KELUARAN 32:16 - Susula Malalaok Hehelu Palak Ma Hehelu Beuk

¹⁶ Manetualain mesak-kana nde tao batu ndia, de Ana doki-dulak paletan-nala nai ndia.

KELUARAN 32:16 ပူးပေါင်းရင်းမြစ်များ

AYUB 19:24

ela leo been-na, fa'a nenik-kana pa'a besi, neu batu lain, fo ela nahele losa dodoon-na.

KELUARAN 31:18

Manetualain kokolak basa no Musa nai Letek Sinai lain boema, Ana fen batu bebelak dua, fo Manetualain sulak paletan-nala nai dalek.

KELUARAN 32:15

Musa kona falik neme letek ndia lain mai, ma neni batu bebelak ka duak fo Manetualain paletan-nala nanasulak nai boboan duas.

KELUARAN 32:17

Lelek ana bei kona mai te, Yosua namanene hataholi Israel-la eki, boema nafa'da Musa nae, “Amanene nakote natee-natatik-ka nai mamana ofu.”

KELUARAN 34:1

Basa boema, Manetualain nafa'da Musa nae, “Pa'a ma batu bebelak dua sama leo batu makahuluk-ka. Nai batu ka duak sila-la, neukose Au sulak dede'a-kokolak fo sama no manai batu fo o tao maba'ek sila-la.

KELUARAN 34:4

Boema Musa pa'a-na batu bebelak dua seluk, de balahaa fafaianak nanseli boema, ana ho'i nenis de ana kae leo Letek Sinai lain neu, sama leo Manetualain paleta neun.

2 KORINTUS 3:3

Sila nde lita lae emi malupa susulak fo Kristus nde sula kana, fo Ana haituan tunga ami. Susulak ndia ta nanasulak ninik tinta fa, te nanasulak ninik Manetualain Dula Dalen fo maso'da ka; boeo ta sula kana nai batu lei lain fa, te nanasulak nai hataholi daebafa ka dale na.

2 KORINTUS 3:7

Nai lelek hehelu-balataak fo manini mamates ndia nanataok ma nanadoki-dulak neu batu a, Manetualain ndela-sa'an nandela-nasa'a neu Musa mata panan. Sa'a na nandela-nasa'a leondiak, nalosa leoina Israe la ta labe'i lakanae Musa mata panan, leomae sa'ak manai mata panan ndia ana mulai keluha'bu nai lelek ndia. Naa, metema hehelu-balataak fo nanataok, fo manini mamates ndia nanapaku nisak ninik Manetualain ndela-sa'an fo mandela-masa'ak matuaina leondia ka,

ULANGAN 10:1

“Basa boema, Manetualain nafa'da au nae, Musa, pa'a-ma batu bebelak dua, sama leo batu bebela ka duak makasososak-ka, ma taom-ma peti ai esa boe, fo pe'da batu bebela ka duak-kala leo dalek neu, soona mai matongo moo Au, nai letek-ka poin-na.

ULANGAN 9:15

Boema lepos asadea, de au ko'o eni batu hehelu-balataa ka duak sila-la nenik au limang duas, boema au kona eme letek fo, manapila lo'a-lo'ak ndia lain mai.

IBRANI 8:10

Tehu besak ia, ia nde hehelu-balataak fo neukose Au taon no leoina Israe la nai fai-fai manamai ka, Manetualain nafa'da nae: Neukose Au tao Au hoholo-lalaneng neu dudu'a-aafi nala dalek, ma Au sula kana neu dale nala dalek. Neukose Au da'di sila Manetualai na, ma neukose sila da'di Au hataholi kamahehele ngala.