KELUARAN 32:25 - Susula Malalaok Hehelu Palak Ma Hehelu Beuk

²⁵ Musa name'da nae Harun po'ilotak leoina Israel-la sama leo ndala po'ihenin neme lalae dale mai, nalosa musu non-nala hikas.

KELUARAN 32:25 ပူးပေါင်းရင်းမြစ်များ

KEJADIAN 3:10

Touk ndia nataa nae, “Au amanene O nai osi dale; de au bii, da'di au ke'ke, nanahu au makaholak.”

1RAJA-RAJA 12:28

Ana tai dodoo basa dede'ak ndia boema, ana tao na sapi lilopilas nanadoki-dulak dua, boema nafa'da laun-na nae, “Leoina Israel-la lemin! Dook-ka nanseli so, emi meu leo Yerusalem meu fo hule-haladoi. Mulai neme besak ia mai buas ia-la nde da'di emi lamatuam fo no emi kalua meme Masir mai!”

1RAJA-RAJA 14:16

Neukose Manetualain la'oela Israel nanahu Yerobeam nasala-nasingo so, ma ana tao na hataholi Israel-la lasala-lasingo boe.”

2TAWARIKH 28:19

Hu kande Ahas fo manek Yehuda la'oela Manetualain ma ana paleta laun-na ta no malolen-na fa, boema Manetualain fe toto'a-tataak neu Yehuda.

KELUARAN 32:26

Boema napadeik neu mamana ofu lelesuinan-na matan-na de ana eki nae, “See nok Manetualain soona, muse ana mai leo ia mai!” Boema leo Lewi mai de ala okofefeo-la Musa,

AMSAL 29:18

Leoina fo, ana ta hapu hela-nolek neme Manetualain mai fa, ana da'di leoina, fo henuk no tasi'bu. Maua-manalek ba'eneu hataholi fo, ana tunga Manetualain hoholo-lalanen.

YESAYA 47:3

Neukose hataholi nita o makaholam-ma, nananakadadaek, ma nananakamumulu-nakamamaek. Neukose, Au balas dale he'dik neu o, ma Au ta fe hataholi esa boen, naladeak fa.”

YEREMIA 5:5

Malole lenak au u leo hataholi matua-madema-ma u, fo au kokolak os. Tao leo bee-o, ala bubuluk hata fo, Amak Manetualain nahiik-kana, ma noken neme sila mai.” Tehu sila basa-basas boeo, ta nau Manetualain paleta sila fa; ala ta nau tunga fan.

YESKIAL 16:63

Neukose, Au fe ampon neu o salam lala'en-na, tehu neukose o ta hapu mafandele heni fan, ma neukose o mame'da mamaek, soaneu mafa'da su'di beek-ka. Au, Manetualain Fo Mademaina, nde manakokolak-ka.”

DANIAL 12:2

Hataholi manamate basak sila-la ba'uk-ka, neukose laso'da falik; neukose nggelok hapu so'da manaketu basa taak-ka, ma neukose nggelok bai soona, nananakadadaek ma ala hapu toto'a-sosota matuaina fo manaketu basa taak-ka boe.

HOSEA 2:3

Metema, ana da'di manasosoa-piaok nahele soona, neukose Au o'du heni bua-lo'an, fo nakahola-la sama leo nai faik fo bongin-nana. Neukose Au tao-an, da'di sama leo dae ma'dak ma dae tokotik, soona neukose maten no maa ma'dak-ka.

MIKHA 1:11

Emi laun Safir-ra, la'o no makaholak, ma bibii-mamaek leo mamana tu'u-tapak neu! Hataholi Zaanan-nala, ta lapalani kalua leme sila kotan-na mai fa. Laun Bet-Haezel-la, honggu'un natu'du emi nae nai naa, ta hapu nasulu-nahapak so'on.

ROMA 6:21

Nai lelek ndia, emi hapu nanalak hata neme basa tatao-nono'ik fo besak ia emi tao-no'in no bibii-mamaek ndia? Basa tatao-nono'ik sila la ninini na ka'da mamate sa!

ULANGAN 9:20

Manetualain boeo, namanasa nanseli neu Harun, nalosa Ana nau taonisan, boema au hule-haladoi fen boe.

NINITAK 16:15

“Mamanene leona! Te Au mai sama leo nako'ka. Maua-manalek neu hataholi fo naheheleaon nahele, ma nanea bua-papake na, nalosa ana ta la'ok no makaholak fo ana mae nai lea matan!”