KELUARAN 32:6 - Susula Malalaok Hehelu Palak Ma Hehelu Beuk

⁶ Balahaa fafaianak te, hataholi Israel-la leni bana de'ubee soaneu tutunu-hohotu nanatunuk, ma de'ubee seluk soaneu tutunu-hohotu mole-dame. Langatuuk de la'a ma linu mafuk, boema ala fo'a de ala dole dasa.

KELUARAN 32:6 ပူးပေါင်းရင်းမြစ်များ

KELUARAN 32:5

Boema Harun napadedeik mei tunu-hotuk esa neu sapi lilopilas ndia matan-na, de ana po'a-benga nae, “Balahaa hapu feta soaneu fe ha'da-holomata neu Manetualain.”

AMOS 2:8

Nai mamana makaluku-makatele lala'en-na, hataholi-la sungu loo ba'du fo ala ho'i-lan da'di neu bua pepe'dak esa neme hataholi nuu-taa hata-taak-ka, hutan-na mai. Ala ho'i-la angol fo ala ho'i-lan neme hataholi manamahutak neu sila, fo linu nai sila Manetualain-na, Uman dale.

AMOS 8:10

Neukose Au tao asafali emi fai malolem-mala da'di fai manafaluk, ma emi nakameem-mala, da'di kikii-makaleleuk. Neukose Au tao-a emi nggeu heni emi langadoom-ma ma pake si'di kalong, fo da'di neu ta'du-tana dale he'dik. Neukose emi da'di sama leo ina-amak fo ala kii makaleleu ana kisan-na, mamaten-na. Neukose faik ndia nate'e no dale he'dik nanseli.

BILANGAN 25:2

Inak sila-la, lelekos fo leu leo mamana sosongok tatangok-kala leu, fo ala fe ha'da-hoholomata neu sila lamatua daebafak-na. Hataholi Israel-la boeo, la'a nana'ak sosongok tatangok sila la, ma ala sene-do'ok neu hataholi Moab-pala lamatua daebafak-na.

1 KORINTUS 10:7

Fo ela ita boeo boso songo-tango sama leo sila nggelok tao-no'in. Nai Susula Malalaok dale nanasulak nae, “Boema leoina ndia mulai la'a-linu ma ala foti-longe soaneu sene-do'ok neu sosongo-tatango ka.”

NINITAK 11:10

Laun manai daebafa ka, neukose lamahoko sakasii kaduak sila la mamate na. Neukose ala tao feta, ma esa haitua fe esa palsen, nana nabi kaduak sila la lini doidoso ba'u fe hataholi daebafa ka so.