KELUARAN 31:16 - Susula Malalaok Hehelu Palak Ma Hehelu Beuk

¹⁶ Leoina Israel-la muse lakaboboi faik ndia neme tititi-nonosik leo tititi-nonosik neu, fo da'dileo ta'du-tana neme hehelu-balataak-ka mai.

KELUARAN 31:16 ပူးပေါင်းရင်းမြစ်များ

KEJADIAN 17:11

Mulai neme besak ia mai, o muse sunat basa o anatoum, fo nanabongi beuk-kala, fo teun-na, besak-ka faik falu, ma basa o atam, fo bongin nai o umam, do o asa mak-kala. Sunat ndia, neukose ana da'di ta'du-tana, neme hehelu-balataak fo, Au taon emi.

KEJADIAN 9:13

de Au tao elus-sa nai ko'as-sa, fo da'di leo ta'du-tana neu Au hehelu-balataang no daebafak-ka.

NEHEMIA 13:15

Nai tepo-lelek ndia, au ita ae nai fai Sabat-ta, hataholi de'ubee nai Yehuda, ala ka'bi angol. Hapu nggelok seluk bai soona, ala fua gandum, angol, angol boak, kaa boak ma bua-lo'a fe'ek nai keledein-nala lain, de lenis leo Yerusalem neu. Au kena-ka'is fo boso lase'o nai Yerusalem.

KELUARAN 31:17

Faik ndia nde been-na fai nasanene'dak esa fo nahele neu leoina Israel-la ma Au, nanahu Au, fo Manetualain, akadada'dik basa lalai ma daebafak-ka nai faik nee dalen-na, de nai faik ka hitun-na Au hahae ue-le'dis de Au hahaeaong.”

YESAYA 58:13

Manetualain nafa'da nae, “Fe ha'da-holomata neu fai Sabat-ta, sama leo Manetualain fain-na. Nai faik ndia, emi ta bole ito-ato emi paluum-ma fa. Tao faik ndia, da'di leo emi fai maua-manalem: fe ha'da-holomata neu Manetualain fain-na, nenik ta bole la'o leo su'di bee meu fa; boeo, boso maue-male'di, do kokolak dede'a manada'di tak.

YEREMIA 50:5

Neukose sila latane enok mana neu leo Sion, boema ala la'ok leo ndia leu. Neukose ala tao hehelu mate'ek lo au ma ami ho'u mahele.