KELUARAN 32:33 - Susula Malalaok Hehelu Palak Ma Hehelu Beuk

³³ Manetualain nataa nae, “Ka'da hataholi fo nasala-nasingo basa neu Au, neukose Au loseheni na'den-na neme susulak ndia dalek mai.

KELUARAN 32:33 ပူးပေါင်းရင်းမြစ်များ

MAZMUR 69:28

Nemen-na fo, sila salan-na, boetai lamaba'uk-ka; boso mafa'da mae, sila ndoos.

MAZMUR 69:29

Nemen-na fo, sila na'den-na nanakoka henik neme susulak maso'dak-ka, dale mai; ma ta nanasulak nai hataholi manatao tunga ndoon-na, susulan dale fa.

MAZMUR 9:5

Nana O paleta, da'di leo manakee-manafula, fo ndoos ma matetuk; O masala'e basa au dede'ang-nga so.

KELUARAN 17:14

Manetualain nafa'da Musa nae, “Sulak-ma sesengik ia, fo ela nananafandendelek nahele. Mafa'da Yosua, mae neukose Au tao amopo-amate hataholi Amalek-kala.”

YESKIAL 18:20

Neukose matek-ka nde, hataholi fo manatao sala-singok-ka. Anak-ka, ta nde muse lu'a-lepa, aman sala-singon, ma amak-ka, ta nde muse lu'a-lepa anan-na, sala-singon fa. Hataholi malole-a, neukose ana sipo baba'e-papala malole, nanahu tatao-nono'i malolen-na. Ma hataholi manatao mangalauk-ka, neukose ana doidoso, hu kande tatao-nono'i mangalaun-nala.

YESKIAL 18:4

Hataholi lala'en-na, samanen-na nde been-na, Au nuung, nau ina-amak samanen-na, do anan-nala samanen-na boe. Hataholi masala-masingok-ka, neukose nde ndia mate-a.

IMAMAT 23:30

Ma ba'eneu see, fo naue-nale'di nai faik ndia soona, Manetualain nde hukun nenik huhuku mamates-sa.

ULANGAN 29:20

Neukose, Manetualain ta fe do'o do ampon, neu hataholi leondiak-ka fa. Nasafalin-na, neukose Manetualainnasa-melun fo, manalua ponu-ponun-na, la'e hataholi ndia, ma basa susa-soe fo, nanasulak nai susulak ia dalek-ka, neukose ana tuni-ndeni-nala, losa Manetualain tao namate-namopon.

FILIPI 4:3

Soaneu au tia-lai malalau-maoono mana lilineka ngala, au oke fo daenga tolanoo kala tulu-fali tolanoo inak ka duak sila la. Nanahu duas boeo, ala tao-no'i sota mate lo au, soaneu tui-benga Manetualain Hala Malole na; sama na leo Klemen ma basa tolanoo fe'ek fo mana tao-no'i sama-sama lo au a. Sila na'de nala nanasulak nai Hataholi Maso'da kala susulan dale.

NINITAK 13:8

Basa hataholi manaleo nai daebafak ia poi na, neukose ala sene do'ok bana ndia, ta'da fe'e hataholi fo nanuu so'da matetu ka ma hataholi fo na'de na Manetualain sula kana nai buku esa dalek te daebafa ka beita nananakadada'dik fa. Bi'ilopo Ana fo hataholi la do'dolisa nana, susulan ndia.

NINITAK 20:12

Ma au ita hataholi manamate kala ana-matua lapadeik lai kandela manek ndia mata na. Boema susula kala boeo nanabukak. Boema susula fe'ek esa nanabukak, fo nde Susula Hataholi Maso'da ka. Basa boema huhuku ka nanaketuk neu hataholi manamate kala, nandaa no sila tatao-nono'in tunga hata fo nanasulak nai susulak sila la dalek.

NINITAK 3:5

Hataholi fo manasengi koasa makahatu ka, neukose ala fes pake ba'du manalu fulak ndia boe. Neukose Au ta kokaheni hataholi ndia na'de na neme susulak hataholi maso'da ka dalek mai fa. Ma nai Au Amang ma ata nusa so'da nala matan, neukose au manaku ae, sila nde bee na Au nuu ngala. Nai lelek Au apadeik nai Au amang matan sama-sama o basa mahahaek fo malalalau-maoono nana, neukose Au afa'da ae, Au alelak hataholi sila la.