukuk-kala ma nai tina-osi-la, sama leo hataholi touk-kala lamula hataholi saoinan, do sama leo ndala mane-a asa sasaon-naneu ndala ina. Yerusalem Laun-nala lemin, soe ba'eneu emi! Neukose faihi'da de fo emi matapo'i neme basa mangalauk-kala mai?”

HOSEA 6:10

Au ita hata esa nai Israel, neni bibii-namata'uk fo nde: Au anang-ngala tao langgenggeo aoinan-nala nenik sosongo-tatangok.

BILANGAN 14:11

Manetualain nafa'da Musa nae, “Hataholi ia-la, la'ban Au losa faihi'da? Losa faihi'da seluk bai, fo hataholi ia-la ta nau lamahele Au fa, leomae Au tao basa manada'di beuk makadotok nanseli, nai sila matan so?

HATAHOLI 7:51

Tolanoo kala langa batu manseli, ma tea na seli soaneu emi tunga Manetualain! Emi di'idoo mala pake nanseli neu Manetualain dede'a-kokolan! Emi mo emi bei ba'ikai mala matak esa! Emi la'ban Manetualain Dula Dale na tataas esa!

ULANGAN 10:16

Da'di, mulai neme hatematak ia mai, emi muse tunga neu Manetualain ma boso boe malangabatu seluk bai.

ULANGAN 31:27

Au bubuluk, ala langa batu lanseli, ma ala nau lena-la'ban paleta. Au bei aso'da ia boeo, ala lena-la'ban Manetualain; mu'da hata no, mahani te, au mate bai!

ULANGAN 9:13

Manetualain boeo, nafa'da au nae, ‘Au bubuluk leoina ndia, langabatu lanseli.

ULANGAN 9:6

Emi ia, te'e-te'e leoina langabatuk, da'di, fo ela emi bubuluk leona, te ta hu kande emi tatao-nono'i malolem-ma, de emi Manetualaim-ma fe nusak fo maoe-maisik ndia leo emi neu, fo emi mangatuu-man.