KELUARAN 31:18 - Susula Malalaok Hehelu Palak Ma Hehelu Beuk

¹⁸ Manetualain kokolak basa no Musa nai Letek Sinai lain boema, Ana fen batu bebelak dua, fo Manetualain sulak paletan-nala nai dalek.

KELUARAN 31:18 ပူးပေါင်းရင်းမြစ်များ

2RAJA-RAJA 11:12

Basa ndia boema, Yoyada no Yoas leo deak leu, boema ana tao ti'ilanga manek-ka neu Yoas langan lain, ma ana fen Manetualain susula Hoholo-lananen. Yoas nanandoo eik da'di leo manek, de ala po'a-benga dede'ak ndia, neu laun-na. Basa-basas totoko liman-nala, ma eeki-latadale lae, “So'dak ba'eneu manek-ka!”

KELUARAN 24:12

Basa boema, Manetualain nafa'da Musa nae, “Mai leo Au mai, nai letek lain. Nai ndia, neukose Au fe o batu dua, Au sulak basa Au hoholo-lalaneng-ngala nai dalek. Basa hoholo-lalanek sila-la, da'di nanolik ba'eneu leoina ndia.”

KELUARAN 24:18

Boema Musa kae nakandoo, losa ana masok leo ko'as ndia dalek neu. Musa leo neme ndia, lele'dok haahulu, le'odaek haahulu.

KELUARAN 8:19

nalosa basa malela siula-tongonok sila-la, lafa'da manek-ka lae, “Manetualain nde tao ia.” Tehu, manek ndia nalanga batu nahele, de sama leo hata fo Manetualain, nafa'dan nae, manek ndia, ta nau taoafik neu Musa no Harun hala-kokolan fa.

YEREMIA 31:33

Hehelu-balatak beuk-ka nde ia fo neukose Au taon neu hataholi Israel-la: Neukose Au tao Au hoholo-lalaneng nai sila dale bobongoanan-nala dalek ma Au sulak-kana neu sila dalen-nala. Neukose Au da'di sila Manetualain-na, ma neukose sila da'di Au anang-ngala.

MATEOS 12:28

Tehu Au usiheni dula dale mangalau kala, ninik Manetualain Dula Dale na koasa na. Fo dede'ak ndia, sosoa na nae, Manetualain mulai paleta nai emi tala'da so.

LUKAS 11:20

Tehu Au usiheni dula dale mangalau ka ninik Manetualain koasa na, ma ndia sosoa na, nae Manetualain mulai paleta nai emi tala'da so.

2 KORINTUS 3:3

Sila nde lita lae emi malupa susulak fo Kristus nde sula kana, fo Ana haituan tunga ami. Susulak ndia ta nanasulak ninik tinta fa, te nanasulak ninik Manetualain Dula Dalen fo maso'da ka; boeo ta sula kana nai batu lei lain fa, te nanasulak nai hataholi daebafa ka dale na.

ULANGAN 10:4

Boema, Manetualain sulak Paleta Sanahulu neu batu sila-la lain, sama no paleta makasososak-ka, fo nde Ana fe emi paleta-la, nai lelek Ana kokolak neme ha'i-a tala'da mai, nai faik fo emi makabubua meme letek-ka huun-na. Basa ndia boema, Manetualain fe batu bebelak nanasulak sila-la, leo au mai,

ULANGAN 4:13

Ana po'a-benga neu emi, neme naa mai, la'eneu hata fo emi muse tao-no'in, soaneu emi tao matetu hehelu-balatak fo Ana taon no emi-a. Ana sulak basa Paleta ka 10-kala, neu batu lei ka duak-kala lain ndia, emi muse tao tungan.

ULANGAN 5:22

Nai lelek emi makabuba meme letek lain-na, Manetualain fe emi paleta-la nde sila. Nai lelek Ana kokolak no hala-na nanggunggulu neme ha'i dale, ma koas makate dale mai-a, Ana fe paleta-la nde ndia, te ta paleta fe'ek fa. Boema, Ana sulak-kana neu batu lei dua lain, de Ana fen leo au mai.”

IBRANI 9:4

Ala pe'da mei tutunu-hohotu ka nai kama ndia dalek. Mei ndia, ala tao neme lilopila sa, fo ala tunu-hotu boominik nai mei ndia lain. Ala pe'da Peti Hehelu-Balataa ka nai ndia boe. Lakadiditak lilopilas feo Peti ndia ao na lala'ena. Ala pe'da ule lilopilas esa nai Peti ndia dalek. Ule lilopilas ndia, isi na manna, Harun ai tete'e na, fo nanupu so, ma batu bebelak dua, fo Musa sulak Manetualain paleta kasanahulu na, nai batu kaduak sila la lain.