KELUARAN 32:19 - Susula Malalaok Hehelu Palak Ma Hehelu Beuk

¹⁹ Lelek Musa deka no mamana ofu ndia boema, nita sapi lilopilas ndia, ma hataholi-la foti-longe, boema namanasa. Nai ndia boe, fo nai letek ndia huun-na, Musa pesi batu fo nenik ndia neu dae lain, nalosa lutu-lutu.

KELUARAN 32:19 ပူးပေါင်းရင်းမြစ်များ

2 SEMUEL 6:14

Basa boema, Dauk foti-longe no namahokok nanseli, fo ana fe ha'da-holomata neu Manetualain. Nai lelek ndia, ana pake ka'da si'di abalutu keke'uk, de ana pa'an nai tala'dan-na.

MAZMUR 119:53

Au amanasa hataholi mangalauk-ka nanseli, nanahu ala la'o ela O hoholo-lalanem.

KELUARAN 15:20

Boema Miryam, fo nabi inak esa, fo Harun ka'ainan-na, ho'in-na rebanan-nala, de basa inak-kala li'u no'u-no'u boema ala longe.

KELUARAN 32:11

Musa dokodoe neu Manetualain fo ndia Manetualain-na nae, “Manetualain tao le'e de O muse tao leondiak neu hataholi sila? Ade O ta soi-tefa-malas leme Masir mai, fo nenik koasa ma be'i-balakaik matuaina fa do?

KELUARAN 32:18

Musa nae, “Nene'nen soona, eeki sesengik ta ndia, do ngganggasi hataholi manakalak fa; halak ndia, hataholi manamakameek halan.”

KELUARAN 34:1

Basa boema, Manetualain nafa'da Musa nae, “Pa'a ma batu bebelak dua sama leo batu makahuluk-ka. Nai batu ka duak sila-la, neukose Au sulak dede'a-kokolak fo sama no manai batu fo o tao maba'ek sila-la.

YEREMIA 31:32

Tehu nakeketuk ndia ta sama leo Au tao nakeketuk neu sila bei ba'ikai manamaten-nala nai lelek Au lea-nole fali kasa kalua leme Masir mai-a. Leomae Au sama leo Sao touk ba'eneu sila, tehu ala lilii-babau Au hehelu-balatang neu sila.

RATAPAN 5:15

Ami mopo ami ua-nale malolem-ma so; fofoti-lolongek nasafali da'di manafaluk so.

ZAKHARIA 11:14

Basa ndia boema, au helu la'di au aitete'e ka dua, fo au foin na'de “Hehengek”, boema heaba'e Yehuda ma Israel nakabua-nakesan-na.

BILANGAN 12:3

Musa nde been-na, hataholi esa, dale nakaloe nakadae aok nanseli, lena heni basa hataholi manai daebafak ia lala'en-na.

MATEOS 5:22

Tehu besak ia, Au afa'da neu emi te, ba'eneu see fo namanasa hataholi fe'ek soona, neukose ana hapu huhukuk nai Mana Maketu Mala'di Agama Matua matan. Ma ba'eneu see naseo hataholi nae, ‘Nggoak’ soona, hataholi ndia nandaa tapan leo tasi ha'ik dale neu.

MARKUS 10:14

Yesus nita boema, namanasa de nafa'da ana mana tunga nala nae, “Neme na fo ni'iana sila la ala mai leo Au mai! Boso kena-ka'is, nana hataholi leoia kala nde da'di lima eik neme Manetualain hataholi kamahehele nala mai.

MARKUS 3:5

Yesus mete leo boboa-kaisun neu no nasak, tehu Ana dale he'di boe, nanahu ala langabatu lanseli. Boema nafa'da hataholi lima mate seselik ndia nae, “Lok o lima ma.” Hataholi ndia lok lima na boema, lima na hai.

1 KORINTUS 10:7

Fo ela ita boeo boso songo-tango sama leo sila nggelok tao-no'in. Nai Susula Malalaok dale nanasulak nae, “Boema leoina ndia mulai la'a-linu ma ala foti-longe soaneu sene-do'ok neu sosongo-tatango ka.”

EFESUS 4:26

Metema emi mamanasa soona, boso po'ilotak nasak ndia, nini fe emi sala-singok. Boso mamanasa losa le'do tenak,

ULANGAN 10:2

Neukose, Au sulak dede'a-kokolak neu batu bebela ka duak sila-la lain, sama leo Au sulak neu batu bebela ka duak fo o tao makalulutuk-kasa ndia; basa soona, o muse pe'da batu bebela ka duak sila-la, leo peti ndia dalek neu.

ULANGAN 27:26

‘Nanasoo-supak ba'eneu hataholi fo, ana ta tao natetu Manetualain hoholo-lalanen, ma nanolin-nala, nai tatao-nono'in-na dalek.’ Hataholi Israel-la lataa lae, ‘tete'ek-ka!’ ‘Amin!’ ”