KELUARAN 32:13 - Susula Malalaok Hehelu Palak Ma Hehelu Beuk

¹³ Mafandendelek O atam Abraham, Isak ma Yakob. Mafandendelek mae O maheluk pake sosoo-susupak soaneu O fe sila tititi-nonosin de'u nduuk manai lalai, boeo mafandendelek mae O fe la'iesak dae fo O heluk ndia, fo neukose ana da'di sila tititi-nonosin pusakan losa dodoon-na.”

KELUARAN 32:13 ပူးပေါင်းရင်းမြစ်များ

KEJADIAN 12:2

Neukose, Au fe o tititi-nonosik makadotok, fo neukose, ala da'di leoina matuaina. Neukose, Au ba'e-pala o, ma Au fe o na'dem-ma nanakoa-nanakiok, nalosa neukose, o da'di baba'e-papalak.

KEJADIAN 12:7

Boema, Manetualain natu'du aoinan-na neu Abram, de nafa'dan nae, “Nusak ia, nde neukose Au fen neu o tititi-nonosim-mala.” Boema, Abram taon-na mei tunu-hotuk esa, neu mamanak ndia, soaneu Manetualain, fo natu'du aoinan-na neun-na.

KEJADIAN 15:18

Nai lelek ndia boe, Manetualain tao hehelu-balataak no Abram. Manetualain nae, “Au helu ae neukose, Au fe dae ia lala'en-na neu o tititi-nonosim, mulai neme too no nusa Masir-ra, losa Lee Efrat-ta,

KEJADIAN 15:5

Manetualain no Abram leo deak leu, boema nafa'dan nae, “Mete leo lalai neu, fo so'ba leke nduuk-kala; neukose o hapu tititi-nonosik de'u nduuk sila-la.”

KEJADIAN 15:7

Basa boema, Manetualainnafa'da seluk-kana nae, “Au nde Manetualain, fo hela-nole o kalua meme nusa Ur-ra, nai Babilonia, soaneu fe o dae ia, da'di o pusakam.”

KEJADIAN 17:8

Neukose, Au fe dae ia neu o, ma o tititi-nonosim, fo nde dae fo besak ia, o leon da'di leo hataholi manamai. Basa dae Kanaan-na lala'en-na, neukose da'di o upu-anam pusakan, losa dodoon-na, ma neukose, Au da'di sila Manetualain-na.”

KEJADIAN 22:16

“Manetualain nae, Au soo-supa inik au na'deng-nga mesak-kana, nanahu o tao tataos ia, de o nau fe o ana kisam ndia, neu Au.

KEJADIAN 22:17

Neukose, Au ba'e-pala o nenik baba'e-papalak manasasi kao-kaok-ka, ma Au fe o tititi-nonosim de'u nduuk manai lalai-a, ma solokaek manai tasi su'un-na. Neukose, o upu-anam sengi musun-nala.

KEJADIAN 24:7

Manetualain, fo manakoasa lalai-a, no basa au eme au amang uman mai, ma neme au tolanoo ka'a-fa'ding-ngala mai, ma Ana soo-supa basa au, nae neukose Ana fe nusak ia neu au tititi-nonosing. Ndia boeo, neukose nadenu ata nusa so'dan-na, fo ana tulu-fali o, fo ela o hapu matongo moo saoinak esa nai naa, soaneu au anang-nga.

KEJADIAN 48:16

Ndia nde ata nusa so'dak fo ana se'i-po'i au eme soe lala'en-na mai so. Sa'di leo been-na Manetualain ndia, ba'e-pala ni'iana ia-la. Sa'di leo been-na, au ma Abraham ma Isak na'dem mala nanakoa-nanakiok, hu kande n'iana ia-la! Sa'di leo been-na, ala bongi upu anak, ma tititi-nonosin makadotok nai daebafak-ka.”

KELUARAN 13:11

Musa nafa'da leoina Israel-la nae, “Neukose, Manetualain noo emi leo nusa Kanaan fo Ana helu fen neu emi, ma emi bei-ba'i kaim-mala nenik soo-supak. Metema dae ndia, ana da'di emi nuum soona,

KELUARAN 13:5

No soo-supak, Manetualain helu emi bei-ba'i kaim-mala, fo Ana fe emi leoina Kanaan, Het, Amori, Hewi ma Yebus nusan-na. Manetualain no basa emi leo nusak fo kamasu'i-makabetek, ma maoe-maisik ndia neu so, de tunga teuk, nai hataholi Yahudi-la bula Abib-pa dalek, emi muse tao feta ia.

KELUARAN 33:1

Boema Manetualain nafa'da Musa nae, “La'oela mamanak ia fo la'o sama-sama moo leoina fo o moos leme Masir leo nusak fo Au helu basan neu Abraham, Isak ma Yakob boema tititi-nonosin-nala.

IMAMAT 26:42

neukose Au afandele Au hehelu-balataang no Yakob, Isak ma Abraham. Neukose, Au tao abebeu Au hehelu-balataang, fo Au fe dae ndia neu Au leoinang-nga.

ULANGAN 1:10

emi Manetualaim-ma, Ana taon-na emi boetai mamade'uk-ka, nalosa emi dede'um-ma, de'u nduuk manai lalai-a.

ULANGAN 7:8

Tehu, Manetualain hele emi, nanahu Ana sue-lai emi, ma nahiik tao natetu, Ana tao hehelu-balataak no emi bei-ba'i kaim-mala. Hu no ndia de, Ana soi-tefa-nala emi, nenik koasa matuainan-na, ma Ana soi-po'i emi neme emi da'di ata neu mane Masir-ra.

ULANGAN 9:27

Mafandendelek O atam-mala, fo nde Abraham, Isak ma Yakob, ma boso mete leoina ia langabatun-na, tatao-nono'i mangalaun-nala, ma sala-singon-nala.

IBRANI 6:13

Lelek fo Manetualain helu neu Abraham, Ana soo-supa, nae neukose Ana tao natetu hata fo Ana helu ka. Ma hu ka nde ta hapu hata fo dema lena neme Ndia mai, soona Manetualain soo-supa ninik na'de na mesa kana.