KELUARAN 32:8 - Susula Malalaok Hehelu Palak Ma Hehelu Beuk

⁸ Ala la'ok sala leme Au paletang-ngala mai so. Ala tao sapi nanadoki-dulak neme lilopilas nananatanoek-ka mai, boema ala sene-do'ok neun ma ala tunu-hotu fen tutunu-hohotuk. Lafa'da lae, ndia nde sila-lamatuan fo mana no sila kalua leme Masir mai.

KELUARAN 32:8 ပူးပေါင်းရင်းမြစ်များ

1RAJA-RAJA 12:28

Ana tai dodoo basa dede'ak ndia boema, ana tao na sapi lilopilas nanadoki-dulak dua, boema nafa'da laun-na nae, “Leoina Israel-la lemin! Dook-ka nanseli so, emi meu leo Yerusalem meu fo hule-haladoi. Mulai neme besak ia mai buas ia-la nde da'di emi lamatuam fo no emi kalua meme Masir mai!”

NEHEMIA 9:18

Ala tao sosongo-tatangok sama leo sapi-a. Boema lafa'da lae, ‘Emi Manetualaim-ma nde ia, fo no emi neme Masir.’ Ou Manetualain, lakamumulu-lakamamaek-ka nde O mesam-ma!

MAZMUR 106:19

Ala tao sapiana lilopilas-sa neme Lete Sinai-a, de ala sene-do'ok neu, dodoki-dudula nanapolik ndia.

MAZMUR 78:36

Tehu ala ke'di-la, Manetualain, nana sila hala-kokolan-nala ka'da masapepeko-masandandalik mesan.

KELUARAN 20:23

Boso tao dodoki-dudulak lilofulak do lilopilas, fo sene-do'ok neun, te emi muse sene-do'ok ka'da neu Au mesang-nga.

KELUARAN 22:20

See tunu-hotu tutunu-hohotuk fe lamatua fe'ek-kala, ta'da fe'e ana tunu-hotu fe Au, fo Manetualain soona, muse hukunisan.

KELUARAN 32:4

Harun ho'in-na lolo'ek sila-la de natanoes boema ana di'an leo mamana dodoki-dudulak esa dalek neu, de ana taon-na sapi nanadoki-dulak esa. Leoina ndia nafa'da nae, “Hai Israel, Ita lamatuan fo manahela-nole ita kalua teme Masir mai-a, nde ia!”

KELUARAN 34:15

Boso tao hehelu-balataak moo nusak ndia leoinan-nala, nana nai lelek ala sene-do'ok fo fe tutunu-hohotuk neu sila-lamatuan-nala soona, neukose ala leleko emi, fo emi tunga.

YESAYA 46:6

Hataholi-a ana buka tas doin-na, fo ana poli lilopilan-na, boema ana tai lilofulan-na, nenik tatais. Ana se'ba-bae tuka lilopilas-sa, fo ana tao dodoki-dudula sosongo-tatangok, boema, ana sene-do'ok neu, ana taon-na dodoki-dudulak-ka.

YEREMIA 31:32

Tehu nakeketuk ndia ta sama leo Au tao nakeketuk neu sila bei ba'ikai manamaten-nala nai lelek Au lea-nole fali kasa kalua leme Masir mai-a. Leomae Au sama leo Sao touk ba'eneu sila, tehu ala lilii-babau Au hehelu-balatang neu sila.

IMAMAT 17:7

Leoina Israel-la, muse lilineka lahele neu Manetualain, ma ta bole do'do bana nai tina-la dalek makandondook so'on, soaneu tunu-hotu fe nitu mangalauk-kala. Muse tunga nakanenetek sila-la, losa dodoon-na.

ULANGAN 32:17

Ala tunu-hotu tutunu-hohotuk fe dula dale mangalauk-kala fo Manetualain ta nde ndia fa, neu lamatua daebafak fo, ala ta lalelak-kana fa, lamatua daebafak beuk fo, sila bei-ba'i kain-nala ta bii-lamata'u fas.

ULANGAN 9:12

Boema, Manetualain nafa'da au nae, ‘Kona lai-lai leona, nana o leoinam fo o moos kalua leme Masir mai-a, ala tao tatao-nono'i mangalauk so. Ala ta tunga Au paletang-ngala so'on, de ala tao dodoki-dudulak fo, ala sene-do'ok neun.’

ULANGAN 9:16

Boema au mete te, emi la'olena emi Manetualaim-ma paletan-na so. Emi masala-masingo basa neu Manetualain so, nanahu emi taom-ma, sapi nanadoki-dulak esa neme liti-a mai.

YOSUA 22:15

Boema, ala losa leo Ruben, Gad ma leo Manasye manai nusa Gilead-ta, mamanan-na.

HAKIM-HAKIM 2:17

Tehu, ala ta lafaduli mauli-malangan sila-la fa. Ala sene-do'ok neu lamatua fe'ek-kala, ma ala ta liineka neu Manetualain fa. Ala ta tunga bei-ba'i kain-nala ha'da-tataon, fo manatunga Manetualain paletan-nala fa.

HAKIM-HAKIM 8:24

Tehu basa boema, Gideon nafa'da seluk nae, “Au nonokeng ka'da esa; ela leo been-na, emi fe la'iesak lolo'ek fo emi matona-malas neme musu-a mai, leo au mai.” (Hataholi Midian-nala biasa pake lolo'e lilopilas; sama-na leo hataholi fe'e-fe'ek fo manaleo nai moo solokaek-ka boe.)