KELUARAN 32:11 - Susula Malalaok Hehelu Palak Ma Hehelu Beuk

¹¹ Musa dokodoe neu Manetualain fo ndia Manetualain-na nae, “Manetualain tao le'e de O muse tao leondiak neu hataholi sila? Ade O ta soi-tefa-malas leme Masir mai, fo nenik koasa ma be'i-balakaik matuaina fa do?

KELUARAN 32:11 ပူးပေါင်းရင်းမြစ်များ

KEJADIAN 18:27

Boema Abraham nafa'da seluk nae, “Manetualain, fe ampon neu au, nana no au bafa da'ung-nga, de au tu'ti kokolak ia. Au ia, ka'da hataholi daebafak, fo ta nanuu hak, soaneu kokolak hata esa boen.

1RAJA-RAJA 8:51

Sila nde been-na O ana mesam, fo O moos kalua leme Masir mai, fo mamanak sila nana tuni-ndenik.

NEHEMIA 1:10

Manetualain, ami ia O atam-mala, O ana mesam, fo O soi-tefa basan nenik O koasam-ma, ma O bei-bakai matuainam-ma.

MAZMUR 106:23

Boema, Manetualain tutu'u, sanga tao namopo-namate anan-nala, tehu Musa fo, hataholi hehelen-na, ana ka'in. Musa da'di hataholi tala'dak soaneu sila, de nalosa Manetualain nasan-na tenak.

KELUARAN 32:7

Boema Manetualain nafa'da Musa nae, “Kona lai-lai, nana o leoinam fo o hela-noles kalua leme Masir mai-a, ala tao tatao-nono'i mangalauk so.

KELUARAN 6:6

Neukose Au tao emi da'di Au anang, ma Au da'di emi Manetualaim-ma. Soona neukose emi bubuluk, mae Au ia Manetualain, fo emi Manetualaim manasoi-po'i emi neme ata nai Masir.

KELUARAN 8:8

Boema, manek-ka naloo Musa no Harun, de nafa'das nae, “Hule-haladoi neu Manetualain, fo ela Ana tao namopo lo'donggelek ia-la soona, neukose au po'i o leoinam-ma la'o, fo leu tunu-hotu tutunu-hohotuk soaneu Manetualain.”

YESAYA 63:17

Ou Manetualain, tao le'e de, O po'ilotak ami, matofa-matalak? Tao le'e de, O tao matea ami dalem-ma, nalosa ami ta bii-mamata'u neu O fa? Hu kande, O atam-mala, ma hu kande O anam fo, O pusakam-ma, fali ma'im-ma leona.

YEREMIA 15:1

Manetualain nafa'da au nae, “Neukose Au ta sue-lai leoina ia-la so'on, leomae Musa ma Semuel lapadeik nai ia, fo loke susue-lalaik neu sila. Madenu laoina ia-la la'o, te Au ta nau mete-lakanae fas!

RATAPAN 2:20

Manetualain, mete ma taoafik leon neu sila fo O fepa-li'uk sila-la! Ade O tao hai nggelok leondiak so do beik? Ina na'a seluk ana bongi susuen-na, imam ma nabi-la nanatao nisak nai O Uma malalao-malalafum dale.

YESKIAL 20:9

Tehu, Au ta da'di amanasa fa, fo ela leoina manai sila mamanan-na, boso lakamumulu-lakamamaek Au na'deng-nga. Nana Au po'a-benga basa nai leoina sila matan, ae neukose Au o leoina Israel-la, kalua leme Masir mai.

DANIAL 9:15

Ou Manetualain, fo ami Manetualaim, O matu'du basa O koasam-ma nenik O moo O anam-mala kalua leme Masir mai, ma O koasam ndia bei nananafandendele nahelek. Ami masala-masingo ma tao salak so.

YOEL 2:17

Madenu basa imam fo lalalau-laoono Manetualain, fo ala kii nai mei tunu-hotuk ma uma so'dan manai muka, tala'da, boema lafa'da lae, “Sue-lai O anam-mala, ou Manetualain; boso po'ilotak, lakamuu-lakadau O hata-hetom.” Nalosa leoina fe'ek-kala kokolak holo ma lafa'da lae, “Sila Manetualain nai bee?”

BILANGAN 11:11

Boema, nafa'da Manetualain nae, “Tao le'e de, O tao susa au leoiak? Ade O ta mahiik au fa do? Tao le'e de, O fe au mete-lakanae basa hataholi ia-la?

BILANGAN 14:13

Boema, Musa nafa'da Manetualain, nae, “Ou Manetualain, neukose hataholi Masir-rala, lamanene dede'ak ndia! Te se'kona, no O koasam-ma, de O moo falik ami meme nusak ndia mai so,

BILANGAN 16:22

Tehu Musa no Harun senek, de lafa'da lae, “Ou Manetualain, O nde fe maso'dak neu basa hata maso'dak lala'en-na. Metema ka'da hataholi esa mesak-kana nde nasala-nasingo soona, ade O mamanasa basa hataholi Israel-la lala'en-na do?”

BILANGAN 21:7

Boema leoina ndia neu leo Musa neu, de nafa'da nae, “Ami masala-masingo basa so, nanahu ami bemumu moo Manetualain ma o boe. Hule-haladoi neu Manetualain, fo ela nadenu menge ia-la, dook-ka leme ami mai.” Boema Musa hule-haladoi fe leoina ndia.

BILANGAN 27:4

Tehu tao le'e de, na'den-na muse mopon neme leoina Israel-la mai, ka'da hu kande, ana ta bongi anatouk fa do? Fe ami dae pusaka, sama-sama moo ami amam tolano ka'a-fa'din-nala.”

SEMUEL SUSULAK-KA ESAN-NA 15:11

“Au asasale dale, so'u Saul da'di manek, nana ana lepos nasadea Au so, ma ana ta nakalala'ok Au paletang-nga fa.” Semuel dalen-na he'dis-sa, de le'odae katemak esa, ana haladoi neu Manetualain.