KELUARAN 32:30 - Susula Malalaok Hehelu Palak Ma Hehelu Beuk

³⁰ Balahaa boema, Musa nafa'da leoina ndia nae, “Emi tao basa sala-singok matuaina so. Tehu besak ia, au sanga kae seluk leo letek ndia lain soaneu asasalematak o Manetualain; sanga tao leondia fo au hapu do'o do ampon soaneu emi sala-singom.”

KELUARAN 32:30 ပူးပေါင်းရင်းမြစ်များ

2 SEMUEL 12:9

Tao le'e de, o ta nau taoafik neu Au paletang-ngala fa? Tao le'e de, o tao-no'i tatao-nono'i mangalauk ndia? O taomisa Uria neme natee-natatik dale; o po'ilotak hataholi Amon-nala taolisan, de o ho'i-ma saon-na!

2 SEMUEL 16:12

Fafa'kama, Manetualain neukose Ana taoafik neu doidosok ia, fo Ana fe au baba'e-papalak, fo da'di ngganggatik neu soo-supak ndia.”

2RAJA-RAJA 17:21

Manetualain ta'da fe'e hataholi Israel-la, neme Yehuda-la mai boema, hataholi Israel-la so'u Yerobeam, fo Nebat anan-na, da'di sila manen. Boema, Yerobeam taon-nalas la'oela Manetualain, boema ala tao sala-singo matuaina.

MAZMUR 99:6

Musa ma Harun, nanalekek nai Ndia imam-mala dalek, Semuel nde bee-na, hataholi esa fo, ana hule-haladoi neun, Ala laloo bou-bou neu Manetualain, de Ana fe natataak.

KELUARAN 32:29

Musa nafa'da leo Lewi nae, “Faik ia, emi hele hehelik emi aoinam-ma da'di imam fo nalalau-naoono Manetualain nenik ana taonisa emi anam-mala ma emi tolanom-mala, boema Manetualain fe baba'e-papalan neu emi.”

AMOS 5:15

Makamuu-makadau mangalauk-ka, ma sue-lai malole-a, ma tao matetu eno ndos ma matetuk-ka. Fafa'ka ma Manetualain neukose Ana sue-lai bei ela leoina Israel-la hataholin-nala.

YUNUS 3:9

Fafa'kama Manetualain dodoo nasafali dale tutu'un-na, fo ta namanasa so'on, nalosa Ana ta tao nakalulutuk ita fa!”

BILANGAN 16:47

Harun tao tunga Musa hala-kokolan. Ana nalai leo hataholi Israel makabubuak-kala tala'da heon neu, te he'di-laus mulai la'es so. Boema Harun tao boomenik leo ha'ikaak lain neu, de ana tao feta fo, sala-singok hapu do'o do ampon soaneu hataholi Israel-la.

BILANGAN 25:13

Au aketu, Pinehas no tititi-nonosin da'di leo imam losa dodoon-na, hu kande no napalanik, nasala'e basa Au, fo ndia Manetualain-na, ma ana tao basa mole-dame ba'eneu hataholi Israel-la sala-singon so.”

LUKAS 15:18

Malole lenak au fali no lai-laik fo au afa'da au amang ae, Ama, au asala-asingo basa neu Manetualain ma neu Ama so.

LUKAS 7:47

Te'e-te'e, susue-lalain fo matuainan ndia, natu'du nae sala-singo makadoto nala, nanafe do'o do ampon so! Metema hataholi a nanafe do'o do ampon faa anak soona, neukose susue-lalain faa anak boe.”

ROMA 9:3

nanahu au tolanoong fo leoina esa lo au. Nana hu ka nde sila de, au nau Manetualain soo-supa au ma nanabingaba'ek neme Kristus mai.

GALATIA 3:13

Tehu Kristus soi-po'i ita teme agama hoholo-lalanen soo-supan mai so. Ana tao dede'ak ndia tunga, Ana po'i lotak ao ina nanasoo-supak, hu ka nde ita. Nana nai Susula Malalaok dale, nanasulak nae, “Sosoo-susupak ba'eneu hataholi fo maten nanalonak nai dii ai lai na.”

2 TIMOTIUS 2:25

Hataholi ndia, muse nanoli hataholi mana lena-la'ba kala no mangana'uk; fo ela leo bee na, Manetualain fe hataholi sila la, fai loak soaneu ala tuka tei-sale dale leme sala-singo nala mai, fo lalelak nanoli ndo sa.

YAKOBIS 5:16

Hu ndia de, ela leo bee na, esa nafa'da sala na neu esa, ma esa hule-haladoi fe esa, fo ela emi hapu lea-hai. Hataholi fo ana hule-haladoi tunga Manetualain hihii-nanau na, nanuu koasa matua ina.

SEMUEL SUSULAK-KA ESAN-NA 12:17

Neukose au aloo bou-bou neu Manetualain, fo leomae besak ia, fai hanas, tehu neukose Manetualain fe mangguluk-ka ma u'dan-na mai, fo da'di leo natataak neu au huhule-haladoing. Nai hatematak ndia, neukose emi mame'da, emi sala-singom ba'un-na seli soaneu Manetualain nanahu emi moke manek esa.”

SEMUEL SUSULAK-KA ESAN-NA 12:19

Boema, lafa'da Semuel lae, “Fali-ma, ami dei Ama, hule-haladoi neu Manetualain fo o Manetualaim-ma, fo ela boso mate ami. Besak ia, ami mame'da mae fe'ek neme ami sala-singom makahulun-na mai, ami masala-masingo seluk, nanahu ami moke manek esa.”

SEMUEL SUSULAK-KA ESAN-NA 12:20

Semuel nataa nae, “Boso bii, leomae emi tao basa tatao-nono'i mangalauk ndia so, te boso fali deak neme Manetualain mai, tehu mamahele mahele neun, no emi dalek-katema tuam-ma.

SEMUEL SUSULAK-KA ESAN-NA 12:23

La'eneu au soona, sa'di leo been-na, boso nalosak au asala-asingo neu Manetualain nanahu au ta hule-haladoi fe emi fa. Nasafalin-na, neukose au boeo, au anoli akandoo emi nanolik malole ma ndoos.

SEMUEL SUSULAK-KA ESAN-NA 2:17

Enon-na leondiak, Eli ana ka duan sila-la lasala-lasingo ba'un-na seli nai Manetualain matan, nanahu lakadadaek tutunu-hohotuk soaneu Manetualain.