KELUARAN 32:34 - Susula Malalaok Hehelu Palak Ma Hehelu Beuk

³⁴ Besak ia, muu leona, fo moo hataholi sila-la leo mamanak fo Au afa'da basan neu o so. Neukose Au ata nusa so'dang-nga hela nole o, tehu neukose fain-na losa soaneu Au huku hataholi sila nanahu sala-singon-nala.”

KELUARAN 32:34 ပူးပေါင်းရင်းမြစ်များ

MAZMUR 99:8

Ou ami Amam Manetualain O mataa O anam-mala; Ba'eneu sila soona, O nde bee-na Manetualain, fo nau fe do'o do ampon, leomae O hukus, nanahu sila sala-singon-nala boe.

KELUARAN 15:17

Boema O hela-nole Israel leo mamanak fo O helen soaneu O mamana leleom-ma. Ala leo lahele leme O pupuku malalao-malalafum-ma nai Uma fo O nde mapadedeik-kana.

KELUARAN 20:5

Boso sene-do'ok neu dodoki-dudulak matak leondiak-ka, nanahu Au nde emi Manetualain, de Au ta nau makasasamak-kana no hata esa boen. Hataholi fo nakamuu-nakadau Au-a, Au hukun losa tititi-nonosi ka telu ma ka 4.

KELUARAN 23:20

“Neukose Au adenu Au ata nusa so'dang-nga, ana la'ok nai emi uluk, fo nasulu-nahapa emi nai emi leleo-lala'om dale, ma no emi leo mamanak fo Au sadiak-ka.

KELUARAN 3:17

Ma Au aketu basa, soaneu Au os kalua leme Masir, fo mamanak sila nanatuni-ndenik, boema Au os leo nusak esa kamasu'ik ma nalole, fo nde leoina Kanaan, leoina Het, Amori, Feris, Hewi ma Yebus nusan-na.

KELUARAN 33:12

Faik esa boema, Musa nafa'da Manetualain nae, “Manetualain, O paleta au hela-nole leoina ia leo nusak fo O heluk-ka. Tehu O ta mafa'da, neukose O madenu see kande mai fo ana tulu-fali au fa. Manetualain, O mafa'da mae O malelak au, ma au andaa o o dalem-ma.

KELUARAN 33:2

Neukose Au adenu ata nusa so'dak esa hela-nole emi. Neukose Au usiheni leoina Kanaan, Amori, Het, Feris, Hewi ma Yebus.

YESAYA 63:9

Ndia mesak-kana, nde lu'a-lepa sila toto'a-tataan-na. Manetualain ta haitua hataholi nadedenuk, do lima boboa konan-na fa; Ndia mesak-kana, nde soi-po'is-sala, nanahu susue-lalain, ma dalek-kasian-na. Ana nakabobois tataas esa, neme makahulun eli mai.

YEREMIA 14:10

La'eneu leoina ndia Manetualain nafa'da nae, “Au ta amahoko neu hataholi-hataholi sila-la fo ala hii ka'da lalai heni aoinan-nala leme au-a mai. Neukose au ta asanggango heni sila salan-nala fa, ma neukose Au huku-doki sila, nanahu sila sala-singon-nala.”

YEREMIA 5:29

Tehu, Au, fo Manetualain, neukose hukus, nanahu basa ha'da-tataok sila-la; neukose Au balas leoina ia, tatao-nono'in-nala.

YEREMIA 5:9

Tao le'e de, Au ta muse huku leoina matak leondiak-ka, ma balas hata fo ala tao basan ndia fa?

HOSEA 8:13

Ala nau tunu-hotu tutunu-hohotuk fe Au, ma la'a tutunu-hohotuk ndia paan-na, tehu Au, fo Manetualain Manakoasa, ta hii tutunu-hohotuk sila-la fa. Besak ia, neukose Au afandele sala-singon-nala, fo Au hukus, nanahu sala-singok sila-la; neukose Au haitua falik-kasa leo Masir leu!

AMOS 3:14

Nai faik fo Au huku hataholi Israel-la, hu kande sala-singon-nala soona, neukose Au tao akalulutuk basa mei tunu-hotuk manai Betel-la. Neukose Au helu la'di mei tunu-hotuk-kala esa-esak pe'dan-na, fo ala tu'da leo dae lain neu.

AMOS 3:2

“Neme basa leoina manai daebafak-ka, emi nde leoina fo Au alelak ma Au taoafik-ka. Hu ndia de, hu ka nde emi sala-singo matuainam-ma, de tao leo bee-o, neukose Au huku emi.”

BILANGAN 20:16

de ami maloo bou-bou neu Manetualain fo moke tutulu-fafalik. Boema namanene ami dokodoem-ma, de Ana nadenu ata nusa so'dak esa mai. Ata nusa so'dak ndia, nauli-nalanga ami kalua meme dae Masir-ra mai. Besak ia, ami nai Kades, fo kota esa nai dae too no Tuan nusan-na.

MATEOS 23:35

Hu ndia de neukose emi nanahukuk, nana kanisak fo, emi tao-no'in soaneu hataholi sala ta kala, mulai neme kanisak soaneu Habel fo hataholi sala tak ndia, losa kanisak soaneu Berekia anan Zakharia, fo emi taomisan nai Manetualain Uma na no mei tutunu-hohotu ka tala'da.

ULANGAN 32:35

Neukose Manetualain balas ma Ana hukus, ta dook-ka so'on te, ala tu'u leu fo mate-mopos; sila fai nakalulutun-na, ana losa no lai-laik.