KELUARAN 32:12 - Susula Malalaok Hehelu Palak Ma Hehelu Beuk

¹² Metema O tao mamate-mamopos soona, neukose hataholi Masir-rala lafa'da lae O mauli-malanga leoina ndia kalua leme Masir mai, soaneu taomisas lai letelepak-kala ma tao mamate-mamopo makandondook-kasa. Boso tao leondiak, ou Manetualain, dodoo masafali o dalem-ma, fo boso tao soe leoina ndia.

KELUARAN 32:12 ပူးပေါင်းရင်းမြစ်များ

KEJADIAN 6:6

Manetualain boeo nasasale dale, nakadada'dik hataholi sila-la, de Ana fes ala leo nai daebafak-ka. Dalen-na ba'ihana nanseli,

1RAJA-RAJA 8:51

Sila nde been-na O ana mesam, fo O moos kalua leme Masir mai, fo mamanak sila nana tuni-ndenik.

EZRA 10:14

Fe basa ami mauli-malangam, fo manaleo nai Yerusalem-mala loak, fo ala ito-ato dede'ak ndia. Boema metema, hataholi manai ami kotam-mala, saoinan-na neme nusa dea mai soona, muse ana mai nai fai nananaketuk-ka, sama-sama no basa mauli-malangan, ma manakee-manafula, manai esa-esak kotan-na. No enok ndia, neukose Manetualain ta namanasa ita so'on, hu kande dede'ak ndia.”

MAZMUR 106:45

Hu kande sila de, Manetualain nafandele-na hehelu-balataan, de Ana sue-lais, nanahu susue-lalai matuainan-na.

MAZMUR 74:18

Mafandendelek, tao leo beek de, musu-a nakamumulu-nakamamaek O, ou Manetualain, leoina fo ta lalelak O fa, lakamumulu-lakamamaek O na'dem-ma.

MAZMUR 78:38

Tehu Manetualain sue-lai, ma fe do'o do ampon neu anan-nala, de Ana ta tao namopo-namate fas. La'i ba'uk-ka, nakatatakak nasa-melun, ma ta nafofo'a nasa-melun fa.

MAZMUR 85:3

O fe basa do'o do ampon neu O anam-mala sala-singon-nala so; O poti ketu salan-nala so.

MAZMUR 90:13

Ou Manetualain, O mamanasa losa faihi'da? Fali ma'im-ma leona, fo sue-lai O atam-mala.

KELUARAN 32:14

Boema Manetualain dodoo nasafali dalen-na, de Ana ta da'di huku leoina ndia nenik susa-soe fa.

KELUARAN 33:13

Metema leondiak soona, ela leo been-na mafa'da O dale tutu'um-ma beek, Manetualain, fo ela au hapu alalau-aoono O, ma au andaa o O dalem-ma tataasesa. Boeo mafandendelek mae O hele basa leoina ia da'di O nuum so.”

YESAYA 64:7

Ta hapu manahule-haladoi neu O, do noke O tutulu-fafalim fa, nana O mafuni o mata-panam neme ami mai, ma O po'ilotak ami sala-singom tao namate-namopo ami.

YESAYA 64:8

Tehu O, ou Manetualain, O nde been-na, ami Amam, ami ka'da dae manuteik mesan, ma o nde fe lupak neu ami; ami basa-basam-mala nde been-na, O lima tataam.

YEREMIA 28:16

Hu ndia de, Manetualain nafa'da nae, neukose o manatao namopok nai daebafak ia poin-na. Teuk ia dalen-na boe, neukose mate o, nana o madenu leoina ia la'ban Manetualain.”

YESKIAL 20:14

Tehu, Au ta da'di amanasa fa, hu kande Au na'de malalao-malalafung-nga, fo ela leoina fo, lita Au o Israel kalua meme Masir mai-a, ala boso lakamumulu-lakamamaek Au na'deng-nga.

YESKIAL 20:22

Tehu, Au ta da'di amanasa fa, fo ela leoina fo, lita Au o Israel kalua neme Masir mai-a, ala boso lakamumulu-lakamamaek Au na'deng-nga.

YESKIAL 20:9

Tehu, Au ta da'di amanasa fa, fo ela leoina manai sila mamanan-na, boso lakamumulu-lakamamaek Au na'deng-nga. Nana Au po'a-benga basa nai leoina sila matan, ae neukose Au o leoina Israel-la, kalua leme Masir mai.

YOEL 2:17

Madenu basa imam fo lalalau-laoono Manetualain, fo ala kii nai mei tunu-hotuk ma uma so'dan manai muka, tala'da, boema lafa'da lae, “Sue-lai O anam-mala, ou Manetualain; boso po'ilotak, lakamuu-lakadau O hata-hetom.” Nalosa leoina fe'ek-kala kokolak holo ma lafa'da lae, “Sila Manetualain nai bee?”

AMOS 7:3

Manetualain dodoo nasafali dale tutu'un-na, de nafa'da nae, “Hata fo o mitak ndia, neukose ana ta da'di fa.”

AMOS 7:6

Manetualain dodoo nasafali dale tutu'un-na seluk, de nafa'da nae, “Ia boeo, neukose ta da'di fa.”

YUNUS 3:9

Fafa'kama Manetualain dodoo nasafali dale tutu'un-na, fo ta namanasa so'on, nalosa Ana ta tao nakalulutuk ita fa!”

ZAKHARIA 8:14

Manetualain Fo Manakoasa nafa'da nae, “Lelek emi bei-ba'i kaim-mala tao-la Au amanasa, boema Au ho'i nakeketuk fo hukus no balakaik. Au ta hela falik Au nakeketung ndia fa, te Au akalala'o kana.

BILANGAN 14:19

Manetualain, besak ia, hu kande O dale kasiam-ma ba'un-na seli, ma O lilineka neu O hehelum-ma, de au dokodoe, fe do'o do ampon neu hataholi ia-la, sala-singon-nala, sama leo O fe do'o do ampon neus, neme ala la'oela dae Masir-ra.”

BILANGAN 16:21

“Makadedeak meme hataholi sila-la matan-na mai; Au sanga tao amopo-amates, besak ia boe.”

ULANGAN 13:17

Emi ta bole ho'i-ma bua-lo'as nanasoo-supak sila-la, fo emi taos da'di emi nuum fa, te muse tao makalulutuk la'iesak-kasa. Soona neukose Manetualain nasan-na tenak, de Ana natu'du susue-lalain neu emi. Neukose dalen-na malole no emi, fo Ana tao emi da'di leoina matuaina, sama leo Ana helu basan neu, emi bei-ba'i kaim-mala so,

ULANGAN 32:36

Neukose Manetualain, soi-tefa-na anan-nala, ma Ana sue-lai atan-nala, metema nitas, ala male-tale ma be'i-balakain ta so.

ULANGAN 9:28

Metema, O tao mamate-mamopo O anam-mala boe, soona neukose hataholi Masir-ra lafa'da, lae O ta moo mabe'i, O leoinam ndia leo nusak fo O helu basa, fen leo sila neu, ma lae O moos leo moo solokaek-ka neu, fo O taomisas, nanahu O mape'da dalek neu leoina ndia.

YOSUA 7:26

Basa ndia boema, launu batu makadotok nanseli neu mamanak ndia, de losa besak ia, batu sila-la bei lai ndia. Hu ndia de, ala foi lahele mamanak ndia na'de, Bafak Toto'a-tataak. Boema, tenak heni Manetualain nasa-melun.

YOSUA 7:9

Hataholi Kanaan-nala, ma basa hataholi manai nusak ia, neukose lamanene dede'ak ndia. Neukose lakahapi-la ami, fo taolisa ami! Boema, neukose O tao beek, fo O ho'u mahele O na'dem-ma?”

SEMUEL SUSULAK-KA ESAN-NA 12:22

Manetualain soo-supa basa, nae neukose Ana ta la'oela emi fa, nanahu naketu basa soaneu Ana tao emi da'di Ndia anan so